Waiata 5
1 Ki te tino kaiwhakatangi Nehiroto. He himene na Rawiri. Tahuri tou taringa, e Ihowa, ki aku kupu, kia mohio koe ki toku whakaaroaronga.
| למנצח אל הנחילות מזמור לדוד אמרי האזינה יהוה בינה הגיגי׃ |
2 Whakarongo ki te reo o taku karanga, e toku Kingi, e toku Atua, he inoi hoki taku ki a koe.
| הקשיבה לקול שועי מלכי ואלהי כי אליך אתפלל׃ |
3 E rongo koe ki toku reo, e Ihowa, i te ata; i te ata ka whakatikaia atu e ahau taku inoi ki a koe, a ka titiro matatau atu.
| יהוה בקר תשמע קולי בקר אערך לך ואצפה׃ |
4 Ehara hoki koe i te Atua e pai ana ki te hara, e kore te kino e noho ki a koe.
| כי לא אל חפץ רשע אתה לא יגרך רע׃ |
5 E kore te hunga wairangi e tu ki tou aroaro: e kinongia ana e koe nga kaimahi katoa i te kino.
| לא יתיצבו הוללים לנגד עיניך שנאת כל פעלי און׃ |
6 E ngaro i a koe te hunga korero teka; e whakarihariha ana a Ihowa ki te tangata toto, ki te tangata hianga.
| תאבד דברי כזב איש דמים ומרמה יתעב יהוה׃ |
7 Ko ahau ia ka haere i runga i te tini o au atawhai ki tou whare: ka koropiko ki te ritenga o tau temepara tapu, me te wehi ano ki a koe.
| ואני ברב חסדך אבוא ביתך אשתחוה אל היכל קדשך ביראתך׃ |
8 E Ihowa, arahina ahau i runga i tou tika, he hoariri hoki oku; whakatikaia tau ara i mua i ahau.
| יהוה נחני בצדקתך למען שוררי הושר לפני דרכך׃ |
9 Kahore hoki he pono i o ratou mangai; he kino kau a roto i a ratou; he urupa puare noa o ratou korokoro; e patipati ana o ratou arero.
| כי אין בפיהו נכונה קרבם הוות קבר פתוח גרונם לשונם יחליקון׃ |
10 Whakataua te hara ki a ratou, e te Atua; kia hinga ratou i o ratou whakaaro; peia atu ratou me a ratou tini mahi tutu; mo ratou i whakakeke ki a koe.
| האשימם אלהים יפלו ממעצותיהם ברב פשעיהם הדיחמו כי מרו בך׃ |
11 Na kia hari katoa te hunga e whakawhirinaki ana ki a koe: kia hamama tonu ratou i te koa, mo ratou e hipokina nei e koe; a kia whakamanamana ki a koe te hunga e aroha ana ki tou ingoa.
| וישמחו כל חוסי בך לעולם ירננו ותסך עלימו ויעלצו בך אהבי שמך׃ |
12 No te mea ka manaakitia e koe, e Ihowa, te tangata tika; me he whakangungu rakau te manako e karapotia ai ia e koe.
| כי אתה תברך צדיק יהוה כצנה רצון תעטרנו׃ |
