Salamo 25

1 Ihe, ry Iehovà! ro añonjonako fiaiñe.

2 O ry Andrianañahareko, ihe ro fiatoako, ko anga’o ho salaren-draho; ko apo’o ho giohe’ o rafelahikoo.

3 Eka ndra ia ia mitamà azo tsy hiolitsolitse; fe hilolidolitse o mamañahy tsy aman-dengo’eo.

4 Ampahafohino ahy o lala’oo, ry Iehovà, anaro ahy o oloñolo’oo.

5 Iaolò ami’ty hatò’o, le anaro; Ihe Andrianañaharem- Pandrombahañe ahy; Ihe ro fitamàko lomoñandro.

6 Tiahio ry Iehovà ty fiferenaiña’o naho ty hafatram-pikokokoa’o, ie fa toe haehae.

7 Ko tiahie’o o ­hakeom-paha-torakoo naho o fiolàkoo, fe tiahio ankalèn’arofo’o, ami’ty hatrentra’o, ry Iehovà,

8 Soa naho vantañ’arofo t’Iehovà, izay ty anoroa’e o manan-tahiñeo i lalañey.

9 Iaoloa’e ami’ty hatò o mpirèkeo, vaho anare’e amo sata’eo ty tretram-po.

10 Songa fiferenaiñañe naho figahiñañe o lala’ Iehovào, amo mpiambeñe i fañina’ey naho o taro’eo.

11 Amy tahina’oy, ry Iehovà, apoho o hakeokoo, fa bey.

12 Ia ty’ ndaty mañeveñe am’Iehovà? ho toroa’e ty lalan-tsoa ho joboñe’e.

13 Hiaiñ’añ’oleñañe ty fiai’e; handova i taney o tarira’eo

14 Avere’ Iehovà o mañeveñe ama’eo; le ampahafohine’e iareo i fañina’ey.

15 Mitolike mb’am’ Iehovà nainai’e o masokoo, amy te Ie ro mañakats’ o tombokoo ami’ty harato.

16 Mitoliha amako le iferenaiño, fa mijorìñe naho misotry.

17 Miebotse ty haemberan-troko, afaho amo hasosorakoo.

18 Vazohò ty hasotriako naho ty falovoloiako; vaho apoho o hakeokoo.

19 Vazoho o rafelahikoo, te maro; heje’ iareo am-palai-mena iraho.

20 Ambeno o fiaikoo, hahao, le ko ado’o ho salareñe, amy te Ihe ro fipalirako.

21 Hañaro ahy o havañonañeo naho o havantañañeo; fa mitamà Azo iraho.

22 Jebaño t’Israele, ry Andrianañahare amo haembera’e iabio