Hopa 4
1 Katahi a Eripata Temani ka oho, ka mea,
And Eliphaz the Temanite answered and said,
2 Ki te anga matou ki te korero ki a koe, e pouri ranei koe? otira e taea e wai te pehi te kupu?
If a word were essayed to thee, wouldest thou be grieved? But who can refrain from speaking?
3 Nana, he tokomaha i whakaakona e koe: nau hoki i whakakaha nga ringa kahakore.
Behold, thou hast instructed many, and thou hast strengthened the weak hands;
4 Ara ana i au kupu te tangata e hinga ana; nau hoki i kaha ai nga turi kua piko.
Thy words have upholden him that was stumbling, and thou hast braced up the bending knees:
5 Inaianei kua tae mai ki a koe, a e hemo ana koe: e pa ana ki a koe, ohorere ana koe.
But now it is come upon thee, and thou grievest; it toucheth thee, and thou art troubled.
6 He taka ianei kei tou wehi ki te Atua he okiokinga whakaaro mou? Kei te tapatahi o ou huarahi he tumanakohanga mou?
Hath not thy piety been thy confidence, and the perfection of thy ways thy hope?
7 Maharatia ra, ko wai o nga tangata harakore i huna? I ngaro ranei ki hea te hunga tika?
Remember, I pray thee, who that was innocent has perished? and where were the upright cut off?
8 Ko taku hoki tenei i kite ai, ko te hunga e parau ana i te he, e rua ana i te raruraru, ko ia ra ano ta ratou e kokoti ai.
Even as I have seen, they that plough iniquity and sow mischief, reap the same.
9 Huna ana ratou e te ha o te Atua, moti iho ratou i te hau o tona riri.
By the breath of God they perish, and by the blast of his nostrils are they consumed.
10 Ko te hamama o te raiona, ko te reo o te raiona tutu, ko nga niho o nga kuao raiona, whati ana.
The roar of the lion, and the voice of the fierce lion, and the teeth of the young lions, are broken;
11 Ngaro ana te raiona katua i te kore kai, a marara noa atu nga kuao a te raiona.
The old lion perisheth for lack of prey, and the whelps of the lioness are scattered.
12 Na i kawea pukutia mai he korero ki ahau, a kapohia ana e toku taringa he komuhumuhu.
Now to me a word was secretly brought, and mine ear received a whisper thereof.
13 I nga whakaaroaronga, no nga kite o te po, i te mea ka au iho te moe a te tangata,
In thoughts from visions of the night, when deep sleep falleth on men: —
14 Ka pa te wehi ki ahau, me te ihiihi, a wiri ana oku wheua katoa.
Fear came on me, and trembling, and made all my bones to shake;
15 Na ka tika atu he wairua i toku aroaro, tutu ana nga huruhuru o toku kikokiko.
And a spirit passed before my face — the hair of my flesh stood up —
16 Tu ana ia, otiia kihai ahau i mohio ki tona mata; he ahua te mea i toku aroaro: tu puku ana; na ka rongo ahau i te reo e ki ana,
It stood still; I could not discern the appearance thereof: a form was before mine eyes; I heard a slight murmur and a voice:
17 He nui atu ranei te tika o te tangata i to te Atua? He nui atu ranei i to tona Kaihanga to ma o te tangata?
Shall [mortal] man be more just than God? Shall a man be purer than his Maker?
18 Nana, kahore rawa ia e whakawhirinaki ki ana pononga; a ki tana, he he kei ana anahera.
Lo, he trusteth not his servants, and his angels he chargeth with folly:
19 Tera atu to te hunga e noho ana i roto i nga whare uku, he puehu to ratou turanga; mongamonga kau ratou i te aroaro o te purehurehu.
How much more them that dwell in houses of clay, whose foundation is in the dust, who are crushed as the moth!
20 I waenganui o te ata, o te ahiahi, ka whakangaromia ratou; huna ana ratou ake tonu atu, te ai tetahi hei whakaaro atu.
From morning to evening are they smitten: without any heeding it, they perish for ever.
21 Kahore ranei to ratou taura here teneti i motuhia i roto i a ratou? Mate ana ratou, kahore hoki he matauranga.
Is not their tent-cord torn away in them? they die, and without wisdom.
