Hopa 13
1 Nana, kua kitea katoatia tenei e toku kanohi, kua rongo toku taringa, kua mohio.
Lo, my eye hath seen all [this], my ear hath heard and understood it.
2 Ko ta koutou e mohio na, ko taku ano tena e mohio nei: kahore hoki ahau i hoki iho i a koutou.
What ye know, [the same] do I know also: I [am] not inferior to you.
3 Ina, e whai kupu ano ahau ki te Kaha Rawa: a e hiahia ana ki te korerorero ki te Atua.
Surely I would speak to the Almighty, and I desire to reason with God.
4 Ko koutou ia, he hunga tito i te teka, he rata horihori noa koutou katoa.
But ye [are] forgers of lies, ye [are] all physicians of no value.
5 Te pai na, me i mutu rawa a koutou korero! Ko to koutou whakaaro nui hoki tena.
O that ye would altogether hold your peace and it would be your wisdom.
6 Tena ra, whakarongo mai ki taku tautohe, maharatia nga whawhai a oku ngutu.
Hear now my reasoning, and hearken to the pleadings of my lips.
7 Me tautoko ta te Atua ki te kupu kino? me tautoko ranei tana ki te tinihanga?
Will ye speak wickedly for God? and talk deceitfully for him?
8 Ka whakapai kanohi koia koutou ki a ia? Ma koutou ranei ta te Atua tautohe?
Will ye accept his person? will ye contend for God?
9 He pai ranei kia rapua ta koutou e ia? E maminga ranei koutou ki a ia, e pera me tetahi ka maminga nei ki te tangata?
Is it good that he should search you out? or as one man mocketh another, do ye [so] mock him?
10 He pono ka whakahe ia ki a koutou ki te whakapai puku koutou i te kanohi.
He will surely reprove you, if ye do secretly accept persons.
11 E kore ranei koutou e mataku ki tona nui? E kore ranei te wehi ki a ia e tau ki a koutou?
Shall not his excellence make you afraid? and his dread fall upon you?
12 Ko a koutou pepeha nunui he whakatauki no te pungarehu, ko o koutou parepare he parepare paru.
Your remembrances [are] like to ashes, your bodies to bodies of clay.
13 Kati te korero, waiho noa iho ahau, kia korero ai ahau, ahakoa pa mai te aha ki ahau.
Hold your peace, let me alone, that I may speak, and let come on me what [will].
14 He aha oku kikokiko i ngaua ai e oku niho? He aha toku wairua i waiho ai e ahau i roto i toku ringa?
Why do I take my flesh in my teeth, and put my life in my hand?
15 Ahakoa whakamate noa ia i ahau, ka tatari tonu ahau ki a ia: otiia ka mau tonu ahau ki oku ara i tona aroaro.
Though he shall slay me, yet will I trust in him: but I will maintain my own ways before him.
16 Ko tenei hoki hei oranga moku; e kore hoki te tangata atuakore e tae mai ki tona aroaro.
He also [shall be] my salvation: for a hypocrite shall not come before him.
17 Ata whakarongo ki aku korero: kia anga mai o koutou taringa ki taku e whakapuaki nei.
Hear diligently my speech, and my declaration with your ears.
18 Na kua takoto taku mo te whakawa; e mohio ana ahau he tika ahau.
Behold now, I have ordered [my] cause; I know that I shall be justified.
19 Ko wai ia hei totohe ki ahau? Ka whakarongo puku hoki ahau aianei, a ka hemo ahau.
Who [is] he [that] will plead with me? for now, if I hold my tongue, I shall expire.
20 Engari kaua nga mea e rua e meatia mai ki ahau; katahi ahau ka kore e huna i ahau i tou mata.
Only do not two [things] to me: then will I not hide myself from thee.
21 Kia matara atu tou ringa ki tawhiti i ahau; a kaua ahau e whakawehia e te mataku ki a koe.
Withdraw thy hand far from me: and let not thy dread make me afraid.
22 Ko reira, mau e karanga, a maku e whakao atu; maku ranei e korero, a mau e whakahoki kupu mai ki ahau.
Then call thou, and I will answer: or let me speak, and answer thou me.
23 Ka hia ra oku kino, oku hara? Meinga ahau kia matau ki toku he me toku hara.
How many [are] my iniquities and sins? make me to know my transgression and my sin.
24 He aha tou mata i huna ai e koe? He aha ahau i kiia ai e koe he hoariri?
Why hidest thou thy face, and holdest me for thy enemy?
25 E kapokapohia ranei e koe te pakawha e puhia haeretia ana? E whaia ranei e koe te papapa maroke?
Wilt thou break a leaf driven to and fro? and wilt thou pursue the dry stubble?
26 Kei te tuhituhi na hoki koe i nga mea kawa moku, e mea ana hoki kia riro mai i ahau nga he o toku taitamarikitanga.
For thou writest bitter things against me, and makest me to possess the iniquities of my youth.
27 Karapitia iho e koe oku waewae ki te rakau, he mea tohu nau oku ara katoa, a he mea tuhi nau oku takahanga waewae tawhio noa:
Thou puttest my feet also in the stocks, and lookest narrowly to all my paths; thou settest a print upon the heels of my feet.
28 Ahakoa toku rite kei te mea pirau, e memeha noa ana, kei te kakahu e kainga ana e te purehurehu.
And he, as a rotten thing, consumeth, as a garment that is moth-eaten.
