Hopa 28
1 He rua hoki to te hiriwa e puta mai ai, he wahi ano to te koura e whakarewaina ai.
For there is a mine for silver, and a place for gold which they refine.
2 He mea tango mai te rino no roto i te whenua; no te kamaka te parahi, he mea whakarewa.
Iron is taken out of the dust, and brass is molten out of the stone.
3 E whakatakotoria ana e te tangata he mutunga mai mo te pouri, e rapua ana e ia ki te tino tutukitanga atu nga kohatu o te pouri, o te atarangi o te mate.
Man setteth an end to darkness, and searcheth out to the furthest bound the stones of thick darkness and of the shadow of death.
4 E pakaruhia mai ana e ia he rua i ko ake o nga nohoanga tangata; kua wareware ratou i te waewae e haere ana; he tawhiti i te tangata to ratou tarenga, e piu atu ana, e piu ana mai.
He breaketh open a shaft away from where men sojourn; they are forgotten of the foot that passeth by; they hang afar from men, they swing to and fro.
5 Ko te whenua, e puta mai ana he taro i roto i a ia: a e hurihia ake ana a raro iho ano he ahi.
As for the earth, out of it cometh bread, and underneath it is turned up as it were by fire.
6 Hei wahi mo nga hapira ona kohatu, he puehu koura ano tona.
The stones thereof are the place of sapphires, and it hath dust of gold.
7 He ara tena kahore i mohiotia e te manu, kiano i kitea e te kanohi o te whatura.
That path no bird of prey knoweth, neither hath the falcon's eye seen it;
8 Kahore nga kirehe whakahi kia takahi i taua ara kahore hoki a reira kia haerea e te raiona tutu.
The proud beasts have not trodden it, nor hath the lion passed thereby.
9 E pa atu ana tona ringa ki te kiripaka; hurihia ake e ia nga take o nga maunga.
He putteth forth his hand upon the flinty rock; He overturneth the mountains by the roots.
10 E tapahia ana e ia he awa i roto i nga kamaka, a e kite ana tona kanohi i nga mea utu nui katoa.
He cutteth out channels among the rocks; and his eye seeth every precious thing.
11 E herea ana e ia nga awa kei maturuturu; e whakaputa mai ana hoki i nga mea ngaro ki te marama.
He bindeth the streams that they trickle not; and the thing that is hid bringeth he forth to light.
12 E kitea ia ki hea te whakaaro nui? kei hea hoki te wahi o te mohio?
But wisdom, where shall it be found? And where is the place of understanding?
13 E kore te tangata e mohio ki tona utu, e kore ano taua hanga e kitea ki te whenua o te ora.
Man knoweth not the price thereof; neither is it found in the land of the living.
14 E ki ake ana te rire, Kahore i ahau; e ki mai ana hoki te moana, Kahore i ahau.
The deep saith: 'It is not in me'; and the sea saith: 'It is not with me.'
15 E kore e hokona ki te koura, e kore ano hoki e taea te pauna te hiriwa hei utu mona.
It cannot be gotten for gold, neither shall silver be weighed for the price thereof.
16 E kore e taea te whakarite ki te koura o Opira, ki te onika utu nui, ki te hapira.
It cannot be valued with the gold of Ophir, with the precious onyx, or the sapphire.
17 E kore e rite te koura, te kohatu piata ki a ia: e kore e hokona ki nga oko koura parakore.
Gold and glass cannot equal it; neither shall the exchange thereof be vessels of fine gold.
18 E kore e whakahuatia te kaoa, nga peara ranei; hira ake hoki te utu o te whakaaro nui i to te rupi.
No mention shall be made of coral or of crystal; yea, the price of wisdom is above rubies.
19 E kore te topaha o Etiopia e rite ki a ia, e kore e tau te koura parakore hei utu.
The topaz of Ethiopia shall not equal it, neither shall it be valued with pure gold.
20 Ka haere mai ra i hea te whakaaro nui? Kei hea te wahi o te matau?
Whence then cometh wisdom? And where is the place of understanding?
21 He mea huna atu na hoki i nga kanohi o nga mea ora katoa, ngaro rawa i nga manu o te rangi.
Seeing it is hid from the eyes of all living, and kept close from the fowls of the air.
22 E ki ake ana te whakangaromanga raua ko te mate, i hakiri o maua taringa ki tona rongo.
Destruction and Death say: 'We have heard a rumor thereof with our ears.'
23 E mohio ana te Atua ki tona ara, kua kite ano ia i tona wahi.
God understandeth the way thereof, and He knoweth the place thereof.
24 E titiro ana hoki ia ki nga pito o te whenua, e kite ana ia i nga mea i raro i te rangi, a puta noa;
For He looketh to the ends of the earth, and seeth under the whole heaven;
25 E mea ana i te whakataimaha mo te hau; ae, e mehua ana ia i nga wai ki te mehua.
When He maketh a weight for the wind, and meteth out the waters by measure.
26 I a ia e whakatakoto ana i te tikanga mo te ua, i te huarahi mo te uira o te whatitiri,
When He made a decree for the rain, and a way for the storm of thunders;
27 Ka kitea e ia i reira, a whakapuakina mai ana; i whakaukia e ia, a ata rapua ana e ia.
Then did He see it, and declare it; He established it, yea, and searched it out.
28 A ka mea ia ki te tangata, Na, ko te wehi ki te Ariki, ko te whakaaro nui tena; a ko te mawehe atu i te kino, koia te matauranga.
And unto man He said: 'Behold, the fear of the Lord, that is wisdom; and to depart from evil is understanding.'
