Waiata 33

1 Kia hari ki a Ihowa, e te hunga tika: he mea ataahua te whakamoemiti ma te hunga kore he.

רננו צדיקים ביהוה לישרים נאוה תהלה

2 Whakamoemiti ki a Ihowa i runga i te hapa; himene ki a ia i runga i te hatere kotahi tekau nei nga aho.

הודו ליהוה בכנור בנבל עשור זמרו-לו

3 Waiatatia ki a ia he waiata hou: kia tika te whakatangi, kia nui te reo.

שירו-לו שיר חדש היטיבו נגן בתרועה

4 No te mea he tika te kupu a Ihowa, a kei runga i te pono ana mahi katoa.

כי-ישר דבר-יהוה וכל-מעשהו באמונה

5 E paingia ana e ia te tika me te whakawa: ki tonu te whenua i te atawhai a Ihowa.

אהב צדקה ומשפט חסד יהוה מלאה הארץ

6 Na te kupu a Ihowa nga rangi i hanga; ko nga mano katoa hoki o reira na te ha o tona mangai.

בדבר יהוה שמים נעשו וברוח פיו כל-צבאם

7 He mea huihui e ia nga wai o te moana, ano he puranga; he mea whawhao e ia te rire ki nga pakoro.

כנס כנד מי הים נתן באוצרות תהומות

8 Kia wehi te whenua katoa ki a Ihowa; kia ohooho nga tangata katoa o te ao ki a ia.

ייראו מיהוה כל-הארץ ממנו יגורו כל-ישבי תבל

9 I ki hoki ia, a kua oti: i whakahau, a tu tonu iho.

כי הוא אמר ויהי הוא-צוה ויעמד

10 E whakataka ana e Ihowa te whakaaro o nga tauiwi: e whakakahoretia ana e ia nga meatanga a nga iwi.

יהוה הפיר עצת-גוים הניא מחשבות עמים

11 Ko te whakaaro o Ihowa, tu tonu ake ake; ko nga meatanga a tona ngakau kei tena whakatupuranga, kei tena whakatupuranga.

עצת יהוה לעולם תעמד מחשבות לבו לדר ודר

12 Ka hari te iwi no ratou nei Atua a Ihowa, te iwi kua whiriwhiria e ia hei taonga tupu mona.

אשרי הגוי אשר-יהוה אלהיו העם בחר לנחלה לו

13 E titiro iho ana a Ihowa i te rangi: e kite ana ia i nga tama katoa a te tangata.

משמים הביט יהוה ראה את-כל-בני האדם

14 Kei tona wahi nohoanga ia e matakitaki iho ana ki nga tangata katoa o te whenua.

ממכון-שבתו השגיח-- אל כל-ישבי הארץ

15 Nana i hanga nga ngakau o ratou katoa, e mohiotia ana e ia a ratou mahi katoa.

היצר יחד לבם המבין אל-כל-מעשיהם

16 E kore tetahi kingi e ora i te nui o te ope, e kore e ora te marohirohi i te nui o te kaha.

אין-המלך נושע ברב-חיל גבור לא-ינצל ברב-כח

17 He mea teka te hoiho hei whakaora; ehara ano tona kaha nui i te mea e mawhiti ai.

שקר הסוס לתשועה וברב חילו לא ימלט

18 Nana, kei runga i te hunga e wehi ana i a ia te kanohi o Ihowa, kei te hunga e tumanako ana ki tana mahi tohu;

הנה עין יהוה אל-יראיו למיחלים לחסדו

19 Hei whakaora i o ratou wairua kei mate, hei mea i a ratou kia ora i te wa o te hemokai.

להציל ממות נפשם ולחיותם ברעב

20 Kua tatari nei o tatou wairua ki a Ihowa; ko ia to tatou kaiawhina, to tatou whakangungu rakau.

נפשנו חכתה ליהוה עזרנו ומגננו הוא

21 Hari tonu to tatou ngakau ki a ia; no tatou hoki i whakawhirinaki ki tona ingoa tapu.

כי-בו ישמח לבנו כי בשם קדשו בטחנו

22 E Ihowa, hei runga i a matou tau mahi tohu; kia rite hoki ki ta matou tumanako ki a koe.

יהי-חסדך יהוה עלינו כאשר יחלנו לך