Salamo 81

1 Misaboa aman’Añahare haozarantika; mipazaha an-drebeke aman’Añahare’ Iakobe.

Misaboa aman’Añahare haozarantika; mipazaha an-drebeke aman’Añahare’ Iakobe.

2 Araho an-tsabo! Pehopeho ty kantsàñe; titiho ty jejo mamy-feo reketse marovany.

Araho an-tsabo! Pehopeho ty kantsàñe; titiho ty jejo mamy-feo reketse marovany.

3 Tiofo amy jiri-bolañey ty antsiva, amy pea-bolam- pamantañan-tikañey.

Tiofo amy jiri-bolañey ty antsiva, amy pea-bolam- pamantañan-tikañey.

4 Fañè ho a i Israele; fepèn’ Andrianañahare’ Iakobe.

Fañè ho a i Israele; fepèn’ Andrianañahare’ Iakobe.

5 Noriza’e am’Iehosefe ho taroñe, ie niavotse le nanitsike ty tane’ i Mitsraime; naho tsinanoko ty saontsy tsy napotako.

Noriza’e am’Iehosefe ho taroñe, ie niavotse le nanitsike ty tane’ i Mitsraime; naho tsinanoko ty saontsy tsy napotako.

6 Nahahako an-tsoro’e eo i kilankañey, navotsotse amy lietsey o fità’eo.

Nahahako an-tsoro’e eo i kilankañey, navotsotse amy lietsey o fità’eo.

7 Kinanji’o t’ie niampoheke, le rinombako; nanoiñe azo am-pikafi­ran’ ampiñe ao; nitsoheako an-drano Meriba añe. Selà

Kinanji’o t’ie niampoheke, le rinombako; nanoiñe azo am-pikafi­ran’ ampiñe ao; nitsoheako an-drano Meriba añe. Selà

8 Janjiño ry ondatiko, le ho toroako, ry Israele, (hera) ho haoñe’areo.

Janjiño ry ondatiko, le ho toroako, ry Israele, (hera) ho haoñe’areo.

9 Tsy ho ama’ndrahare hafa irehe, tsy hitalaho amo saren-drahare ila’eo.

Tsy ho ama’ndrahare hafa irehe, tsy hitalaho amo saren-drahare ila’eo.

10 Izaho Iehovà Andrianañahare’o ninday azo boak’an-tane’ Mitsraime añe. atañatañao ty falie’o, le hetsaheko.

Izaho Iehovà Andrianañahare’o ninday azo boak’an-tane’ Mitsraime añe. atañatañao ty falie’o, le hetsaheko.

11 Fe ­nihiritsiritse amako ondatikoo vaho nanjehats’ ahy t’Israele.

Fe ­nihiritsiritse amako ondatikoo vaho nanjehats’ ahy t’Israele.

12 Aa le napoko horihe’ iereo ty hagàn’ arofo’ iareo, homb’am-pisafiri’ iareo avao.

Aa le napoko horihe’ iereo ty hagàn’ arofo’ iareo, homb’am-pisafiri’ iareo avao.

13 Aa naho nijanjiñe ahy ondatikoo! naho nañavelo amo lalakoo t’Israele,

Aa naho nijanjiñe ahy ondatikoo! naho nañavelo amo lalakoo t’Israele,

14 le ho nampitsolofiñeko aniany o malaiñe iareoo; vaho ho natoliko ty tañako hiatreatre o rafelahi’ iareoo!

le ho nampitsolofiñeko aniany o malaiñe iareoo; vaho ho natoliko ty tañako hiatreatre o rafelahi’ iareoo!

15 Nioniñe te tsy to añatrefa’ Iehovà o malaiñe azeo, fe ho nainai’e eo t’Israele.

Nioniñe te tsy to añatrefa’ Iehovà o malaiñe azeo, fe ho nainai’e eo t’Israele.

16 Le hanjotsoa’e ampemba soa iereo, naho hanjañeko an-tantele boak’am-bato ao.

Le hanjotsoa’e ampemba soa iereo, naho hanjañeko an-tantele boak’am-bato ao.