Waiata 101

1 He himene na Rawiri. Ka waiatatia e ahau te mahi tohu me te whakawa tika: ka himene atu ahau ki a koe, e Ihowa.

I will sing of mercy and judgment: unto you, O LORD, will I sing.

2 Ka ata whakahaere ahau i ahau i runga i te ara tika. A hea koe haere mai ai ki ahau? Ka haereere ahau i roto i toku whare i runga i te ngakau tapatahi.

I will behave myself wisely in a perfect way. O when will you come unto me? I will walk within my house with a perfect heart.

3 E kore te mea tutua e waiho e ahau i mua i oku kanohi; e kino ana ahau ki te mahi a te hunga peka ke: e kore e piri ki ahau.

I will set no wicked thing before mine eyes: I hate the work of them that turn aside; it shall not cleave to me.

4 Ka mawehe atu i ahau te ngakau parori ke: e kore ahau e mohio ki te mea kino.

A perverse heart shall depart from me: I will not know a wicked person.

5 Ko te tangata e ngautuara puku ana ki tona hoa ka whakangaromia e ahau: e kore ahau e aro ki te tangata kanohi whakakake, ki te tangata ngakau whakapakari.

Whoso privately slanders his neighbour, him will I cut off: him that has an high look and a proud heart will not I suffer.

6 Kei runga i nga mea pono o te whenua oku kanohi, kia noho ai ratou ki ahau: ko te tangata e haere ana i te ara tika, ka mahi tena ki ahau.

Mine eyes shall be upon the faithful of the land, that they may dwell with me: he that walks in a perfect way, he shall serve me.

7 E kore e noho ki toku whare te kaimahi i te hianga: e kore e tu ki toku aroaro te tangata korero teka.

He that works deceit shall not dwell within my house: he that tells lies shall not tarry in my sight.

8 I tenei ata, i tenei ata, ka whakangaromia e ahau nga tangata kikino katoa o te whenua: kia hatepea atu ai i te pa o te Atua te hunga katoa e mahi ana i te kino.

I will early destroy all the wicked of the land; that I may cut off all wicked doers from the city of the LORD.