Waiata 125

1 He waiata; he pikitanga. Ko te hunga e whakawhirinaki ana ki a Ihowa ka rite ki Maunga Hiona, e kore nei e taea te whakangaueue, pumau tonu ake ake.

[A Song of Ascents.] Those who trust in YHWH are as Mount Zion, which cannot be moved, but remains forever.

2 Me nga maunga e taiawhio nei i Hiruharama, te karapoti a Ihowa i tona iwi, aianei a ake tonu atu.

As the mountains surround Jerusalem, so YHWH surrounds his people from this time forth and forevermore.

3 E kore hoki te tokotoko a te whakaarokore e waiho tonu i runga i te wahi o te hunga tika: kei totoro te ringa o te hunga tika ki te kino.

For the scepter of wickedness won't remain over the allotment of the righteous; so that the righteous won't use their hands to do evil.

4 Kia pai tau mahi, e Ihowa, ki te hunga pai, ki te hunga he tika nei o ratou ngakau.

Do good, YHWH, to those who are good, to those who are upright in their hearts.

5 Ko te hunga ia e peka ke ana ki o ratou ara kopikopiko, ma Ihowa ratou e arahi tahi atu me nga kaimahi i te kino. Kia mau te rongo ki a Iharaira.

But as for those who turn aside to their crooked ways, YHWH will lead them away with evildoers. Peace be on Israel.