Hopa 15
1 Na ka whakautua e Eripata Temani; i mea ia,
Then answered Eliphaz the Temanite, and said:
2 He horihori kau koia te matauranga e whakapuakina e te tangata whakaaro, kia whakakiia e ia tona kopu ki te hau marangai?
Should a wise man make answer with windy knowledge, and fill his belly with the east wind?
3 Me korero ranei ia ko nga kupu kore hua hei ako, ko nga whaikorero ranei kahore nei e whai tikanga?
Should he reason with unprofitable talk, or with speeches wherewith he can do no good?
4 Ae, kua whakakorea atu na e koe te wehi, kei te pupuri mai koe i te inoi i te aroaro o te Atua.
Yea, thou doest away with fear, and impairest devotion before God.
5 Na kei te whakaakona tou mangai e tou kino, a kei te whiriwhiria e koe ko te arero o te hunga tinihanga.
For thine iniquity teacheth thy mouth, and thou choosest the tongue of the crafty.
6 Ehara i ahau, na tou mangai ano i hopu tou kino; ko ou ngutu ano hei whakaatu i tou he.
Thine own mouth condemneth thee, and not I; yea, thine own lips testify against thee.
7 Ko koe ianei te tangata tuatahi kua whanau? He mea hanga ranei koe no mua atu i nga pukepuke?
Art thou the first man that was born? Or wast thou brought forth before the hills?
8 Kua rongo ranei koe i to te Atua whakaaro puku? Kei te kaiponu ranei koe i te whakaaro ki a koe anake?
Dost thou hearken in the council of God? And dost thou restrain wisdom to thyself?
9 Ko te aha te mohiotia ana e koe, a kahore e mohiotia e matou? Ko tehea whakaaro ano hoki ou kahore nei i a matou?
What knowest thou, that we know not? What understandest thou, which is not in us?
10 Kei a matou nga upoko hina ratou tahi ko nga tino koroheke, kaumatua rawa ake i tou papa.
With us are both the gray-headed and the very aged men, much older than thy father.
11 He iti rawa ranei mou nga whakamarie a te Atua, te kupu ngawari e hoatu ana ki a koe?
Are the consolations of God too small for thee, and the word that dealeth gently with thee?
12 He aha koe i kahakina atu ai e tou ngakau? He aha hoki ou kanohi i kimokimo ai,
Why doth thy heart carry thee away? And why do thine eyes wink?
13 I tahuri ai tou wairua ki te whakahe i te Atua? i puaki ai ena kupu i tou mangai?
That thou turnest thy spirit against God, and lettest such words go out of thy mouth.
14 He aha te tangata, e ma ai ia? te whanau ranei a te wahine, e tika ai?
What is man, that he should be clean? And he that is born of a woman, that he should be righteous?
15 Nana, kahore ia e whakawhirinaki ki ana mea tapu; kahore hoki nga rangi e ma ki tana titiro.
Behold, He putteth no trust in His holy ones; yea, the heavens are not clean in His sight.
16 Katahi ia te he rawa ko te mea whakarihariha, ko te mea poke, ko te tangata e inu nei i te kino ano he wai.
How much less one that is abominable and impure, man who drinketh iniquity like water!
17 Maku e whakaatu ki a koe, whakarongo mai ki ahau; ko te mea kua kitea e ahau, maku e korero atu.
I will tell thee, hear thou me; and that which I have seen I will declare —
18 He mea korero mai na nga mohio, he whakarerenga iho na o ratou matua: kihai hoki i huna e ratou:
Which wise men have told from their fathers, and have not hid it;
19 Ki a ratou nei anake te homaitanga o te whenua; kihai hoki te tangata ke i tika i waenganui i a ratou.
Unto whom alone the land was given, and no stranger passed among them.
20 E whakamamae ana te tangata kino i ona ra katoa, ara i te maha o nga tau e haupu nei mo te kaitukino.
The wicked man travaileth with pain all his days, even the number of years that are laid up for the oppressor.
21 He reo whakawehi kei roto i ona taringa; i te wa whai rawa ka tae mai te kaipahua ki a ia:
A sound of terrors is in his ears: in prosperity the destroyer shall come upon him.
22 Kahore ana whakaaetanga ake tera ia ka hoki ake i te pouri, e whanga ana ano hoki te hoari ki a ia.
He believeth not that he shall return out of darkness, and he is waited for of the sword.
23 E kopikopiko noa ana ia ki te taro mana, e mea ana: Kei hea ra? E mohio ana ia kua tata ki tona ringa te ra o te pouri.
He wandereth abroad for bread: 'Where is it?' He knoweth that the day of darkness is ready at his hand.
24 Ko te ngakau mamae, me te tumatatenga, hei whakawehi i a ia; ka kaha ake raua i a ia, me te mea he kingi kua rite ana mea mo te whawhai.
Distress and anguish overwhelm him; they prevail against him, as a king ready to the battle.
25 Kua totoro nei ona ringa ki te whawhai ki te Atua, kua whakatoatoa nei i a ia ki te whawhai ki te Kaha Rawa;
Because he hath stretched out his hand against God, and behaveth himself proudly against the Almighty;
26 Kua rere ki a ia me te kaki maro, me nga puku matotoru o ana whakangungu rakau.
He runneth upon him with a stiff neck, with the thick bosses of his bucklers.
27 Kua kopakina hoki tona mata e tona ngako, a kua tupu te ngako o tona hope.
Because he hath covered his face with his fatness, and made collops of fat on his loins;
28 Na i noho ia ki nga pa mahue, ki nga whare kahore i nohoia e te tangata, meake nei waiho hei puranga.
And he hath dwelt in desolate cities, in houses which no man would inhabit, which were ready to become heaps.
29 E kore ia e whai taonga, e kore ano ona rawa e mau, e kore ano hoki to ratou hua e taupe ki te whenua.
He shall not be rich, neither shall his substance continue, neither shall their produce bend to the earth.
30 E kore ia e puta i te pouri, ona peka ka maroke i te mura, ka riro atu ano ia i te manawa o tona mangai.
He shall not depart out of darkness; the flame shall dry up his branches, and by the breath of His mouth shall he go away.
31 Kei whakawhirinaki ia ki te mea teka noa, kei tinihanga ki a ia ano: no te mea ko te teka noa hei utu ki a ia.
Let him not trust in vanity, deceiving himself; for vanity shall be his recompense.
32 E kore tona ra e taea, kua rite; e kore ano tona peka e whai rau.
It shall be accomplished before his time, and his branch shall not be leafy.
33 Ka ruiruia e ia ana karepe kaiota ano ko te waina, a ka maka tana puawai me te mea ko te oriwa.
He shall shake off his unripe grape as the vine, and shall cast off his flower as the olive.
34 Ka pakoko hoki te whakaminenga o te hunga atuakore, ka pau hoki i te ahi nga teneti o nga utu whakapati.
For the company of the godless shall be desolate, and fire shall consume the tents of bribery.
35 He mahi nanakia te mea i hapu ki roto ki a ratou, whanau ake he teka noa; ko o ratou kopu ano hei hanga i te tinihanga.
They conceive mischief, and bring forth iniquity, and their belly prepareth deceit.
