Waiata 64

1 Ki te tino kaiwhakatangi. He himene na Rawiri. Whakarongo ki toku reo, e te Atua, ina inoi atu ahau: tiakina toku ora i te wehi o te hoariri.

“For the leader of the music. A psalm of David.” Hear my voice, O God! when I pray! Preserve my life from the terrors of the enemy!

2 Huna ahau i te whakaaro ngaro o te hunga kino, i te ngangau a nga kaimahi i te he;

Hide me from the assembly of the wicked, From the brawling crowd of evil-doers!

3 Kua whakakoi nei i o ratou arero, ano he hoari, kua whakatika nei i a ratou pere, ara i nga kupu kikino,

For like a sword they sharpen their tongues, Like arrows they aim their poisoned words,

4 Hei koperenga pukutanga ma ratou ki te tangata tika; kitea rawatia ake kua kopere ki a ia, kahore hoki he wehi.

To shoot in secret at the upright; Suddenly do they shoot at him without fear.

5 E whakamaia ana ratou i a ratou ano ki te mea kino; e runanga ana kia whakatakotoria pukutia he rore, e mea ana, Ko wai e kite i a ratou?

They prepare themselves for an evil deed; They commune of laying secret snares: “Who,” say they, “will see them?”

6 E rapu hara ana ratou; e mea ana, Kua ata rapu marie tatou: taea noatia te hohonutanga o te whakaaro o ia tangata, a ko te ngakau he hohonu.

They meditate crimes: “We have finished,” say they, “our plans!” The heart and bosom of every one of them are deep.

7 Ma te Atua ia e kopere he pere ki a ratou kitea rawatia ake kua tu ratou.

But God will shoot an arrow at them; Suddenly shall they be wounded.

8 Heoi ka meinga ratou kia tapatu, ko to ratou arero ake ano ka tu atu ki a ratou; a ka ruru i to ratou matenga te hunga katoa e kite i a ratou.

Thus their own tongues shall bring them down; All who see them will flee away.

9 Ka wehi ano hoki nga tangata katoa, ka whakapuaki i te mahi a te Atua: ka ata maharatia hoki e ratou tana mahi.

Then will all men stand in awe, And declare what God hath done, And attentively consider his work.

10 Ka koa te tangata tika ki a Ihowa, ka whakawhirinaki hoki ki a ia: ka whakamanamana ano te hunga ngakau tika katoa.

The righteous shall rejoice, and trust in the LORD; All the upright in heart shall glory.