Whakatauki 4
1 Whakarongo, e aku tamariki, ki te whakaako a te matua, tahuri mai hoki kia matauria ai nga whakaaro mohio.
Hear, ye children, the instruction of a father, and attend to know understanding.
2 He pai hoki te kupu mohio ka hoatu nei e ahau ki a koutou, kaua taku ture e whakarerea.
For I give you good doctrine; forsake ye not my teaching.
3 He tama ano hoki ahau ki toku papa, a he ngawari, he mea kotahi e matenuitia ana e toku whaea.
For I was a son unto my father, tender and an only one in the sight of my mother.
4 I whakaako ano ia i ahau, i mea ki ahau, Puritia aku kupu e tou ngakau; kia mau ki aku whakahau, a e ora koe.
And he taught me, and said unto me: 'Let thy heart hold fast my words, keep my commandments, and live;
5 Whaia mou te whakaaro nui, whaia mou te matauranga; kaua e wareware ki tera, kaua hoki e neke atu i nga kupu a toku mangai.
Get wisdom, get understanding; forget not, neither decline from the words of my mouth;
6 Kaua ia e whakarerea, a mana koe e tiaki; arohaina ia, a mana koe e mau ai.
Forsake her not, and she will preserve thee; love her, and she will keep thee.
7 Ko te whakaaro nui te tino mea; no reira whaia mau te whakaaro nui; a i ou whiwhinga katoa, kia whiwhi koe ki te matauranga.
The beginning of wisdom is: Get wisdom; yea, with all thy getting get understanding.
8 Whakanuia ia, a mana koe ka kake ai; ka whakahonore ia i a koe ki te awhitia e koe.
Extol her, and she will exalt thee; she will bring thee to honour, when thou dost embrace her.
9 Ka homai e ia he pare ataahua ki tou mahunga, ka potaea ano koe e ia ki te karauna whakapaipai.
She will give to thy head a chaplet of grace; a crown of glory will she bestow on thee.'
10 Whakarongo, e taku tama, maharatia aku kupu, a he maha nga tau e ora ai koe.
Hear, O my son, and receive my sayings; and the years of thy life shall be many.
11 He mea whakaako koe naku ki te ara o te whakaaro nui; he mea arahi koe naku i nga ara o te tika.
I have taught thee in the way of wisdom; I have led thee in paths of uprightness.
12 Ka haere koe, e kore ou takahanga e whakakikitia mai; ki te rere koe, e kore koe e tutuki.
When thou goest, thy step shall not be straitened; and if thou runnest, thou shalt not stumble.
13 Kia mau ki te ako, kaua e tukua atu; matapoporetia iho, ko tou oranga hoki ia.
Take fast hold of instruction, let her not go; keep her, for she is thy life.
14 Kaua e haere i te ara o te hunga kino, kaua hoki e takahia te huarahi o te hunga he.
Enter not into the path of the wicked, and walk not in the way of evil men.
15 Anga ke ake, kaua e tika na reira; peka ake i taua ara, haere tonu atu.
Avoid it, pass not by it; turn from it, and pass on.
16 E kore hoki ratou e moe ki te kore e oti tetahi mahi he ma ratou; riro rawa to ratou moe, ki te kahore tetahi tangata e hinga i a ratou.
For they sleep not, except they have done evil; and their sleep is taken away, unless they cause some to fall.
17 No te kino hoki te taro e kainga ana e ratou, no te nanakia te waina e inumia ana e ratou.
For they eat the bread of wickedness, and drink the wine of violence.
18 Ko te huarahi ia o te hunga tika, koia ano kei te marama e whiti ana, a ka neke haere tonu ake tona marama, a taea noatia te tino ra.
But the path of the righteous is as the light of dawn, that shineth more and more unto the perfect day.
19 Ko te ara o te hunga kino, me he pouri; e kore ratou e mohio ki te mea i tutuki ai ratou.
The way of the wicked is as darkness; they know not at what they stumble.
20 E taku tama, tahuri ki aku kupu; anga mai tou taringa ki aku korero.
My son, attend to my words; incline thine ear unto my sayings.
21 Kei kotiti ke enei i ou kanohi; puritia i waenganui o tou ngakau.
Let them not depart from thine eyes; keep them in the midst of thy heart.
22 He oranga enei mo te hunga e kitea ai, he rongoa mo o ratou kikokiko katoa.
For they are life unto those that find them, and health to all their flesh.
23 Kia pau ou mahara ki te tiaki i tou ngakau; no reira hoki nga putanga o te ora.
Above all that thou guardest keep thy heart; for out of it are the issues of life.
24 Whakarerea te mangai whanoke, kia matara rawa i a koe nga ngutu tutu.
Put away from thee a froward mouth, and perverse lips put far from thee.
25 Kia hangai tonu te titiro whakamua a ou kanohi; kia titiro ou kamo ki mua tonu i a koe.
Let thine eyes look right on, and let thine eyelids look straight before thee.
26 Whakatikaia te huarahi o ou waewae, kia u ano hoki ou ara katoa.
Make plain the path of thy feet, and let all thy ways be established.
27 Kaua e peka ki matau, ki maui; kia anga ke tou waewae i te kino.
Turn not to the right hand nor to the left; remove thy foot from evil.
