Ohabolana 30
1 Ty fitaro’ i Agore, ana’ Ieake: onin-drehake, tinaro’ indatiy am’ Itiele, am’ Itiele naho i Okale:
| דברי אגור בן יקה המשא נאם הגבר לאיתיאל לאיתיאל ואכל׃ |
2 Derendereñe te am’ondaty iabio iraho; tsy amako ty hilala’ ondaty,
| כי בער אנכי מאיש ולא בינת אדם לי׃ |
3 mbore tsy nianarako ty hihitse, vaho tsy amako ty fahafohinañe i Masiñey.
| ולא למדתי חכמה ודעת קדשים אדע׃ |
4 Ia ty nionjom-b’an-dikerañe mb’eo vaho nizotso? Ia ty nahatontoñe o tiokeo an-taña’e mivokeñe? Ia ty nañolonkoloñe o ranoo an-tsaro’e ao? Ia ty nampijadoñe o hene olon-taneo? Ia ty tahina’e, naho ty tahinan’ana’e? Naho fohi’o!
| מי עלה שמים וירד מי אסף רוח בחפניו מי צרר מים בשמלה מי הקים כל אפסי ארץ מה שמו ומה שם בנו כי תדע׃ |
5 Fonga niventeñe o tsaran’ Añahareo; ie fikalañe amo mitsolok’ ama’eo.
| כל אמרת אלוה צרופה מגן הוא לחסים בו׃ |
6 Ko tovoña’o o tsara’eo, fa ho trevohe’e, vaho ho zoeñe t’ie bodiake.
| אל תוסף על דבריו פן יוכיח בך ונכזבת׃ |
7 Roe ty raha ihalaliako ama’o; ko ifoneña’o ampara’ ty hivetrahako:
| שתים שאלתי מאתך אל תמנע ממני בטרם אמות׃ |
8 Ahankaño amako ze vande naho haremborake, le ko atolots’ahy ndra hararahañe ndra varabey, fahano ahy ty anjarako,
| שוא ודבר כזב הרחק ממני ראש ועשר אל תתן לי הטריפני לחם חקי׃ |
9 tsy mone ho vontsin-draho vaho hitety Azo, ami’ty hoe: Ia ze o Iehovà zao? ke ho rarake iraho naho hampikametse, vaho hitera ty tahinan’ Añahareko.
| פן אשבע וכחשתי ואמרתי מי יהוה ופן אורש וגנבתי ותפשתי שם אלהי׃ |
10 Ko fosà’o ami’ty tompo’e ty mpitoroñe, kera hamatse azo re, vaho ho voa-hakeo irehe.
| אל תלשן עבד אל אדנו פן יקללך ואשמת׃ |
11 Eo ty tariratse mitety an-drae, naho tsy mitata rene;
| דור אביו יקלל ואת אמו לא יברך׃ |
12 ty taminga malio amo maso’eo fe mboe tsy nisasa ami’ty haleora’e,
| דור טהור בעיניו ומצאתו לא רחץ׃ |
13 ty tariratse mievoñevoñe amo maso’eo —akore ty fiandra’ o holi-maso’eo!
| דור מה רמו עיניו ועפעפיו ינשאו׃ |
14 Eo ty taminga hanam-pibara ho famotsi’e naho meso ho vaza’e, hampibotsek’ o misotry an-tane atoio, naho o rarake am’ondatio.
| דור חרבות שניו ומאכלות מתלעתיו לאכל עניים מארץ ואביונים מאדם׃ |
15 Roe ty anake vave’ ty oletse, ‘meo, meo.’ Telo ty raha mitolom-piereñe: efatse ty tsy mahafivola ty hoe: ‘eneñe izay!’
| לעלוקה שתי בנות הב הב שלוש הנה לא תשבענה ארבע לא אמרו הון׃ |
16 Tsy mahafivola ty hoe: ‘Soa izay’ ty tsikeokeoke, i beitsiterake, i tane tsy enen-dranoy, vaho ty afo (Sheol h7585)
| שאול ועצר רחם ארץ לא שבעה מים ואש לא אמרה הון׃ (Sheol h7585) |
17 Ty maso miteratera rae, tsy mete avoho-drene, ho tsimohe’ o koàke am-bavataneo, vaho habotse’ ty tsimalaho tora’e.
| עין תלעג לאב ותבוז ליקהת אם יקרוה ערבי נחל ויאכלוה בני נשר׃ |
18 Telo ty raha loho mahalatsa ahy, efatse ty tsy rendreko;
| שלשה המה נפלאו ממני וארבע לא ידעתים׃ |
19 ty liam-bantio an-dindiñe eñe, ty lia’ ty mereñe an-damilamy eo, ty lala’ o sambo añivo riakeo, vaho ty sata’ ondaty ami’ty somondrara.
| דרך הנשר בשמים דרך נחש עלי צור דרך אניה בלב ים ודרך גבר בעלמה׃ |
20 Zao ty satan-karapilo: Mihinañe re naho mamò-bava vaho manao ty hoe: ‘Izaho tsy nanao raty.’
| כן דרך אשה מנאפת אכלה ומחתה פיה ואמרה לא פעלתי און׃ |
21 Ambane’ raha telo ty mampañezeñezeñe i taney, ambane’ ty efatse re tsy mahaleo:
| תחת שלוש רגזה ארץ ותחת ארבע לא תוכל שאת׃ |
22 ambane’ i trètreke t’ie ty mpanjaka, vaho ty dagola, t’ie etsa-kaneñe,
| תחת עבד כי ימלוך ונבל כי ישבע לחם׃ |
23 ambane’ ty rakemba tsy kokoañe t’ie engaen-dahy, vaho ty anak-ampatañe mandova aman-drakemba’e.
| תחת שנואה כי תבעל ושפחה כי תירש גברתה׃ |
24 Efatse ty raha kede’ ty tane toy, songa mahihitse:
| ארבעה הם קטני ארץ והמה חכמים מחכמים׃ |
25 Foko tsy maozatse o vitikeo, fe halankañe’e ami’ty asara ty haneñe;
| הנמלים עם לא עז ויכינו בקיץ לחמם׃ |
26 fifokoa tsy fatratse o trandrakeo, fe mpandranjy traño am-bato ao;
| שפנים עם לא עצום וישימו בסלע ביתם׃ |
27 tsy amam-panjàka o valalao, fe mirodo ki-pirimbo-ki-pirimboñe.
| מלך אין לארבה ויצא חצץ כלו׃ |
28 Mete tsepahem-pitàñe ty tsàtsake, f’ie añ’anjombam-panjaka ao.
| שממית בידים תתפש והיא בהיכלי מלך׃ |
29 Telo ty raha midoegadoega: efatse ty mitoandratoandra:
| שלשה המה מיטיבי צעד וארבעה מיטבי לכת׃ |
30 ty liona, ie maozatse amo biby iabio, tsy eo ty itsolofiña’e;
| ליש גבור בבהמה ולא ישוב מפני כל׃ |
31 i akoholahiy, naho ty oselahy, vaho ty mpanjaka miatreke i valobohòn-dahindefo’ey.
| זרזיר מתנים או תיש ומלך אלקום עמו׃ |
32 Naho nanao hagegean-drehe nañonjom-batañe, ke nikilily, le tehafo am-pitàñe ty falie’o.
| אם נבלת בהתנשא ואם זמות יד לפה׃ |
33 Toe miova ho dibera ty ronono trobotroboeñe, naho mahatontom-piantsonañe te komondroeñe, vaho mampiforoforo haviñerañe t’ie troboeñe.
| כי מיץ חלב יוציא חמאה ומיץ אף יוציא דם ומיץ אפים יוציא ריב׃ |
