Waiata 120

1 He waiata; he pikitanga. I tangi, ahau ki a Ihowa i toku matenga; a i whakahoki kupu mai ia ki ahau.

In my distress I cried unto the LORD, and he heard me.

2 E Ihowa, whakaorangia toku wairua i te ngutu teka, i te arero hianga.

Deliver my soul, O LORD, from lying lips, and from a deceitful tongue.

3 Ko te aha e hoatu ki a koe? ko te aha hoki e tapiritia atu mau, e te arero hianga?

What shall be given unto you? or what shall be done unto you, you false tongue?

4 Ko nga pere koi a te hunga nunui, me nga waro hunipa.

Sharp arrows of the mighty, with coals of juniper.

5 Aue, toku mate, to te manene i Meheke, toku hoki e noho nei i nga teneti o Kerara!

Woe is me, that I sojourn in Mesech, that I dwell in the tents of Kedar!

6 Kua roa te nohoanga tahitanga o toku wairua ki te tangata e kino ana ki te ata noho.

My soul has long dwelt with him that hates peace.

7 Mo te ata noho ahau, engari ka korero ahau, ka anga ratou ka whawhai.

I am for peace: but when I speak, they are for war.