Waiata 112

1 Whakamoemititia a Ihowa. Ka hari te tangata e wehi ana i a Ihowa, e aro nui ana ki ana whakahau.

Praise Yahweh. Blessed is the man who obeys Yahweh, who greatly delights in his commandments.

2 Ka nui ona uri ki runga ki te whenua; ka manaakitia te whakatupuranga o te hunga tika.

His descendants will be powerful on earth; the descendants of the godly man will be blessed.

3 Kei tona whare te rawa, te taonga: ka pumau tonu tona tika, ake ake.

Wealth and riches are in his house; his righteousness will endure forever.

4 Ka maea ake te marama i roto i te pouri ki te hunga tika: he atawhai ia, he aroha, he tika.

Light shines in the darkness for the godly person; he is gracious, merciful, and just.

5 He pono ka whiwhi painga te tangata he atawhai, he ohaoha tana mahi: ka u ana kupu i te whakawakanga.

It goes well for the man who deals graciously and lends money, who conducts his affairs with honesty.

6 E kore hoki ia e whakangaueuetia ake ake: ka maharatia tonutia te tangata tika ake ake.

For he will never be moved; the righteous person will be remembered forever.

7 E kore ia e mataku i te rongo kino: e u ana tona ngakau, e whakawhirinaki ana ki a Ihowa.

He does not fear bad news; he is confident, trusting in Yahweh.

8 Ka u tona ngakau, e kore ia e wehi, kia kite ra ano ia i tana i hiahia ai ki ona hoariri.

His heart is tranquil, without fear, until he looks in triumph over his adversaries.

9 Kua tuwhaina e ia, kua hoatu ki te hunga rawakore: pumau tonu tona tika ake ake; ka ara tona haona i runga i te kororia.

He generously gives to the poor; his righteousness endures forever; he will be exalted with honor.

10 Ka kite te tangata kino, a ka pouri; ka pakiri ona niho, memeha iho: pirau iho te hiahia o te hunga kino.

The wicked person will see this and be angry; he will grind his teeth in rage and he will melt away; the desire of the wicked people will perish.