Waiata 146

1 Whakamoemititia a Ihowa. E toku wairua, whakamoemititia a Ihowa.

Praise ye the LORD! Praise the LORD, O my soul!

2 I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei.

I will praise the LORD, as long as I live; I will sing praises to my God, while I have my being.

3 Kei whakawhirinaki ki nga rangatira, ki te tama ranei a te tangata, kahore nei he awhina.

Put not your trust in princes, In the son of man, in whom is no help!

4 Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano.

His breath goeth forth; he returneth to the dust; In that very day his plans perish.

5 Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua;

Happy is he that hath the God of Jacob for his help; Whose hope is in the LORD, his God;

6 Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake;

Who made heaven and earth, The sea, and all that is therein; Who keepeth truth for ever;

7 E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere:

Who executeth judgment for the oppressed; Who giveth food to the hungry. The LORD setteth free the prisoners;

8 Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.

The LORD openeth the eyes of the blind; The LORD raiseth up them that are bowed down; The LORD loveth the righteous.

9 Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia.

The LORD preserveth the strangers; He relieveth the fatherless and the widow; But the way of the wicked he maketh crooked.

10 Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa.

The LORD shall reign for ever; Thy God, O Zion! to all generations! Praise ye the LORD!