Waiata 126

1 He waiata; he pikitanga. I ta Ihowa whakahokinga mai i nga pononga o Hiona i rite matou ki te hunga e moehewa ana.

When the lord brought back the captivity of Sion, we became like men comforted.

2 Katahi to matou mangai ka ki i te kata, to matou arero hoki i te waiata: katahi ka korerotia i roto i nga tauiwi, He nui nga mahi a Ihowa ki a ratou.

Then was our mouth filled with gladness; and our tongue with joy. Then shall they say among the Gentiles: The Lord hath done great things for them.

3 He mea nunui a Ihowa i mea ai mo tatou, a e koa ana tatou.

The Lord hath done great things for us: we are become joyful.

4 E Ihowa, whakahokia matou i te whakarau: kia pera me nga awa o te tonga.

Turn again our captivity, O Lord, as a stream in the south.

5 Ko te hunga e rui ana i runga i te roimata, ka kokoti i runga i te hari.

They that sow in tears shall reap in joy.

6 Ahakoa haere tangi atu ia me te kawe i ana purapura hei whakatokanga; tera ia e haere hari mai ano me te mau mai i ana paihere.

Going they went and wept, casting their seeds. But coming they shall come with joyfulness, carrying their sheaves.