Levitikosy 18
1 Hoe ty nitsara’ Iehovà amy Mosè:
| וידבר יהוה אל משה לאמר׃ |
2 Misaontsia amo ana’ Israeleo, taroño ty hoe: Izaho Iehovà Andrianañahare’ areo.
| דבר אל בני ישראל ואמרת אלהם אני יהוה אלהיכם׃ |
3 Ko anoe’ areo o satan-tane Mitsraime nimoneña’ areoo; le tsy hanoe’ areo ka o satan-tane Kanàne aneseako anahareoo, tsy hañaveloa’ areo o fañè’ iareoo.
| כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו׃ |
4 Hanoe’ areo o fepèkoo vaho hambena’ areo o fañèkoo, hañaveloa’ areo: Izaho Iehovà Andrianañahare’ areo.
| את משפטי תעשו ואת חקתי תשמרו ללכת בהם אני יהוה אלהיכם׃ |
5 Aa le ambeno o fañèkoo naho o fepèkoo, kanao mahaveloñe ondaty t’ie anoe’e: Izaho Iehovà.
| ושמרתם את חקתי ואת משפטי אשר יעשה אתם האדם וחי בהם אני יהוה׃ |
6 Tsy ama’ areo ty hitotoke an-dongo’e marine, hañafa-tsaron-kameñarañe: Izaho Iehovà.
| איש איש אל כל שאר בשרו לא תקרבו לגלות ערוה אני יהוה׃ |
7 Tsy hafaha’o ty heñan-drae’o ndra ty heñan-drene’o. Rene’o re, tsy haboa’o ty heña’e.
| ערות אביך וערות אמך לא תגלה אמך הוא לא תגלה ערותה׃ |
8 Ko aboa’o ty heñam-balin-drae’o, fa heñan-drae’o.
| ערות אשת אביך לא תגלה ערות אביך הוא׃ |
9 Le ty heñan-drahavave’o, he anak’ ampelan-drae’o ke anak’ ampelan-drene’o, he t’ie terak’ añ’ anjomba ke te terak’ amontoñe, tsy haboa’o ty heña’e.
| ערות אחותך בת אביך או בת אמך מולדת בית או מולדת חוץ לא תגלה ערותן׃ |
10 Ty heñan’ anak’ ampelan’ anadahi’o ke anak’ ampelan’ anak’ ampela’o, le tsy haboa’o amy te heña’o ty a’ iareo.
| ערות בת בנך או בת בתך לא תגלה ערותן כי ערותך הנה׃ |
11 Ty heñan’ anak’ ampelam-balin-drae’o, i nasaman-drae’oy, tsy haboa’o fa rahavave’o.
| ערות בת אשת אביך מולדת אביך אחותך הוא לא תגלה ערותה׃ |
12 Tsy haboa’o ty heñan-drahavaven-drae’o, amy t’ie longon-drae’o.
| ערות אחות אביך לא תגלה שאר אביך הוא׃ |
13 Tsy haboa’o ty heñan-drahavaven-drene’o, amy te longon-drene’o.
| ערות אחות אמך לא תגלה כי שאר אמך הוא׃ |
14 Tsy haboa’o ty heñan-drahalahin-drae’o. Ko vonje’o i vali’ey, fa rahavaven-drae’o.
| ערות אחי אביך לא תגלה אל אשתו לא תקרב דדתך הוא׃ |
15 Tsy haboa’o ty heñam-binanto’o, fa valin’ana-dahi’o; tsy haboa’o ty heña’e.
| ערות כלתך לא תגלה אשת בנך הוא לא תגלה ערותה׃ |
16 Tsy haboa’o ty heñam-balin-drahalahi’o, fa heñan-drahalahi’o.
| ערות אשת אחיך לא תגלה ערות אחיך הוא׃ |
17 Tsy songa haboa’o ty fimeñaran-drakemba naho ty anak’ ampela’e, tsy ho rambese’o ty anak’ ampelan’ anadahi’e ndra ty anak’ ampelan’ anak’ ampela’e hañafahañe ty heña’e; longo’o iereo, hativàñe izay.
| ערות אשה ובתה לא תגלה את בת בנה ואת בת בתה לא תקח לגלות ערותה שארה הנה זמה הוא׃ |
18 Tsy halae’o ka ty ampela hampirafese’o aman-drahavave’e, hampiboake ty heña’e naho mbe veloñe i rahavave’ey.
| ואשה אל אחתה לא תקח לצרר לגלות ערותה עליה בחייה׃ |
19 Tsy hiharinea’o ka ty ampela hañafaha’o ty heña’e amy faleoram-piambola’ey;
| ואל אשה בנדת טמאתה לא תקרב לגלות ערותה׃ |
20 vaho tsy rantove’o ty vali’ ondaty, hanivà’o vatañe.
| ואל אשת עמיתך לא תתן שכבתך לזרע לטמאה בה׃ |
21 Ko mañenga ho soroheñe amy Moleka o tarira’oo, hanivà’o ty tahinan’ Añahare’o: Izaho Iehovà.
| ומזרעך לא תתן להעביר למלך ולא תחלל את שם אלהיך אני יהוה׃ |
22 Tsy hiolotse ami’ty lahilahy irehe, manahake te aman’ ampela. Tiva izay.
| ואת זכר לא תשכב משכבי אשה תועבה הוא׃ |
23 Tsy hisahe biby irehe hanivà’o vatañe. Le tsy hijohañe añatrefa’ ty biby ty ampela hisahe ama’e; fa ota-faly.
| ובכל בהמה לא תתן שכבתך לטמאה בה ואשה לא תעמד לפני בהמה לרבעה תבל הוא׃ |
24 Ko maniva-vatañe an-dra’ inoñ’ inoñe amy rezay, fa ie ty nahativa o hene foko roàheko aolo’ areoo.
| אל תטמאו בכל אלה כי בכל אלה נטמאו הגוים אשר אני משלח מפניכם׃ |
25 Izay ty nahaveta i taney; aa le nametsahako fandilovañe, vaho naboloa’ i taney o mpimoneñe ama’eo.
| ותטמא הארץ ואפקד עונה עליה ותקא הארץ את ישביה׃ |
26 Inahareo arè, tambozoro o fañèkoo naho o fepèkoo, ko manao i hativàñe rezay, ndra t’ie foko ndra renetane mañialo ama’ areo ao,
| ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃ |
27 (amy te ni-fanoe’ ondati’ i taneio, o taolo’ areoo, i hativàñe rezay: vaho nihaveta i taney)
| כי את כל התועבת האל עשו אנשי הארץ אשר לפניכם ותטמא הארץ׃ |
28 tsy mone haboloa’ i taney ka nahareo naho itivà’ areo, manahake ty nampiboloaña’e i foko limbeze’ areoy?
| ולא תקיא הארץ אתכם בטמאכם אתה כאשר קאה את הגוי אשר לפניכם׃ |
29 Aa ndra ia’ ia manao ndra inoñ’ inoñe amy raha tiva rezay, le haitoañe am’ondati’eo indaty manao izay.
| כי כל אשר יעשה מכל התועבות האלה ונכרתו הנפשות העשת מקרב עמם׃ |
30 Aa le ambeno o fañèkoo, tsy mone hanoe’ areo o sata’ tiva nanoeñe aolo’ areoo, tsy hanivà’ areo vatañe; Izaho Iehovà Andrianañahare’ areo.
| ושמרתם את משמרתי לבלתי עשות מחקות התועבת אשר נעשו לפניכם ולא תטמאו בהם אני יהוה אלהיכם׃ |
