Salamo 90
1 Ry Talè, Ihe ni-fimoneña’ay amo tarira’ay iabio.
| תפלה למשה איש האלהים אדני מעון אתה היית לנו בדר ודר׃ |
2 Ie mboe tsy toly o vohitseo mboe tsy tsinene’o ty tane toy naho ty voatse toy, boak’ an-kaehae hambo’e añe pak’ an-kitro añ’afe’e añe, Ihe ro Andrianañahare.
| בטרם הרים ילדו ותחולל ארץ ותבל ומעולם עד עולם אתה אל׃ |
3 Ampolie’o mb’an-debok’ ao ondatio ami’ty hoe: Mimpolia ry ana’ondaty.
| תשב אנוש עד דכא ותאמר שובו בני אדם׃ |
4 Fa arivo taoñe am-pivazohoa’o ty andro raike toe hoe omale te nihelañe, ie manahake ty fiambenañe an-kaleñe.
| כי אלף שנים בעיניך כיום אתמול כי יעבר ואשמורה בלילה׃ |
5 Sinao’o añe hoe an-tsorotombake iereo, le miròtse, f’ie maraiñe, le hoe ahetse mipitsipitsike.
| זרמתם שנה יהיו בבקר כחציר יחלף׃ |
6 Mioboñoboñe te maraindraiñe mbore mitombo, ie hariva miheatse vaho miforejeje.
| בבקר יציץ וחלף לערב ימולל ויבש׃ |
7 Toe mongore’ ty haviñera’o zahay, mampangebahebak’ anay ty fifombo’o.
| כי כלינו באפך ובחמתך נבהלנו׃ |
8 Fa napo’o añatrefa’o o tahi’aio, am-pireandrean-dahara’o eo o hakeo’ay mietakeo.
| שת עונתינו לנגדך עלמנו למאור פניך׃ |
9 Fonga mihelañe ami’ty fifombo’o o andro’aio; fa nagado’ay hoe fiselekaiñañe o tao’aio.
| כי כל ימינו פנו בעברתך כלינו שנינו כמו הגה׃ |
10 Ty andro’ o tao’aio le fitompolo taoñe; mete ho valo-polo, t’ie maozatse; fe hamokorañe naho fangoakoahañe avao ty enge’e, migadoñe aniany, vaho mitiliñ’añe.
| ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃ |
11 Ia ty mahafohiñe ty haozara’ o haviñera’oo? naho ty fañeveñañe mañeva Azo ty ami’ty fifombo’o?
| מי יודע עז אפך וכיראתך עברתך׃ |
12 Aa le anaro zahay hañiake o andro’aio, hahazoa’ay arofo mahihitse.
| למנות ימינו כן הודע ונבא לבב חכמה׃ |
13 Mimpolia ry Iehovà! Ombia? iferenaiño o mpitoro’oo
| שובה יהוה עד מתי והנחם על עבדיך׃ |
14 Eneño an-kafatraram-pikokoa’o te maraindray zahay, hirebeha’ay naho hifalea’ay amo hene andro’aio.
| שבענו בבקר חסדך ונרננה ונשמחה בכל ימינו׃ |
15 Ampifaleo mira amo andro nampisotria’o anaio, naho amo taoñe nahaisaha’ay haratiañeo.
| שמחנו כימות עניתנו שנות ראינו רעה׃ |
16 Fa halange amo mpitoro’oo o fitoloña’oo, naho ty enge’o amo ana’ iareoo.
| יראה אל עבדיך פעלך והדרך על בניהם׃ |
17 Ho aman-tika ty fañisoha’ i Talè Andrianañahare’ay; ajadoño ty tolom-pità’ay; eka aoreño o satam-pità’aio.
| ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו׃ |
