Waiata 1

1 Ka hari te tangata kahore nei e haere i te whakaaro o te tangata kino, a kahore e tu i te ara o te hunga hara, kahore ano e noho i te nohoanga o te hunga whakahi.

Happy are those who don't follow the advice of the wicked. They refuse to adopt the ways of sinful people, and they don't make fun of others.

2 Engari ko te ture a Ihowa tana e whakaahuareka ai; kei tona ture ona whakaaro i te ao, i te po.

Instead they love to do what the law of the Lord says, and they think about it day and night.

3 E rite hoki ia ki te rakau i whakatokia ki te taha o nga awa wai, e whai hua nei i te po e hua ai: e kore tona rau e memenga; a ka pono ana mea katoa e mea ai ia.

They're like trees growing by flowing rivers, producing fruit every season. Their leaves never wither, and they are successful in all they do.

4 E kore e pera nga tangata kino; engari ka rite ki te papapa e aia ana e te hau.

But it's not like that for the wicked! They are like chaff, blown away by the wind.

5 Ae ra, e kore e tu te hunga kino i te whakawakanga, me te hunga hara i te whakaminenga o te hunga tika.

For this reason the wicked will not survive the judgment—sinners have no place among those who live right.

6 E matau ana hoki a Ihowa ki te ara o te hunga tika: ko te ara ia o te hunga kino e ngaro.

For the Lord watches over those who follow the right way, but the way of the wicked leads to death.