Waiata 146

1 Whakamoemititia a Ihowa. E toku wairua, whakamoemititia a Ihowa.

Praise JAH. Praise YHWH, my soul.

2 I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei.

While I live, I will praise YHWH. I will sing praises to my God as long as I exist.

3 Kei whakawhirinaki ki nga rangatira, ki te tama ranei a te tangata, kahore nei he awhina.

Do not put your trust in princes, each a son of man in whom there is no help.

4 Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano.

His spirit departs, and he returns to the earth. In that very day, his thoughts perish.

5 Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua;

Blessed is the one who has the God of Jacob for his help, whose hope is in YHWH his God,

6 Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake;

who made heaven and earth, the sea, and all that is in them; who keeps truth forever;

7 E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere:

who executes justice for the oppressed; who gives food to the hungry. YHWH frees the prisoners.

8 Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.

YHWH opens the eyes of the blind. YHWH raises up those who are bowed down. YHWH loves the righteous.

9 Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia.

YHWH preserves the foreigners. He upholds the fatherless and widow, but the way of the wicked he turns upside down.

10 Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa.

YHWH will reign forever; your God, O Zion, to all generations. Praise JAH.