Waiata 118
1 Whakawhetai ki a Ihowa; he pai hoki ia, he pumau tonu hoki tana mahi tohu.
| הודו ליהוה כי-טוב כי לעולם חסדו |
2 Kia mea a Iharaira, He pumau tonu tana mahi tohu.
| יאמר-נא ישראל כי לעולם חסדו |
3 Kia mea te whare o Arona, He pumau tonu tana mahi tohu.
| יאמרו-נא בית-אהרן כי לעולם חסדו |
4 Kia mea te hunga e wehi ana i a Ihowa, He pumau tonu tana mahi tohu.
| יאמרו-נא יראי יהוה כי לעולם חסדו |
5 I karanga ahau ki a Ihowa i roto i te pouri: i whakahoki kupu mai a Ihowa ki ahau, i whakatu hoki i ahau ki te wahi whanui.
| מן-המצר קראתי יה ענני במרחב יה |
6 Kei ahau a Ihowa; e kore ahau e wehi: he aha ta te tangata e mea ai ki ahau?
| יהוה לי לא אירא מה-יעשה לי אדם |
7 Kei ahau a Ihowa kei roto i oku kaiawhina: no reira tera ahau e kite i taku i hiahia ai ki te hunga e kino ana ki ahau.
| יהוה לי בעזרי ואני אראה בשנאי |
8 Ko te whakawhirinaki ki a Ihowa, pai atu i te whakaaro ki te tangata.
| טוב לחסות ביהוה-- מבטח באדם |
9 Ko te whakawhirinaki ki a Ihowa, pai atu i te okioki ki nga rangatira.
| טוב לחסות ביהוה-- מבטח בנדיבים |
10 I karapotia ahau e nga iwi katoa: ka ngaro ratou i ahau i runga i te ingoa o Ihowa.
| כל-גוים סבבוני בשם יהוה כי אמילם |
11 I karapotia ahau e ratou: ae, i karapotia ahau e ratou: ka ngaro ratou i ahau i runga i te ingoa o Ihowa.
| סבוני גם-סבבוני בשם יהוה כי אמילם |
12 Me te mea he pi ratou e mui ana ki ahau; kua pirau ratou ano he ahi tataramoa: i ngaro hoki ratou i ahau i runga i te ingoa o Ihowa.
| סבוני כדבורים-- דעכו כאש קוצים בשם יהוה כי אמילם |
13 Kaha pu tau turaki i ahau, kia hinga ai ahau: na Ihowa ia ahau i awhina mai.
| דחה דחיתני לנפל ויהוה עזרני |
14 Ko Ihowa toku kaha, taku himene, ko ia ano toku whakaoranga.
| עזי וזמרת יה ויהי-לי לישועה |
15 He reo hari, he reo whakaoranga, kei nga tapenakara o te hunga tika: he maia nga mahi a te ringa matau o Ihowa.
| קול רנה וישועה--באהלי צדיקים ימין יהוה עשה חיל |
16 Kua whakanuia te matau o Ihowa: he maia nga mahi a te ringa matau o Ihowa.
| ימין יהוה רוממה ימין יהוה עשה חיל |
17 E kore ahau e mate, engari tera ahau e ora, hei whakapuaki i nga mahi a Ihowa.
| לא-אמות כי-אחיה ואספר מעשי יה |
18 I pakia rawatia ahau e Ihowa: otiia kihai ahau i tukua e ia kia mate.
| יסר יסרני יה ולמות לא נתנני |
19 Whakatuwheratia ki ahau nga kuwaha o te tika: ka tomo ahau ki roto, ka whakamoemiti ki a Ihowa.
| פתחו-לי שערי-צדק אבא-בם אודה יה |
20 Ko te kuwaha tenei o Ihowa: ka tomo te hunga tika ki reira.
| זה-השער ליהוה צדיקים יבאו בו |
21 Ka whakamoemiti ahau ki a koe, mou i whakahoki kupu mai ki ahau, kua meinga hoki ko koe hei whakaora moku.
| אודך כי עניתני ותהי-לי לישועה |
22 Ko te kohatu i kapea e nga kaihanga, kua meinga hei upoko mo te kokonga.
| אבן מאסו הבונים-- היתה לראש פנה |
23 Na Ihowa tenei: he mea miharo ki o tatou kanohi.
| מאת יהוה היתה זאת היא נפלאת בעינינו |
24 Ko te ra tenei i hanga e Ihowa kia whakamanamana, kia koa tatou i reira.
| זה-היום עשה יהוה נגילה ונשמחה בו |
25 Whakaorangia ra aianei, e Ihowa: tena ra, e Ihowa, homai he ngahuru ki a matou.
| אנא יהוה הושיעה נא אנא יהוה הצליחה נא |
26 Kia whakapaingia te tangata e haere mai ana i runga i te ingoa o Ihowa: kua whakapaingia koutou e matou i roto i te whare o Ihowa.
| ברוך הבא בשם יהוה ברכנוכם מבית יהוה |
27 Ko Ihowa te Atua, a nana i homai te marama ki a tatou: herea te patunga tapu ki nga aho, ki nga haona ra ano o te aata.
| אל יהוה--ויאר-לנו אסרו-חג בעבתים--עד קרנות המזבח |
28 Ko koe toku Atua, maku koe e whakamoemiti: toku Atua, maku koe e whakanui.
| אלי אתה ואודך אלהי ארוממך |
29 Whakawhetai ki a Ihowa; he pai hoki ia: he pumau tonu tana mahi tohu.
| הודו ליהוה כי-טוב כי לעולם חסדו |
