Salamo 126

1 Sabo-Pionjonañe Ie mampoly ty fandrohiza’ i Tsiône t’Iehovà; le hanahake te mañinofy tikañe.

2 Hitsitsihe’ ty hehe o falien-tikañeo, naho ty rebeke o famelen-tikañeo; vaho hisaontsieñe amo fifeheañeo ty hoe: Nanao raha jabajaba ho a iareo t’Iehovà.

3 Eka, nitolora’Iehovà raha ra’elahy, lifo-kaehake tikañe.

4 Afotero ty haondevo’ay ry Iehovà, manahake o torahañe atimo añeo.

5 Hitoly sabo an-kaehake o mitongy an-drano-pihaino!

6 Ty minday tabiry ho tongiseñe am-pirovetañe ro hibalik’ an-drebeke hanese o fitoboroña’eo.