Salamo 118
1 Andriaño t’Iehovà amy te Ie ro soa! nainai’e ty fiferenaiña’e.
| הודו ליהוה כי טוב כי לעולם חסדו׃ |
2 Anò ty hoe ry Israele: nainai’e ty fiferenaiña’e.
| יאמר נא ישראל כי לעולם חסדו׃ |
3 Anò ty hoe ry anjomba’ i Aharoneo: nainai’e ty fiferenaiña’e.
| יאמרו נא בית אהרן כי לעולם חסדו׃ |
4 Anò ty hoe ry mpañeveñe am’ Iehovà: nainai’e ty fiferenaiña’e.
| יאמרו נא יראי יהוה כי לעולם חסדו׃ |
5 Nalovilovy iraho, le nitoreo am’ Ià; nanoiñe ahiko t’Ià, le navotra’e an-gadagadañe eo.
| מן המצר קראתי יה ענני במרחב יה׃ |
6 Amako t’Iehovà, tsy ho hemban-draho, ino ty hanoa’ondatio?
| יהוה לי לא אירא מה יעשה לי אדם׃ |
7 Amako t’Iehovà, mpañolotse ahiko, le ho sambaeko o malaiñ’ ahio.
| יהוה לי בעזרי ואני אראה בשנאי׃ |
8 Hamake t’ie mipalitse am’ Iehovà, ta te misazok’ am’ ondatio.
| טוב לחסות ביהוה מבטח באדם׃ |
9 Kitra’e mitsolok’ am’ Iehovà, ta te mirampy amo roandriañeo.
| טוב לחסות ביהוה מבטח בנדיבים׃ |
10 Hene miarikoboñe ahy o fifeheañeo fe iatoako ty tahina’ Iehovà.
| כל גוים סבבוני בשם יהוה כי אמילם׃ |
11 Miarikatok’ ahy iereo, eka, toe misambory amako, fe iatoko ty tahina’ Iehovà.
| סבוני גם סבבוני בשם יהוה כי אמילם׃ |
12 Niropak’ amako hoe rene-tantele iereo, f’ie hakipike hoe fatike mirehetse; toe iatoako ty tahina’Iehovà.
| סבוני כדבורים דעכו כאש קוצים בשם יהוה כי אמילם׃ |
13 Nanafasiotse ahy iereo hikorovohako, fe nañimb’ ahy t’Iehovà.
| דחה דחיתני לנפל ויהוה עזרני׃ |
14 Iehovà ro haozarako naho saboko, ie ro fandrombahañe ahy henane zao.
| עזי וזמרת יה ויהי לי לישועה׃ |
15 Inao ty feom-pirebehañe naho fandrombahañe an-kivoho’ o vañoñeo ao: mavitrike ty fitoloñam-pitàn-kavana’ Iehovà.
| קול רנה וישועה באהלי צדיקים ימין יהוה עשה חיל׃ |
16 Mizonjoñe ty fitàn-kavana’ Iehovà; mahimbañe ty fitàn-kavana’ Iehovà.
| ימין יהוה רוממה ימין יהוה עשה חיל׃ |
17 Tsy hikenkan-draho fa ho veloñe, hataliliko o sata’ Iehovào.
| לא אמות כי אחיה ואספר מעשי יה׃ |
18 Nanilofe’ Ià am-pandilovan-draho, fe tsy natolo’e an-kavilasy.
| יסר יסרני יה ולמות לא נתנני׃ |
19 Sokafo ho ahy o lalam-bein-kavantañañeo, hizilihako, hañandriañako Iehovà.
| פתחו לי שערי צדק אבא בם אודה יה׃ |
20 Intoy ty lalam-bei’ Iehovà, hiziliha’o vañoñeo.
| זה השער ליהוה צדיקים יבאו בו׃ |
21 Andriañekoo amy te tinoi’o, fa Ihe ro fandrombahañe ahy.
| אודך כי עניתני ותהי לי לישועה׃ |
22 I vato nado’ o mpandrafitseoy le fa talèm-batolahy.
| אבן מאסו הבונים היתה לראש פנה׃ |
23 Sata’ Iehovà izay, le fiain-tane am-pihainon-tikañe.
| מאת יהוה היתה זאת היא נפלאת בעינינו׃ |
24 Itoy ty andro tsinene’ Iehovà, antao hirebeke naho hifale ama’e.
| זה היום עשה יהוה נגילה ונשמחה בו׃ |
25 Ry Iehovà, Ehe, rombaho zahay henaneo! ry Iehovà, Ehe, ampiraoraò henane zao!
| אנא יהוה הושיעה נא אנא יהוה הצליחה נא׃ |
26 Andriañeñe ty mitotsak’ ami’ty tahina’ Iehovà! mañandriañe azo zahay boak’añ’anjomba’Iehovà ao.
| ברוך הבא בשם יהוה ברכנוכם מבית יהוה׃ |
27 Andrianañahare t’Iehovà, Ie ty nanolotse hazavàñe amantika; mireketa reke-tsampañe amo mpamonje sabadidakeo, mivovotse mb’ an-tsifa’ i kitreliy mb’eo.
| אל יהוה ויאר לנו אסרו חג בעבתים עד קרנות המזבח׃ |
28 Ihe ro Andrianañahareko, le andriañekoo; Andrianañahareko irehe, ho zonjoñeko.
| אלי אתה ואודך אלהי ארוממך׃ |
29 Andriaño t’Iehovà amy te ie ro soa! nainai’e ty fiferenaiña’e.
| הודו ליהוה כי טוב כי לעולם חסדו׃ |
