Waiata 50
1 He himene na Ahapa. Kua puaki te kupu a te Atua, a te Atua tonu, a Ihowa, a karangatia ana e ia te whenua i te putanga mai o te ra, tae noa ki tona torengitanga.
A Psalm for Asaph. The God of gods, the Lord, has spoken, and called the earth from the rising of the sun to the going down [thereof].
2 Kua tiaho mai te Atua i roto i Hiona, i te tino o te ataahua.
Out of Sion [comes] the excellence of his beauty.
3 Ka haere mai to tatou Atua, e kore ano e wahangu: ka kai te kapura i tona aroaro, a ka hukerikeri te awha ki tetahi taha ona, ki tetahi taha.
God, our God, shall come manifestly, and shall not keep silence: a fire shall be kindled before him, and round about him there shall be a very great tempest.
4 Ka karangatia e ia nga rangi i runga, me te whenua hoki, ki te whakaritenga mo tona iwi.
He shall summon the heaven above, and the earth, that he may judge his people.
5 Huihuia mai ki ahau taku hunga tapu, te hunga i whakarite kawenata ki ahau i runga i te patunga tapu.
Assemble ye his saints to him, those that have engaged in a covenant with him upon sacrifices.
6 A ma nga rangi e whakakite tona tika: ko te Atua ake nei hoki te kaiwhakawa. (Hera)
And the heavens shall declare his righteousness: for God is judge. (Pause)
7 Whakarongo, e toku iwi, a ka korero ahau; e Iharaira, ka whakaatu ahau ki a koe; ko ahau te Atua, ko tou Atua.
Hear, my people, and I will speak to thee, O Israel: and I will testify to thee: I am God, thy God.
8 E kore ahau e riri ki a koe mo au patunga tapu; a kei toku aroaro tonu au tahunga tinana.
I will not reprove thee on account of thy sacrifices; for thy whole-burnt-offerings are before me continually.
9 E kore ahau e tango i tetahi puru i roto i tou whare, i etahi koati toa ranei i roto i au taiepa.
I will take no bullocks out of thine house, nor he-goats out of thy flocks.
10 Naku nei hoki nga kirehe katoa o te ngahere, nga kararehe i runga i te mano o nga pukepuke.
For all the wild beasts of the thicket are mine, the cattle on the mountains, and oxen.
11 E matau ana ahau ki nga manu katoa o nga maunga; naku ano nga kirehe o te parae.
I know all the birds of the sky; and the beauty of the field is mine.
12 Me he matekai toku, e kore ahau e korero ki a koe: naku nei hoki te ao, me ona tini mea.
If I should be hungry, I will not tell thee: for the world is mine, and the fullness of it.
13 E kai koia ahau i te kikokiko o nga puru, e inu ranei i te toto o nga koati?
Will I eat the flesh of bulls, or drink the blood of goats?
14 Ko te whakawhetai hei patunga tapu mau ki te Atua; whakamana hoki au kupu taurangi ki te Runga Rawa.
Offer to God the sacrifice of praise; and pay thy vows to the Most High.
15 A karanga ki ahau i te ra o te he: maku koe e whakaora, a ka whakakororiatia ahau e koe.
And call upon me in the day of affliction; and I will deliver thee, and thou shalt glorify me. (Pause)
16 Ki te tangata hara ia ka mea te Atua, He aha mau te whakapuaki i aku tikanga, te whakahua ranei i taku kawenata e tou mangai?
But to the sinner God has said, Why dost thou declare my ordinances, and take up my covenant in thy mouth?
17 Kua kino nei hoki koe ki te ako, a e akiri ana i aku kupu ki muri i a koe.
Whereas thou hast hated instruction, and hast cast my words behind [thee].
18 I tou kitenga i te tahae, na whakaae ana koe ki a ia; a whai tahi ana me te hunga puremu.
If thou sawest a thief, thou rannest along with him, and hast cast in thy lot with adulterers.
19 Kua tukua e koe tou mangai ki te kino; a e tito hianga ana tou arero.
Thy mouth has multiplied wickedness, and thy tongue has framed deceit.
20 Noho ana koe, ka korero kino ki tou teina: ngautuara tonu iho koe ki te tama a tou whaea.
Thou didst sit and speak against thy brother, and didst scandalize thy mother's son.
21 Ko au mahi enei, a wahangu tonu ahau; i mea koe he pena pu ahau me koe: otira ka riria koe e ahau, ka whakararangitia ano aua mea ki tou aroaro.
These things thou didst, and I kept silence: thou thoughtest wickedly that I should be like thee, [but] I will reprove thee, and set [thine offences] before thee.
22 Na whakaaroa tenei, e te hunga kua wareware ki te Atua; kei haehaea koutou e ahau, a kahore he kaiwhakaora.
Now consider these things, ye that forget God, lest he rend [you], and there is no deliverer.
23 Ko te whakamoemiti te patunga tapu e whai kororia ai ahau: ko te tangata hoki he tika nei tona ara ka whakakitea e ahau ki a ia te whakaoranga a te Atua.
The sacrifice of praise will glorify me: and that is the way wherein I will shew to him the salvation of God.
