Waiata 29

1 He himene na Rawiri. Hoatu ki a Ihowa, e nga tama a te hunga nunui, hoatu ki a Ihowa te kororia me te kaha.

A Psalm. Of David. Give to the Lord, you sons of the gods, give to the Lord glory and strength.

2 Hoatu ki a Ihowa te kororia e rite ana mo tona ingoa, koropiko ki a Ihowa i roto i te ataahua o te tapu.

Give to the Lord the full glory of his name; give him worship in holy robes.

3 Kei runga te reo o Ihowa i nga wai: e papa ana te whatitiri a te Atua o te kororia: kei runga a Ihowa i nga wai maha.

The voice of the Lord is on the waters: the God of glory is thundering, the Lord is on the great waters.

4 Kaha tonu te reo o Ihowa; kororia tonu te reo o Ihowa.

The voice of the Lord is full of power; the voice of the Lord has a noble sound.

5 Mongamonga noa nga hita i te reo o Ihowa; ina, mongamonga noa i a Ihowa nga hita o Repanona.

By the voice of the Lord are the cedar-trees broken, even the cedars of Lebanon are broken by the Lord.

6 Ko ia hei mea i a ratou kia mokowhiti, ano he kuao: a Repanona raua ko Hiriona, ano he kuao kau maka.

He makes them go jumping about like a young ox; Lebanon and Sirion like a young mountain ox.

7 E wehewehe ana te reo o Ihowa i nga mura ahi.

At the voice of the Lord flames of fire are seen.

8 Wiri ana te koraha i te reo o Ihowa: wiri ana i a Ihowa te koraha o Karehe.

At the voice of the Lord there is a shaking in the waste land, even a shaking in the waste land of Kadesh.

9 Whanau ana nga hata i te reo o Ihowa, tihorea ana nga ngahere kia tahanga: i tona temepara ko te kupu a te katoa, Kororia.

At the voice of the Lord the roes give birth, the leaves are taken from the trees: in his Temple everything says, Glory.

10 I noho a Ihowa hei kingi i runga i te Waipuke; ae, ka noho a Ihowa hei kingi, ake ake.

The Lord had his seat as king when the waters came on the earth; the Lord is seated as king for ever.

11 Ka homai e Ihowa he kaha ki tana hunga; he rongo mau ta Ihowa manaaki mo tana hunga.

The Lord will give strength to his people; the Lord will give his people the blessing of peace.