Salamo 119
1 Haha o vantañe amy lia’eio, o mañavelo amy Hà’Iehovàio.
| אשרי תמימי דרך ההלכים בתורת יהוה׃ |
2 Haha o miambeñe o taro’eoo, ty mitsoek’ aze an-kaliforañ’ arofo;
| אשרי נצרי עדתיו בכל לב ידרשוהו׃ |
3 Tsy manao ty hatsivokarañe t’ie manonjohy o lala’eo.
| אף לא פעלו עולה בדרכיו הלכו׃ |
4 Fa najado’o o fepè’oo hañorihan-tika an-joton-troke.
| אתה צויתה פקדיך לשמר מאד׃ |
5 Hizoañe abey o liakoo, hañambenako o fañè’oo!
| אחלי יכנו דרכי לשמר חקיך׃ |
6 Le tsy ho salaren-draho naho hotsohotsoeko iaby o fepè’oo,
| אז לא אבוש בהביטי אל כל מצותיך׃ |
7 Handriañeko irehe an-kalio-troke, handrendreke o fizaka’o too.
| אודך בישר לבב בלמדי משפטי צדקך׃ |
8 Hambenako o fañè’oo; ko farie’o zafe-anake.
| את חקיך אשמר אל תעזבני עד מאד׃ |
9 Akore ty hañaliova’ ty ajalahy i lia’ey? hambena’e amo tsara’oo.
| במה יזכה נער את ארחו לשמר כדברך׃ |
10 Nitsoeheko irehe an-kaàmpon-troke; vontitiro iraho tsy handifike o fepè’oo.
| בכל לבי דרשתיך אל תשגני ממצותיך׃ |
11 Fa nahajako an-trok’ ao o saontsi’oo tsy handilatse ama’o.
| בלבי צפנתי אמרתך למען לא אחטא לך׃ |
12 Andriañen-dRehe, ry Iehovà; anaro ahy o fañè’oo.
| ברוך אתה יהוה למדני חקיך׃ |
13 Nitaroñe’ o soñikoo ze hene fizakam-palie’o.
| בשפתי ספרתי כל משפטי פיך׃ |
14 Firebehako ty lala’ o taro’oo hambañ’ amy ze atao vara iaby.
| בדרך עדותיך ששתי כעל כל הון׃ |
15 Ho tsatsiheko o fepè’oo, vaho ho biribirieko o lala’oo.
| בפקדיך אשיחה ואביטה ארחתיך׃ |
16 Hifaleako o fañè’oo, tsy handikofako o tsara’oo.
| בחקתיך אשתעשע לא אשכח דברך׃ |
17 Matariha amy mpitoro’oy, hahaveloñ’ ahy hañorike o tsara’oo.
| גמל על עבדך אחיה ואשמרה דברך׃ |
18 Sokafo o masokoo hahatrea raha fanjaka amy Tsara’oy.
| גל עיני ואביטה נפלאות מתורתך׃ |
19 Mpitaveañe an-tane atoy iraho; ko aeta’o amako o fandilia’oo.
| גר אנכי בארץ אל תסתר ממני מצותיך׃ |
20 Demoke ty fiaiko salalakeo lomoñandro o fizaka’oo.
| גרסה נפשי לתאבה אל משפטיך בכל עת׃ |
21 Trevohe’o o mpitrotroabokeo— o fokompàtse mandridrìke amo fetse’oo.
| גערת זדים ארורים השגים ממצותיך׃ |
22 Asitaho amako ty rabioñe naho ty teratera, fa ambenako o taro’oo.
| גל מעלי חרפה ובוז כי עדתיך נצרתי׃ |
23 Ndra te mitoboke, mikabo-draha amako o roandriañeo, mininike o fañè’oo ty mpitoro’o.
| גם ישבו שרים בי נדברו עבדך ישיח בחקיך׃ |
24 Eka, mahaehak’ ahy o taro’oo; toe mpamere ahy.
| גם עדתיך שעשעי אנשי עצתי׃ |
25 Mipitek’ an-debok’ ao ty fiaiko; ampisotrafo amo tsara’oo.
| דבקה לעפר נפשי חיני כדברך׃ |
26 Ie nataliliko o satakoo, le natoi’o, anaro ahy o fañè’oo.
| דרכי ספרתי ותענני למדני חקיך׃ |
27 Ampaharendreho ahy ty lala’ o fepè’oo, hitsakoreako o fitoloña’o fanjàkao.
| דרך פקודיך הבינני ואשיחה בנפלאותיך׃ |
28 Mitronake am’ anahelo ty fiaiko; ampahozaro amo tsara’oo.
| דלפה נפשי מתוגה קימני כדברך׃ |
29 Ampisitaho amako ty lalan-dremborake; atorò ahy am-patarihañe o Tsara’oo.
| דרך שקר הסר ממני ותורתך חנני׃ |
30 Fa jinoboko ty lalam-pigahiñañe, naho fa nalahako o fizakà’oo.
| דרך אמונה בחרתי משפטיך שויתי׃ |
31 Ie mipitek’ amo taro’oo; ry Iehovà, ko anga’o ho salareñe.
| דבקתי בעדותיך יהוה אל תבישני׃ |
32 Hilaisako ty lala’ o fandilia’oo, amy t’ie nanibake ty troko.
| דרך מצותיך ארוץ כי תרחיב לבי׃ |
33 Anaro ahy, ry Iehovà, ty lala’ o fañè’oo; le horiheko pak’ am-pigadoñako.
| הורני יהוה דרך חקיך ואצרנה עקב׃ |
34 Omeo hilala iraho, hañambenako o Tsara’oo, le horiheko an-kaliforan-troke.
| הבינני ואצרה תורתך ואשמרנה בכל לב׃ |
35 Ampandiao ahy ty oloñolo’ o fandilia’oo, amy t’ie mahafale ty troko.
| הדריכני בנתיב מצותיך כי בו חפצתי׃ |
36 Ampitokilaño amo fañè’oo ty troko tsy hitomboa’e am-patitiañe.
| הט לבי אל עדותיך ואל אל בצע׃ |
37 Avioño o masokoo tsy hañente ty tsy vente’e; ampahimbaño amo lala’oo.
| העבר עיני מראות שוא בדרכך חיני׃ |
38 Henefo amy mpitoro’oy o saontsi’oo, ty amy fañeveñako ama’o.
| הקם לעבדך אמרתך אשר ליראתך׃ |
39 Ahankaño añe ty ìnje’ o mampangebahebak’ ahikoo, amy te soa o fizakà’oo.
| העבר חרפתי אשר יגרתי כי משפטיך טובים׃ |
40 Hete! salalaeko o fepè’oo! ihetsefo amo fahiti’oo.
| הנה תאבתי לפקדיך בצדקתך חיני׃ |
41 Ampombao amako ty fiferenaiña’o ry Iehovà, ty fandrombaha’o ty amo saontsi’oo;
| ויבאני חסדך יהוה תשועתך כאמרתך׃ |
42 hahafitoiñako ty mañorohoro ahiko, fa iatoako o tsara’oo.
| ואענה חרפי דבר כי בטחתי בדברך׃ |
43 Ko sintone’o am-bavako ty tsara-to, fa salalaeko o nafè’oo,
| ואל תצל מפי דבר אמת עד מאד כי למשפטך יחלתי׃ |
44 Le hambenako lomoñandro o Tsara’oo, eka, nainai’e donia;
| ואשמרה תורתך תמיד לעולם ועד׃ |
45 Hijelanjelañe am-pidadàñe iraho, amy te hotsohotsoeko o fepè’oo.
| ואתהלכה ברחבה כי פקדיך דרשתי׃ |
46 Ho talilieko añatrefam-panjaka o taro’oo le tsy ho salatse,
| ואדברה בעדתיך נגד מלכים ולא אבוש׃ |
47 Hifaleako o fandilia’oo toe kokoako.
| ואשתעשע במצותיך אשר אהבתי׃ |
48 Zonjoñeko amo fandilia’oo o tañakoo, fa kokoako, vaho haereñereko o fañè’o.
| ואשא כפי אל מצותיך אשר אהבתי ואשיחה בחקיך׃ |
49 Tiahio i nitsaraeñe amy mpitoro’oiy, amy t’ie nampitamae’o.
| זכר דבר לעבדך על אשר יחלתני׃ |
50 Zao ty mampanintsiñe ahy amo faloviloviakoo, te nahajangañe ahy o saontsi’oo.
| זאת נחמתי בעניי כי אמרתך חיתני׃ |
51 Mitolom-piteratera ahy o mpirengevokeo, fe tsy mivik’ amo Tsara’oo iraho.
| זדים הליצני עד מאד מתורתך לא נטיתי׃ |
52 Tiahiko o fizakà’o haehaeo, ry Iehovà, fa nahaeneñ’ ahy.
| זכרתי משפטיך מעולם יהוה ואתנחם׃ |
53 Filoroloro-mena ty mamihiñe ahiko ty amo lo-tsereke mampipoke i Tsara’oio.
| זלעפה אחזתני מרשעים עזבי תורתך׃ |
54 O fañè’oo ro fisaboako an-kialo fitaveañako.
| זמרות היו לי חקיך בבית מגורי׃ |
55 Tiahiko ami’ty haleñe ty tahina’o ry Iehovà, vaho oriheko o Tsara’oo.
| זכרתי בלילה שמך יהוה ואשמרה תורתך׃ |
56 Zao ty ahy te ambenako o fepè’oo.
| זאת היתה לי כי פקדיך נצרתי׃ |
57 Iehovà ro anjarako; fa nifanta t’ie hañorike o tsara’oo.
| חלקי יהוה אמרתי לשמר דבריך׃ |
58 Fa nipaiako an-kaampon-troke ty fañisoha’o; tretrezo raho ty amo nampitama’oo.
| חליתי פניך בכל לב חנני כאמרתך׃ |
59 Nitsakoreko o liakoo le nampitoliheko mb’amo taro’oo o tombokoo.
| חשבתי דרכי ואשיבה רגלי אל עדתיך׃ |
60 Nalisa iraho tsy nihenekeneke hañambeñe o fandilia’oo.
| חשתי ולא התמהמהתי לשמר מצותיך׃ |
61 Mamejañe ahiko ty hafo’ o lo-tserekeo, fe tsy andikofako o Tsara’oo.
| חבלי רשעים עודני תורתך לא שכחתי׃ |
62 Mitroatse antetsalen-draho hañandriañe Azo ty amo fizakà’o vantañeo.
| חצות לילה אקום להודות לך על משפטי צדקך׃ |
63 Ràñeko o mañeveñe ama’o iabio, naho o mpañorike o fepè’oo.
| חבר אני לכל אשר יראוך ולשמרי פקודיך׃ |
64 Lifotse ty fiferenaiña’o ty tane toy, ry Iehovà; anaro ahy o fañè’oo.
| חסדך יהוה מלאה הארץ חקיך למדני׃ |
65 Fa nisoae’o ty mpitoro’o, ry Iehovà, ty amo enta’oo.
| טוב עשית עם עבדך יהוה כדברך׃ |
66 Anaro hilala naho hihitse, amy te atokisako o fandilia’oo.
| טוב טעם ודעת למדני כי במצותיך האמנתי׃ |
67 Nandifike hey iraho le nalovilovy, fe ifaharako o saontsi’oo henane zao.
| טרם אענה אני שגג ועתה אמרתך שמרתי׃ |
68 Soa irehe, mpanao ty soa; anaro ahy o fañé’oo.
| טוב אתה ומטיב למדני חקיך׃ |
69 Mamoroñe vande amako o mpinefonefokeo, fe hene ahajako an-troke ao o fepè’oo.
| טפלו עלי שקר זדים אני בכל לב אצר פקודיך׃ |
70 Vondrake hoe sabora ty tro’ iareo, fe mahanembanembañ’ ahiko o Tsara’oo.
| טפש כחלב לבם אני תורתך שעשעתי׃ |
71 Nahasoa ahiko te nisilofeñe, hianarako o fañè’oo.
| טוב לי כי עניתי למען אלמד חקיך׃ |
72 Fanjaka amako ta ty volamena naho ty volafoty añ’arivo’e o Tsaram-palie’oo.
| טוב לי תורת פיך מאלפי זהב וכסף׃ |
73 Namboatse naho nitsene ahy o fità’oo; toloro hilala hianarako o fandilia’oo.
| ידיך עשוני ויכוננוני הבינני ואלמדה מצותיך׃ |
74 Ho isa’ o mañeveñe ama’oo iraho le hifale, fa o tsara’oo ty fitamako.
| יראיך יראוני וישמחו כי לדברך יחלתי׃ |
75 Apotako ry Iehovà, te vantañe o fizakà’oo, naho figahiñañe ty nanotria’o ahy.
| ידעתי יהוה כי צדק משפטיך ואמונה עניתני׃ |
76 Ehe ohò ami’ty fikokoa’o migahiñe, ty amy nafè’o amy mpitoro’oy.
| יהי נא חסדך לנחמני כאמרתך לעבדך׃ |
77 Ampombao mb’amako ty fitretreza’o hahaveloñ’ahy, fa ifaleako o Tsara’oo.
| יבאוני רחמיך ואחיה כי תורתך שעשעי׃ |
78 Salaro o mpiebotsebotseo, ie nañadroadro ahy tsy vente’e; fa ereñèreko o fepè’oo.
| יבשו זדים כי שקר עותוני אני אשיח בפקודיך׃ |
79 Ampimpolio amako o mañeveñe ama’oo, naho o mahafohiñe o taro’oo.
| ישובו לי יראיך וידעו עדתיך׃ |
80 Hahity amo fañè’oo abey ty troko, tsy mone ho salareñe.
| יהי לבי תמים בחקיך למען לא אבוש׃ |
81 Ho mokoreko fiaiñe o fandrombaha’oo, ty amy fisalalàko o enta’oo.
| כלתה לתשועתך נפשי לדברך יחלתי׃ |
82 Mampilesa o masokoo o saontsi’oo; anoako ty hoe: Ombia ty añohoa’o ahy?
| כלו עיני לאמרתך לאמר מתי תנחמני׃ |
83 Ndra t’ie hoe gorogoron-divay an-katòeñe ao, tsy haliñoko o fañè’oo.
| כי הייתי כנאד בקיטור חקיך לא שכחתי׃ |
84 Fire ty andro’ i mpitoro’oy? Ombia te ho zakae’o o mpanao samporerak’ ahikoo?
| כמה ימי עבדך מתי תעשה ברדפי משפט׃ |
85 Fa nihaly koboñe ho ahiko o mpitrotroabokeo, o tsy mañaoñe o Tsara’oo.
| כרו לי זדים שיחות אשר לא כתורתך׃ |
86 Migahiñe iaby o fandilia’oo; ampisoañe’ iereo am-pamañahiañe, imbao iraho!
| כל מצותיך אמונה שקר רדפוני עזרני׃ |
87 Didý tsy nifaohe’iareo an-tane atoy, fe izaho, tsy apoko o fepè’oo.
| כמעט כלוני בארץ ואני לא עזבתי פקודיך׃ |
88 Hetsefo iraho ami’ty fiferenaiña’o, hañorihako o tarom-palie’oo.
| כחסדך חיני ואשמרה עדות פיך׃ |
89 Nainai’e, ry Iehovà, ty fijadoña’ o tsara’oo an-dindìñe ao;
| לעולם יהוה דברך נצב בשמים׃ |
90 Manitsike ze hene tariratse mifandimbe ty figahiña’o; kanao norize’o ty tane, mijadoñe izay.
| לדר ודר אמונתך כוננת ארץ ותעמד׃ |
91 O fizakà’oo ty ijohaña’ iareo henaneo; kila mitoroñ’ azo.
| למשפטיך עמדו היום כי הכל עבדיך׃ |
92 Naho tsy nahaehak’ahy o Tsara’oo le ho nihomak’ amy hasotriakoy.
| לולי תורתך שעשעי אז אבדתי בעניי׃ |
93 Tsy ho haliñoko ka o fepè’oo, fa iereo ro nanotrafa’o ahiko.
| לעולם לא אשכח פקודיך כי בם חייתני׃ |
94 Kanao azo iraho, rombaho; fa nitsikaraheko o fepè’oo.
| לך אני הושיעני כי פקודיך דרשתי׃ |
95 Fa hañè-doza amako o lo-tserekeo, fe ho tsakorèko o taro’oo.
| לי קוו רשעים לאבדני עדתיך אתבונן׃ |
96 Nitreako te hene higadoñe ze atao safiry; fe toe milañelàñe o fandilia’oo.
| לכל תכלה ראיתי קץ רחבה מצותך מאד׃ |
97 Hirý! ty fikokoako o Tsara’oo! Kinañeko lomoñadro.
| מה אהבתי תורתך כל היום היא שיחתי׃ |
98 Mampahihitse ahy ambone’ o rafelahikoo o fandilia’oo, fa amako nainai’e.
| מאיבי תחכמני מצותך כי לעולם היא לי׃ |
99 Andikoareko an-kilala ze hene mpañok’ ahy, amy te ereñereko o taro’oo.
| מכל מלמדי השכלתי כי עדותיך שיחה לי׃ |
100 Milikoatse ty faharendreha’ o taoloo ty ahiko, amy te ambenako o fepè’oo.
| מזקנים אתבונן כי פקודיך נצרתי׃ |
101 Ampiholiareko amy ze lalan-draty iaby o tombokoo; hañorihako o tsara’oo.
| מכל ארח רע כלאתי רגלי למען אשמר דברך׃ |
102 Tsy nisitahako o fizakà’oo, amy te Ihe ty mañòk’ ahy.
| ממשפטיך לא סרתי כי אתה הורתני׃ |
103 Akore ty hamami’ o saontsi’oo an-dañilañiko ao, lombolombo te ami’ty tantele am-bavako ao!
| מה נמלצו לחכי אמרתך מדבש לפי׃ |
104 O fepè’oo ro mampandrendrek’ahy, fonga hejeko ze lalam-bìlañe.
| מפקודיך אתבונן על כן שנאתי כל ארח שקר׃ |
105 Failo amo tombokoo o tsara’oo, naho hazavàñe añ’oloñoloko eo.
| נר לרגלי דברך ואור לנתיבתי׃ |
106 Fa nifanta iraho vaho hajadoko te hambenako o fizakà’o vantañeo.
| נשבעתי ואקימה לשמר משפטי צדקך׃ |
107 Loho miatra-draha iraho; Ampisotraho amo tsara’oo iraho ry Iehovà.
| נעניתי עד מאד יהוה חיני כדברך׃ |
108 Iantofo ry Iehovà o banabanam-bavakoo, vaho anaro ahy o fizakà’oo.
| נדבות פי רצה נא יהוה ומשפטיך למדני׃ |
109 An-tañako ao nainai’e ty fiaiko, fe tsy ho likofeko o Tsara’oo.
| נפשי בכפי תמיד ותורתך לא שכחתי׃ |
110 Nampidreña-pandrike ho ahy o lo-tserekeo, fe tsy nivihako o fepè’oo.
| נתנו רשעים פח לי ומפקודיך לא תעיתי׃ |
111 Linovako ho nainai’e o taro’oo, le irebeha’ ty troko.
| נחלתי עדותיך לעולם כי ששון לבי המה׃ |
112 Fa natokilako ty troko hañoriha’e nainai’e o fañè’oo, pak’am-pigadoña’e añe.
| נטיתי לבי לעשות חקיך לעולם עקב׃ |
113 Hejeko ty milolohe roe, fe kokoako o Tsara’oo.
| סעפים שנאתי ותורתך אהבתי׃ |
114 Ihe ro fipalirako naho kalan-defoko; o tsara’oo ro fisalalàko.
| סתרי ומגני אתה לדברך יחלתי׃ |
115 Misitaha amako ry lo-tserekeo! hiambenako o fandilian’ Añaharekoo!
| סורו ממני מרעים ואצרה מצות אלהי׃ |
116 Tozaño amo saontsi’oo iraho, soa te ho veloñe; le ko ampisalareñe amy fitamàko.
| סמכני כאמרתך ואחיה ואל תבישני משברי׃ |
117 Tohaño le ho tra-drombake, hitoloñako amo fepè’oo nainai’e.
| סעדני ואושעה ואשעה בחקיך תמיד׃ |
118 Aforintseo ze mandifike amo fepè’oo, fa vande ty famañahia’ iareo.
| סלית כל שוגים מחקיך כי שקר תרמיתם׃ |
119 Ado’o hoe taim-pira ze fonga tsy vokatse an-tane atoy; izay ty ikokoako o taro’oo.
| סגים השבת כל רשעי ארץ לכן אהבתי עדתיך׃ |
120 Mititititik’ an-kahembañañe ama’o o nofokoo; fa mampañeveñe ahy o fizakà’oo.
| סמר מפחדך בשרי וממשפטיך יראתי׃ |
121 Fanoeko ty hatò naho ty havantañañe, ko anga’o amo mpañelok’ ahio.
| עשיתי משפט וצדק בל תניחני לעשקי׃ |
122 Tsoeho ho an-kasoa ty mpitoro’o, ko ado’o hanindria’ o mpirengevokeo
| ערב עבדך לטוב אל יעשקני זדים׃ |
123 Ilesà’ o masokoo ty fandrombaha’o naho o saontsi’o vañoñeo.
| עיני כלו לישועתך ולאמרת צדקך׃ |
124 Anò am-piferenaiña’o ty mpitoro’o, vaho aòho ahy o fañè’oo.
| עשה עם עבדך כחסדך וחקיך למדני׃ |
125 Mpitoro’o iraho, toloro hilala handrendrehako o taro’oo.
| עבדך אני הבינני ואדעה עדתיך׃ |
126 Tondroke ty hitoloña’ Iehovà; fa nivalik’ amo Tsara’oo iereo.
| עת לעשות ליהוה הפרו תורתך׃ |
127 Toe kokoako mandikoatse o volamenao o fandilia’oo, ambone’ ty volamena ki’e,
| על כן אהבתי מצותיך מזהב ומפז׃ |
128 vaho iantofako te vantañe te amy ze he’e o fepè’oo; fonga hejeko ze lalam-bàlañe.
| על כן כל פקודי כל ישרתי כל ארח שקר שנאתי׃ |
129 Fanjaka o taro’oo; le ifahara’ ty troko.
| פלאות עדותיך על כן נצרתם נפשי׃ |
130 Minday hazavàñe ty famentarañe o tsara’oo; mampandrèndreke ty bànoke.
| פתח דבריך יאיר מבין פתיים׃ |
131 Nitañataña vava iraho, nisefosefo amy fisalalàko o fandilia’ooy.
| פי פערתי ואשאפה כי למצותיך יאבתי׃ |
132 Mitoliha amako le tretrezo, ie anoe’o amo mikoko i tahina’oio.
| פנה אלי וחנני כמשפט לאהבי שמך׃ |
133 Alaharo amo fetse’oo ty liako; le ko apo’o ho fehen-kakeo inoñ’inon-draho.
| פעמי הכן באמרתך ואל תשלט בי כל און׃ |
134 Jebaño ami’ty famorekekea’ ondatio, hañorihako o fepè’oo.
| פדני מעשק אדם ואשמרה פקודיך׃ |
135 Ampireandreaño amy mpitoro’oy ty lahara’o, vaho aòho ahy o fañè’oo.
| פניך האר בעבדך ולמדני את חקיך׃ |
136 Mikararake rano hoe torahañe o masokoo, ami’ty tsy fañoriha’ iareo o Tsara’oo.
| פלגי מים ירדו עיני על לא שמרו תורתך׃ |
137 Vantan-dRehe, ry Iehovà, naho vañoñe o fizakà’oo.
| צדיק אתה יהוה וישר משפטיך׃ |
138 Fa nafanto’o an-kahiti’e o taro’oo, naho am-pigahiñañe ra’elahy;
| צוית צדק עדתיך ואמונה מאד׃ |
139 Mametrak’ ahiko ty fahimbañako, ami’ty fandikofa’ o rafelahikoo o tsara’oo.
| צמתתני קנאתי כי שכחו דבריך צרי׃ |
140 Vata’e niventèñe o nafè’oo, vaho ikokoa’ ty mpitoro’o.
| צרופה אמרתך מאד ועבדך אהבה׃ |
141 Kede iraho naho mavoeñe, fe tsy haliñoko o fepè’oo.
| צעיר אנכי ונבזה פקדיך לא שכחתי׃ |
142 Toe marentane nainai’e tsy modo o havantaña’oo; vaho to o Tsara’oo.
| צדקתך צדק לעולם ותורתך אמת׃ |
143 Tendrek’ ahiko ty hasotriañe naho ty haloviloviañe, fe mahafale ty troko o fandilia’oo.
| צר ומצוק מצאוני מצותיך שעשעי׃ |
144 Vantañe nainai’e o taro’oo; toloro hilala hivelomako.
| צדק עדותיך לעולם הבינני ואחיה׃ |
145 Fa nitoreo an-kaampon-troke: toiño iraho ry Iehovà; hañorihako o fañè’oo.
| קראתי בכל לב ענני יהוה חקיך אצרה׃ |
146 Mikanjy Azo, ehe rombaho, fa hambenako o taro’oo.
| קראתיך הושיעני ואשמרה עדתיך׃ |
147 Mañampitso t’ie mitroatse naho mikaike; misalala o tsara’oo.
| קדמתי בנשף ואשועה לדבריך יחלתי׃ |
148 Mitamà o fijilovan-kaleñeo o masoko, mañereñere’ o nafè’oo.
| קדמו עיני אשמרות לשיח באמרתך׃ |
149 Janjiño ty feoko amo fiferenaiña’oo; isotrafo, ry Iehovà, ty amo nafe’oo.
| קולי שמעה כחסדך יהוה כמשפטך חיני׃ |
150 Fa mitotoke o mpikitro-draha ratio, o mitotse amo Tsara’oo.
| קרבו רדפי זמה מתורתך רחקו׃ |
151 Marine irehe ry Iehovà, naho hene to o fandilia’oo.
| קרוב אתה יהוה וכל מצותיך אמת׃ |
152 Fa nirendreko haehae o taro’oo fa najado’o ho nainai’e.
| קדם ידעתי מעדתיך כי לעולם יסדתם׃ |
153 Vazohò ty fisotriako vaho imbao, fa tsy haliñoko o Tsara’oo.
| ראה עניי וחלצני כי תורתך לא שכחתי׃ |
154 Alañalaño ty entako, vaho jebaño; sotrafo ty amo nafè’oo.
| ריבה ריבי וגאלני לאמרתך חיני׃ |
155 Lavitse o lo-tserekeo ty fandrombahañe, fa tsy paia’ iereo o fañè’oo.
| רחוק מרשעים ישועה כי חקיך לא דרשו׃ |
156 Ra’elahy o fiferenaiña’oo ry Iehovà; bodaño iraho ty amo taro’oo.
| רחמיך רבים יהוה כמשפטיך חיני׃ |
157 Maro ty mampisoañe ahiko naho o malaiñ’ahio, f’ie tsy mivike amo taro’oo.
| רבים רדפי וצרי מעדותיך לא נטיתי׃ |
158 Treako o mivalikeo, toe hejeko; amy te tsy ambena’ iareo o fetse’oo.
| ראיתי בגדים ואתקוטטה אשר אמרתך לא שמרו׃ |
159 Vetsevetseo ty fikokoako o fepè’oo; velomo iraho ry Iehovà, ty amo fiferenaiña’oo.
| ראה כי פקודיך אהבתי יהוה כחסדך חיני׃ |
160 Ty jabajaba amo Tsara’oo, le t’ie vañoñe, hene mijadoñe nainai’e o fizakà’o vantañeo.
| ראש דברך אמת ולעולם כל משפט צדקך׃ |
161 Mampisoañ’ahy tsy aman-tali’e o roandriañeo, fe mañeveñe amo tsara’oo ty troko.
| שרים רדפוני חנם ומדבריך פחד לבי׃ |
162 Firebehako o fetse’oo, manahake t’ie anjòam-bara bey.
| שש אנכי על אמרתך כמוצא שלל רב׃ |
163 Hejeko naho mañalik’ahy o lañitseo, kokoako o Tsara’oo.
| שקר שנאתי ואתעבה תורתך אהבתי׃ |
164 Mandrenge Azo im-pito ami’ty andro iraho ty amo fizakà’o mahitio.
| שבע ביום הללתיך על משפטי צדקך׃ |
165 Fañanintsin-tsoa amo mikoko o Tsara’oo, tsy eo ty hahatsikapy iareo.
| שלום רב לאהבי תורתך ואין למו מכשול׃ |
166 Salalaeko i fandrombaha’oy, ry Iehovà, hene ambenako o fandilia’oo.
| שברתי לישועתך יהוה ומצותיך עשיתי׃ |
167 Ambena’ ty fiaiko o taro’oo, le toe kokoako.
| שמרה נפשי עדתיך ואהבם מאד׃ |
168 Tanako o fepè’oo naho o taro’oo, aolo’o eo iaby o liakoo.
| שמרתי פקודיך ועדתיך כי כל דרכי נגדך׃ |
169 Ehe te hiatreke azo o toreokoo, ry Iehovà; andrendreho te fahareko o tsara’oo.
| תקרב רנתי לפניך יהוה כדברך הבינני׃ |
170 Hiheo añatrefa’o eo abey o halalikoo; avotsoro ty amo fetse’oo.
| תבוא תחנתי לפניך כאמרתך הצילני׃ |
171 Hampipoñake fandrengeañe o soñikoo, amy te anare’o ahy o fañè’oo.
| תבענה שפתי תהלה כי תלמדני חקיך׃ |
172 Hisaboe’ ty lelako o nafè’oo, amy te hene vantañe o fepè’oo.
| תען לשוני אמרתך כי כל מצותיך צדק׃ |
173 Ee te ho veka’e hañimba ahiko ty fità’o, fa jinoboko o lili’oo.
| תהי ידך לעזרני כי פקודיך בחרתי׃ |
174 Fisalalàko i fandrombaha’oy, ry Iehovà, mampinembanembañ’ahy o Tsara’oo.
| תאבתי לישועתך יהוה ותורתך שעשעי׃ |
175 Sotrafo ty fiaiko handrenge azo, vaho ampañimbao ahy o fizakà’oo.
| תחי נפשי ותהללך ומשפטך יעזרני׃ |
176 Nivike hoe añondry motso iraho; tsoeho o mpitoro’oo, fa tsy likofeko o fepè’oo.
| תעיתי כשה אבד בקש עבדך כי מצותיך לא שכחתי׃ |
