Waiata 130

1 He waiata; he pikitanga. I karanga ahau ki a koe, e Ihowa, i roto i nga hohonu.

Out of the depths have I cried unto thee, O Yhwh.

2 E te Ariki, whakarongo mai ki toku reo: kia anga mai ou taringa ki toku reo inoi.

Lord, hear my voice: let thine ears be attentive to the voice of my supplications.

3 Me i maharatia e koe nga kino, e Ihowa, ko wai, e te Ariki, e tu?

If thou, Yah, shouldest mark iniquities, O Lord, who shall stand?

4 Otira he muru hara tau, e wehingia ai koe.

But there is forgiveness with thee, that thou mayest be feared.

5 E tatari ana ahau ki a Ihowa; e tatari ana toku wairua: e tumanako ana hoki ahau ki tana kupu.

I wait for Yhwh, my soul doth wait, and in his word do I hope.

6 Ko te taringa o toku wairua i te Ariki nui atu i to te hunga e whanga ana ki te ata; ae, i to te hunga e whanga ana ki te ata.

My soul waiteth for the Lord more than they that watch for the morning: I say, more than they that watch for the morning.

7 E Iharaira, kia tumanako ki a Ihowa, kei a Ihowa hoki te mahi tohu, a kei a ia te hokonga nui.

Let Israel hope in Yhwh: for with Yhwh there is mercy, and with him is plenteous redemption.

8 A mana a Iharaira e hoko i roto i ona he katoa.

And he shall redeem Israel from all his iniquities.