Salamo 104
1 Andriaño t’Iehovà, ry troko; ry Iehovà Andrianañahareko, jabahinake irehe, asiñe naho volonahetse ro misaroñ’ azo,
| ברכי נפשי את יהוה יהוה אלהי גדלת מאד הוד והדר לבשת׃ |
2 ihemiholonkon-kazavañe hoe sarimbo; velare’o hoe tèmetse o likerañeo.
| עטה אור כשלמה נוטה שמים כיריעה׃ |
3 Ampandrè’e an-drano ao o faham-batsa’eo, anoe’e sarete’e o rahoñeo, draidraite’e añ’ ela’ o tiokeo.
| המקרה במים עליותיו השם עבים רכובו המהלך על כנפי רוח׃ |
4 Anoe’e ira’e o tiokeo, mpitoro’e o afo mibelañeo.
| עשה מלאכיו רוחות משרתיו אש להט׃ |
5 Naore’e amo faha’eo ty tane toy, soa tsy hasiotse nainai’e donia.
| יסד ארץ על מכוניה בל תמוט עולם ועד׃ |
6 Siniki’o hoe saroñe i lalekey; nijohañe ambone’ o vohitseo ty rano;
| תהום כלבוש כסיתו על הרים יעמדו מים׃ |
7 Nibioñe iereo te trinevo’o, nibororoñe mb’eo ami’ty fivolan’ ampi’o;
| מן גערתך ינוסון מן קול רעמך יחפזון׃ |
8 Nionjoñe o vohitseo, nilempotse o vavataneo, mb’amo toetse tinendre’o ho a iareoo
| יעלו הרים ירדו בקעות אל מקום זה יסדת להם׃ |
9 Jinado’o efetse tsy hililara’e; tsy mone hibalike hañàmpo ty tane toy.
| גבול שמת בל יעברון בל ישובון לכסות הארץ׃ |
10 Añirahe’e rano migoangoañe o goledoñeo; mikararak’ añivo’ o vohitseo;
| המשלח מעינים בנחלים בין הרים יהלכון׃ |
11 ampinome’ iereo rano o bibin-kivoke iabio; afa-karan-drano o borìke lìio.
| ישקו כל חיתו שדי ישברו פראים צמאם׃ |
12 Mimoneñe añ’olo’ iereo eo o voron-dikerañeo; mivolañe an-tsinga-katae ey.
| עליהם עוף השמים ישכון מבין עפאים יתנו קול׃ |
13 Tondraha’e hirik’amo efe’e amboneo o vohitseo; mahaeneñe ty tane toy o vokam-pitoloña’eo.
| משקה הרים מעליותיו מפרי מעשיך תשבע הארץ׃ |
14 Ampitiria’e ahetse o añombeo, vaho añañe, vale’ ty fitoloña’ ondatio, hampahavokare’e haneñe ty tane,
| מצמיח חציר לבהמה ועשב לעבדת האדם להוציא לחם מן הארץ׃ |
15 naho divay hampifale ty arofo’ ondaty, naho solike hañamendo ty lahara’e, vaho mahakama hahavaño ty arofo’e.
| ויין ישמח לבב אנוש להצהיל פנים משמן ולחם לבב אנוש יסעד׃ |
16 Enen-drano o hatae’ Iehovào, o mendorave’ i Lebanone nambolè’eo,
| ישבעו עצי יהוה ארזי לבנון אשר נטע׃ |
17 ama’e ao ro anoa’ o voroñeo traño; naho ty fañaoke, anakao ty akiba’e.
| אשר שם צפרים יקננו חסידה ברושים ביתה׃ |
18 Ho a o ose lì-o o vohitse aboo; fiampiram-panaloke o tevañeo.
| הרים הגבהים ליעלים סלעים מחסה לשפנים׃ |
19 Nanoe’e fifotoañañe i volañey; apota’ i àndroy ty toem-pitsofora’e.
| עשה ירח למועדים שמש ידע מבואו׃ |
20 Tinendre’o i ieñey, mivotrake te haleñe ty fitingatingàña’ ze hene biby añ’ala ao.
| תשת חשך ויהי לילה בו תרמש כל חיתו יער׃ |
21 Mitreñe, mitsatsa hena o liona tora’eo, mipay ty hane’e aman’ Añahare.
| הכפירים שאגים לטרף ולבקש מאל אכלם׃ |
22 Ie manjirike i àndroy, mipoliotse iereo vaho mandre an-dakato’e ao.
| תזרח השמש יאספון ואל מעונתם ירבצון׃ |
23 Miavotse mb’am-pitoloña’e mb’eo ondatio, ampara’ te haleñe.
| יצא אדם לפעלו ולעבדתו עדי ערב׃ |
24 O ry Iehovà, akore ty hamaro’ o fitoloña’oo! kila nanoe’o an-kihitse; manitsike ty tane toy o vara’oo.
| מה רבו מעשיך יהוה כלם בחכמה עשית מלאה הארץ קנינך׃ |
25 Indroke i riakey, jabajaba mihenehene, ifamorohotam-biby tsy hay iaheñe— ty kede naho ty bey.
| זה הים גדול ורחב ידים שם רמש ואין מספר חיות קטנות עם גדלות׃ |
26 Ama’e ty ionjonan-dakam-bey, naho i fañaneñe nitsenè’o hihisa aoy.
| שם אניות יהלכון לויתן זה יצרת לשחק בו׃ |
27 Songa mandiñ’ Azo hamahana’o haneñ’ an-tsa’e.
| כלם אליך ישברון לתת אכלם בעתו׃ |
28 Anjotsoa’o, le atonto’ iareo, sokafe’o ty fità’o, vaho hene ànjan-draha soa.
| תתן להם ילקטון תפתח ידך ישבעון טוב׃ |
29 Aeta’o ty lahara’o, le lonjetse iereo; sintone’o ty kofò’e, le mihomake mimpoly an-debok’ ao.
| תסתיר פניך יבהלון תסף רוחם יגועון ואל עפרם ישובון׃ |
30 Irahe’o t’i Arofo’o, mioreñe iereo, vaho vaoe’o ty tarehe’ ty tane toy.
| תשלח רוחך יבראון ותחדש פני אדמה׃ |
31 Tsy mb’ia ho modo ty enge’ Iehovà; ho rebehe’ Iehovà o fitoloña’eo,
| יהי כבוד יהוה לעולם ישמח יהוה במעשיו׃ |
32 Mampititititike ty tane toy te vazohoe’e, mahatoeñe o vohitseo te edrè’e.
| המביט לארץ ותרעד יגע בהרים ויעשנו׃ |
33 Ho saboeko t’Iehovà kanao mbe velon-draho; ho rengèko an-tsabo t’i Andrianañahare katao mbe mahakofòke.
| אשירה ליהוה בחיי אזמרה לאלהי בעודי׃ |
34 Toe mamy t‘ie itsakoreakoo, ifaleako t’Iehovà.
| יערב עליו שיחי אנכי אשמח ביהוה׃ |
35 Ho mongoreñe an-tane atoy o mpanan-tahiñeo le tsy ho eo o lo-tserekeo. Andriaño t’Iehovà, ry troko. Treño t’Ià.
| יתמו חטאים מן הארץ ורשעים עוד אינם ברכי נפשי את יהוה הללו יה׃ |
