Waiata 67

1 Ki te tino kaiwhakatangi. Nekinoto. He himene, he waiata. Ma te Atua tatou e atawhai, mana tatou e manaaki; mana e mea kia tiaho tona mata ki a tatou; (Hera)

For the choirmaster. With stringed instruments. A Psalm. A song. May God be gracious to us and bless us, and cause His face to shine upon us,

2 Kia matauria ai tau ara ki runga ki te whenua, tau whakaoranga i roto i nga tauiwi katoa.

that Your ways may be known on earth, Your salvation among all nations.

3 Kia whakamoemiti nga iwi ki a koe, e te Atua, kia whakamoemiti nga iwi katoa ki a koe.

Let the peoples praise You, O God; let all the peoples praise You.

4 Kia koa nga tauiwi, kia waiata i te hari: no te mea ka tika tau whakawa mo nga iwi, a ka kawana koe i nga tauiwi o te whenua. (Hera)

Let the nations be glad and sing for joy, for You judge the peoples justly and lead the nations of the earth.

5 Kia whakamoemiti nga iwi ki a koe, e te Atua, kia whakamoemiti nga iwi katoa ki a koe.

Let the peoples praise You, O God; let all the peoples praise You.

6 Kua tuku mai nei te whenua i ona hua; a ka manaaki te Atua, to tatou Atua, i a tatou.

The earth has yielded its harvest; God, our God, blesses us.

7 Ka manaaki te Atua i a tatou; a ka wehi nga pito katoa o te whenua i a ia.

God blesses us, that all the ends of the earth shall fear Him.