Salamo 33
1 Mirebeha am’Iehovà, ry vantañeo, toe mañeva o vañoñeo ty mandrenge.
| רננו צדיקים ביהוה לישרים נאוה תהלה |
2 Andriaño ami’ty marovany t’Iehovà, rengeo an-tsabo, mititiha folo-taly.
| הודו ליהוה בכנור בנבל עשור זמרו-לו |
3 Isabò sabo vao; ititiho am-pahimbañañe, am-pipoñafan-drebeke.
| שירו-לו שיר חדש היטיבו נגן בתרועה |
4 Mahity ty tsara’ Iehovà, hene am-pigahiñañe o fitoloña’eo
| כי-ישר דבר-יהוה וכל-מעשהו באמונה |
5 No’e ty havantañañe naho ty hatò: àtseke ty fiferenaiña’ Iehovà’ ty tane toy.
| אהב צדקה ומשפט חסד יהוה מלאה הארץ |
6 Ty tsara’ Iehovà ro nanoeñe i likerañey; ty kofom-palie’e i valobohò’ey.
| בדבר יהוה שמים נעשו וברוח פיו כל-צבאם |
7 Atonto’e am-botry o ranon-driakeo; ahaja’e an-driha ao o lalekeo.
| כנס כנד מי הים נתן באוצרות תהומות |
8 Mirevendreveña am’ Iehovà ry tane toy; kila mañeveña ama’e ry mpimone’ ty voatse toy.
| ייראו מיהוה כל-הארץ ממנו יגורו כל-ישבי תבל |
9 Tsinara’e le nifonitse; nandily, vaho nijadoñe.
| כי הוא אמר ויהי הוא-צוה ויעמד |
10 Koahe’ Iehovà ty fikinia’ o fifeheañeo; afofi’e ty fikilila’ ondatio;
| יהוה הפיר עצת-גוים הניא מחשבות עמים |
11 Mijadoñe nainai’e ty famerea’ Iehovà, pak’an-tariran-tariratse o fisafirin’ arofo’e.
| עצת יהוה לעולם תעמד מחשבות לבו לדר ודר |
12 Haha ty fifeheañe naho Iehovà ro Andrianañahare’e, ondaty jinobo’e ho lova’eo.
| אשרי הגוי אשר-יהוה אלהיו העם בחר לנחלה לו |
13 Mivazòho boak’ an-dikerañe añe t’Iehovà; oni’e iaby o ana’ondatio.
| משמים הביט יהוה ראה את-כל-בני האדם |
14 Jilove’e boak’ añ’akiba’e ao ze hene mpimoneñ’ an-tane atoy;
| ממכון-שבתו השגיח-- אל כל-ישבי הארץ |
15 I mpitsene ty arofo’ iareo iaby, sindre aharofoana’e ty fitoloña’e.
| היצר יחד לבם המבין אל-כל-מעשיהם |
16 Tsy ty fitozantoza’ i màroy ty maharombake i mpanjakay; tsy i haozara’e ra’elahiy ty mahavotsotse ty fanalolahy.
| אין-המלך נושע ברב-חיל גבור לא-ינצל ברב-כח |
17 Tsy jefa’e t’ie miato aman-tsoavalan’aly ho fiarovañe; tsy ty hara’elahin-kafatrara’e ty hahafipolitira’e.
| שקר הסוס לתשועה וברב חילו לא ימלט |
18 Inao, te itoliham-pihaino’ Iehovà o mañeveñe ama’eo, o mitamà i fiferenaiña’eio,
| הנה עין יהוה אל-יראיו למיחלים לחסדו |
19 ho votsora’e ty fiai’ iareo tsy hihomake, vaho ho velome’e an-tsan-kerè.
| להציל ממות נפשם ולחיותם ברעב |
20 Mandiñe Iehovà o tron-tikañeo; Ie ty mpañimba antika naho ty fikalan-defon-tika.
| נפשנו חכתה ליהוה עזרנו ומגננו הוא |
21 Ama’e ty firebehan’ arofon-tika, fiatoan-tika i tahina’e masiñey.
| כי-בו ישמח לבנו כי בשם קדשו בטחנו |
22 Ho ama’ay abey ty fiferenaiña’o ry Iehovà, fa mpitamà Azo.
| יהי-חסדך יהוה עלינו כאשר יחלנו לך |
