Waiata 64

1 Ki te tino kaiwhakatangi. He himene na Rawiri. Whakarongo ki toku reo, e te Atua, ina inoi atu ahau: tiakina toku ora i te wehi o te hoariri.

“To the chief musician, a psalm of David.” Hear my voice, O God, in my complaint: preserve my life from the dread of the enemy.

2 Huna ahau i te whakaaro ngaro o te hunga kino, i te ngangau a nga kaimahi i te he;

Hide me from the secret counsel of evil-doers, from the tumultuous assault of the workers of wickedness;

3 Kua whakakoi nei i o ratou arero, ano he hoari, kua whakatika nei i a ratou pere, ara i nga kupu kikino,

Who whet their tongue like a sword, who aim with their arrow, the bitter word:

4 Hei koperenga pukutanga ma ratou ki te tangata tika; kitea rawatia ake kua kopere ki a ia, kahore hoki he wehi.

To shoot in secret at the innocent; suddenly do they shoot at him, and fear not.

5 E whakamaia ana ratou i a ratou ano ki te mea kino; e runanga ana kia whakatakotoria pukutia he rore, e mea ana, Ko wai e kite i a ratou?

They encourage themselves in an evil plan; they tell secretly of laying snares: they say, Who will see them?

6 E rapu hara ana ratou; e mea ana, Kua ata rapu marie tatou: taea noatia te hohonutanga o te whakaaro o ia tangata, a ko te ngakau he hohonu.

They search out iniquities; “We are ready with the carefully searched out device:” and the inward thought and heart of each is deeply [hidden].

7 Ma te Atua ia e kopere he pere ki a ratou kitea rawatia ake kua tu ratou.

But God shooteth at them suddenly [his] arrow; —[thence] are come their wounds.

8 Heoi ka meinga ratou kia tapatu, ko to ratou arero ake ano ka tu atu ki a ratou; a ka ruru i to ratou matenga te hunga katoa e kite i a ratou.

And their own tongues will stumble over themselves: all that look on them will shake their head.

9 Ka wehi ano hoki nga tangata katoa, ka whakapuaki i te mahi a te Atua: ka ata maharatia hoki e ratou tana mahi.

All men shall fear, and shall declare the deeds of God, and understand his works.

10 Ka koa te tangata tika ki a Ihowa, ka whakawhirinaki hoki ki a ia: ka whakamanamana ano te hunga ngakau tika katoa.

The righteous shall rejoice in the Lord, and shall trust in him; and all the upright in heart shall glorify themselves.