Whakatauki 10
1 Ko nga whakatauki a Horomona. He tama whakaaro nui, ka koa te papa: tena he tama kuware, he utanga nui mo tona whaea.
The proverbs of Solomon. A wise son maketh a glad father; but a foolish son is the grief of his mother.
2 Kahore he rawa o nga taonga o te kino: ma te tika ia te oranga ake i te mate.
Treasures of wickedness profit nothing; but righteousness delivereth from death.
3 E kore a Ihowa e tuku i te wairua o te tangata tika kia hemokai: ka pana atu ia e ia te hiahia o te hunga kino.
The LORD will not suffer the soul of the righteous to famish; but He thrusteth away the desire of the wicked.
4 He rawakore te tukunga iho o te ringa ngehe: ma te ringa kakama ia ka hua te taonga.
He becometh poor that dealeth with a slack hand; but the hand of the diligent maketh rich.
5 He kohi raumati ta tama ngakau mahara: he whakama ia te rawa a tama moe ngahuru.
A wise son gathereth in summer; but a son that doeth shamefully sleepeth in harvest.
6 He manaaki kei te tumuaki o te tangata tika: he arita ia kei te waha o te tangata kino, taupoki ai.
Blessings are upon the head of the righteous; but the mouth of the wicked concealeth violence.
7 Ka manaakitia te maharatanga ki te tangata tika; ka pirau ia te ingoa o te hunga kino.
The memory of the righteous shall be for a blessing; but the name of the wicked shall rot.
8 He ngakau whakaaro, ka tahuritia te whakahau: he ngutu wairangi, ka hinga.
The wise in heart will receive commandments; but a prating fool shall fall.
9 Ko te tangata haere tika, e haere ora ana: ko te tangata parori ke ona ara, ka mohiotia ia.
He that walketh uprightly walketh securely; but he that perverteth his ways shall be found out.
10 Ma te whakakini o te kanohi ka puta ai te pouri: ko te ngutu wairangi ia, ka hinga.
He that winketh with the eye causeth sorrow; and a prating fool shall fall.
11 He puna ora te mangai o te tangata tika; tena ko te mangai o te hunga kino, ka taupokina tera e te mahi nanakia.
The mouth of the righteous is a fountain of life; but the mouth of the wicked concealeth violence.
12 Ko to te mauahara he whakaoho i nga totohe; ko te aroha he hipoki i nga he katoa.
Hatred stirreth up strifes; but love covereth all transgressions.
13 E kitea te whakaaro nui ki nga ngutu o te tangata matau; ko te rakau ia te mea mo te tuara o te ngakaukore.
In the lips of him that hath discernment wisdom is found; but a rod is for the back of him that is void of understanding.
14 Rongoa ai te hunga whakaaro nui i te matauranga: he whakangaromanga ia kei te hori tonu, te mangai o te wairangi.
Wise men lay up knowledge; but the mouth of the foolish is an imminent ruin.
15 Ko ona rawa te pa kaha o te tangata taonga: tena ko te hunga kore taonga, hei whakangaromanga to ratou rawakore.
The rich man's wealth is his strong city; the ruin of the poor is their poverty.
16 Ko te mahi a te tangata tika e ahu ana ki te ora: ko nga hua o te kino ki te hara.
The wages of the righteous is life; the increase of the wicked is sin.
17 Kei te ara ki te ora te tangata e pupuri ana i te kupu ako; ko te tangata ia e kore e pai kia riria tona he, ka kotiti ke.
He is in the way of life that heedeth instruction; but he that forsaketh reproof erreth.
18 Ko te tangata e huna ana i te mauahara he ngutu teka: a he kuware te tangata e whakapuaki ana i te ngautuara.
He that hideth hatred is of lying lips; and he that uttereth a slander is a fool.
19 E kore nga kupu maha e hapa i te kino; he mahara nui ia te tangata he ngutu kokopi nei ona.
In the multitude of words there wanteth not transgression; but he that refraineth his lips is wise.
20 He hiriwa pai rawa te arero o te tangata tika; ko te ngakau o te hunga kino, he hauwarea rawa.
The tongue of the righteous is as choice silver; the heart of the wicked is little worth.
21 He tokomaha e whangaia ana e nga ngutu o te tangata tika; ka mate ia te hunga kuware, he kore no te ngakau mahara.
The lips of the righteous feed many; but the foolish die for want of understanding.
22 Ka hua te taonga i ta Ihowa manaaki: kahore hoki e kinakitia e ia ki te pouri.
The blessing of the LORD, it maketh rich, and toil addeth nothing thereto.
23 Hei takaro ma te wairangi te mahi he; ma te tangata matau ia ko te whakaaro nui.
It is as sport to a fool to do wickedness, and so is wisdom to a man of discernment.
24 Ko ta te tangata kino i wehi ai ka tae ano ki a ia; a, ko ta te hunga tika i hiahia ai, ka homai.
The fear of the wicked, it shall come upon him; and the desire of the righteous shall be granted.
25 Pahure rawa ake te tukauati kua kore te hunga kino: tena ko te tangata tika he turanga pumau tera.
When the whirlwind passeth, the wicked is no more; but the righteous is an everlasting foundation.
26 He winika ki nga niho, he paowa ki nga kanohi: koia ano te mangere ki ona kaiunga.
As vinegar to the teeth, and as smoke to the eyes, so is the sluggard to them that send him.
27 Ko te wehi ki a Ihowa e whakaroa ana i nga ra: ka whakapotoa mai ia nga tau o te hunga kino.
The fear of the LORD prolongeth days; but the years of the wicked shall be shortened.
28 Tumanako atu te hunga tika, koa iho; tumanako atu te hunga kino, ngaro iho.
The hope of the righteous is gladness; but the expectation of the wicked shall perish.
29 He kaha mo te tangata tika ta Ihowa ara; he whakangaromanga ia mo nga kaimahi i te kino.
The way of the LORD is a stronghold to the upright, but ruin to the workers of iniquity.
30 E kore te tangata tika e whakangaueuetia a ake ake; e kore ia e nohoia e te hunga kino te whenua.
The righteous shall never be moved; but the wicked shall not inhabit the land.
31 Ko te mangai o te tangata tika hua ana te whakaaro nui; ka tapahia ia te arero whanoke.
The mouth of the righteous buddeth with wisdom; but the froward tongue shall be cut off.
32 E mohio ana nga ngutu o te tangata tika ki nga mea ka manakohia; he whanoke ia e whakapuakina ana e te mangai o te hunga kino.
The lips of the righteous know what is acceptable; but the mouth of the wicked is all frowardness.
