Piripai 2

1 Na, ki te mea he whakamarie kei roto i a te Karaiti, ki te mea he pehi mamae to te aroha, ki te mea he whiwhinga tahitanga ki te Wairua, ki te mea he ngakau aroha, he mahi tohu,

If, therefore, there is any consolation in Christ, if any comfort arising from love, if any participation of the Spirit, if any affections and mercies,

2 Kia rite toku hari i a koutou, kia kotahi te whakaaro, kia kotahi te aroha, huihuia nga ngakau i runga i te whakaaro kotahi.

fulfill my joy, that you be of the same mind, having the same love, of one soul, of one mind;

3 Kei meinga tetahi mea i runga i te wehewehe, i te whakapehapeha ranei, engari i runga i te ngakau papaku, me te whakanui a tetahi i tetahi ki runga ake i a ia;

doing nothing in strife and vain glory, but in lowliness of mind let each esteem others better than himself.

4 Kaua tena o koutou na e titiro ki ona mea anake, engari me titiro ano tena, tena o koutou ki nga mea a etahi atu.

Consider not each one his own gifts, but each one also the gifts of others.

5 Ko tenei hei whakaaro mo koutou, ko tera i a Karaiti Ihu:

Let this mind be in you, which was also in Christ Jesus,

6 Ahakoa hoki i a ia te ahua o te Atua, kihai i meinga e ia te rite ki te Atua hei taonga kapo mai;

who, being in the form of God, did not think it an act of robbery to be equal with God;

7 Engari i mea i a ia ano kia poaha, ka mau ki te ahua o te pononga, ka meinga kia rite ki te tangata;

but he divested himself by taking the form of a servant, and being made in the likeness of men:

8 A ka kitea nei tona ahua e rite ana ki to te tangata, ka whakapapaku ia i a ia, ka meinga kia ngohengohe ahakoa ki te mate, ae ra, ki te mate o te ripeka.

and being found in appearance as a man, he humbled himself by becoming obedient even to death, the death, indeed, of the cross.

9 Na konei whakateiteitia ake ana ia e te Atua, a hoatu ana ki a ia te ingoa nui atu i nga ingoa katoa;

For which reason God has highly exalted him, and, also, bestowed on him a name that is above every name;

10 Kia tuku ai i runga i te ingoa o Ihu nga turi katoa, o nga mea i te rangi, o nga mea i te whenua, o nga mea i raro i te whenua;

that in the name of Jesus every knee should bow of those who are in heaven, and those who are on earth, and those who are under the earth;

11 A kia whakaae nga arero katoa ko Ihu Karaiti te Ariki, hei whakakororia i te Atua Matua.

and that every tongue should confess that Jesus Christ is Lord, to the glory of God the Father.

12 Heoi e oku teina aroha, he mea tonu ia na koutou te ngohengohe ki ahau i nga wa katoa, ehara i te mea i oku wa anake i kona, engari rawa ia inaianei i ahau kahore i kona, na whakaotia to koutou whakaoranga i runga i te wehi, i te wiri;

So, then, my beloved, as you have always obeyed, not as in my presence only, but now much more in my absence, work out your own salvation with fear and trembling;

13 Ko te Atua hoki te kaimahi i roto i a koutou o te hiahia, o te mahi, hei mea i tana i pai ai.

for it is God, who, of his good pleasure, works in you both the will and the power to perform.

14 I a koutou mahi katoa kaua te amuamu, te tautohetohe;

Do all things without murmurings and disputings,

15 Kia kore ai koutou e whaikupuria, kia tapatahi ai, he tamariki kohakore na te Atua, i waenganui o te whakatupuranga tutu, parori ke, kei roto nei koutou i a ratou e tiaho ana hei rama i te ao;

that you may be without reproach and Harmless, the children of God, without blame, in the midst of a wicked and perverse generation, among whom you shine as luminaries in the world,

16 Kia mau pu ki te kupu o te ora; kia hari ai ahau a te ra o te Karaiti, kihai ahau i oma noa, kihai i mahi noa.

holding forth the word of life, that I may rejoice in the day of Christ, that I did not run in vain, nor labor in vain.

17 Na, ki te ringihia ahau ki runga ki te patunga tapu, ki nga mahi a to koutou whakapono, ka hari ahau, ina ka hari tahi me koutou katoa.

But if I am poured out on the sacrifice and service of your faith, I rejoice, and rejoice with you all.

18 Waihoki ko koutou, kia hari, hari tahi me ahau.

In like manner do you also rejoice, and rejoice with me.

19 Otiia e mea ana ahau i roto i te Ariki, i a Ihu, ki te tono tata atu i a Timoti ki a koutou, kia ora ai hoki toku ngakau, ina mohio ahau ki to koutou ahua.

But I trust in the Lord Jesus, to send Timothy shortly to you, that I also may be refreshed by knowing your condition;

20 Kahore hoki oku tangata rite te ngakau ki tona, hei mahara pono ki a koutou mea.

for I have no one of a kindred spirit who will sincerely care for your condition:

21 Ko ta te katoa hoki e rapu nei, ko ta ratou ake, kahore nga mea a Ihu Karaiti.

for all seek their own, not the things of Jesus Christ.

22 Ko koutou ia e matau ana ki ona tohu, he pera tana me ta te tamaiti ki te matua, ko toku hoa ia ki te kawe haere i te rongopai.

But you know his approved character, that as a son with a father he has served with me in the gospel.

23 Ko ia taku e mea nei kia tonoa wawetia atu, ina kite ahau i te tukunga iho ki ahau.

Him, therefore, I hope to send immediately, as soon as I know how it may go with me.

24 Otiia e u ana toku whakaaro i roto i te Ariki, ka hohoro toku tae atu.

But I trust in the Lord that I myself also will come shortly.

25 I ea ano ia ahau me tono atu ki a koutou a Epaporitu, toku teina, toku hoa mahi, toku hoa hoia, na koutou ia karere, he kaimahi ano hoki i nga mea i matea e ahau.

Yet I thought it necessary to send to you Epaphroditus my brother and companion in labor and fellow-soldier, but your apostle, who also ministered to my want,

26 Koinga tonu hoki ia ki a koutou katoa, kanohi rawa, no te mea i rongo koutou he turoro ia.

because he longed after you all, and was much distressed, because you had heard that he was sick.

27 He turoro ra hoki ia, tata pu ki te mate: otira i tohungia ia e te Atua; ehara ano i te mea ko ia anake, ko ahau ano hoki, kei tapiritia he pouri ki toku pouri.

And, indeed, he was sick near to death; but God had mercy on him, and not on him only, but on me also, that I might not have sorrow upon sorrow.

28 Koia i nui rawa ai toku ngakau ki te tono atu i a ia, kia kite ai ano koutou i a ia, kia hari ai, kia taharahara iho ai hoki toku pouri.

I sent him, therefore, the sooner, that, by seeing him again, you might rejoice, and that I might be the less sorrowful.

29 Kia nui te hari i runga i te Ariki, ina tae atu ia; whakahonoretia ano hoki nga pera;

Receive him, therefore, in the Lord with all joy, and regard such as worthy of honor;

30 No te mea na te mahi ki a te Karaiti i tata ai ia ki te mate, te ihupuku ki te ora, kia rite ai i a ia nga mahi ki ahau, kihai nei i rite i a koutou.

because for the work of the Christ he was near to death, not regarding his life, that he might supply that which was lacking in your service to me.