Waiata 146

1 Whakamoemititia a Ihowa. E toku wairua, whakamoemititia a Ihowa.

Hallelujah! Praise Jehovah, O my soul.

2 I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei.

As long as I live will I praise Jehovah; I will sing psalms unto my God while I have my being.

3 Kei whakawhirinaki ki nga rangatira, ki te tama ranei a te tangata, kahore nei he awhina.

Put not confidence in nobles, in a son of man, in whom there is no salvation.

4 Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano.

His breath goeth forth, he returneth to his earth; in that very day his purposes perish.

5 Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua;

Blessed is he who hath the God of Jacob for his help, whose hope is in Jehovah his God,

6 Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake;

Who made the heavens and the earth, the sea and all that is therein; who keepeth truth for ever;

7 E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere:

Who executeth judgment for the oppressed, who giveth bread to the hungry. Jehovah looseth the prisoners;

8 Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.

Jehovah openeth [the eyes of] the blind; Jehovah raiseth up them that are bowed down; Jehovah loveth the righteous;

9 Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia.

Jehovah preserveth the strangers; he lifteth up the fatherless and the widow; but the way of the wicked doth he subvert.

10 Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa.

Jehovah will reign for ever, [even] thy God, O Zion, from generation to generation. Hallelujah!