Waiata 146

1 Whakamoemititia a Ihowa. E toku wairua, whakamoemititia a Ihowa.

Hallelujah! Praise the LORD, O my soul.

2 I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei.

I will praise the LORD all my life; I will sing praises to my God while I have my being.

3 Kei whakawhirinaki ki nga rangatira, ki te tama ranei a te tangata, kahore nei he awhina.

Put not your trust in princes, in mortal man, who cannot save.

4 Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano.

When his spirit departs, he returns to the ground; on that very day his plans perish.

5 Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua;

Blessed is he whose help is the God of Jacob, whose hope is in the LORD his God,

6 Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake;

the Maker of heaven and earth, the sea, and everything in them. He remains faithful forever.

7 E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere:

He executes justice for the oppressed and gives food to the hungry. The LORD sets the prisoners free,

8 Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.

the LORD opens the eyes of the blind, the LORD lifts those who are weighed down, the LORD loves the righteous.

9 Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia.

The LORD protects foreigners; He sustains the fatherless and the widow, but the ways of the wicked He frustrates.

10 Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa.

The LORD reigns forever, your God, O Zion, for all generations. Hallelujah!