Fitomaniana 3
1 Ondaty nahatrea hasotrian-draho amy kobain-kaviñera’ey.
| אני הגבר ראה עני בשבט עברתו׃ |
2 Niaoloa’e naho nampomba’e mb’an-kamoromoroñañe ao fa tsy mb’an-kazavàñe.
| אותי נהג וילך חשך ולא אור׃ |
3 Toe nafote’e amako lomoñandro lomoñandro ty fità’e.
| אך בי ישב יהפך ידו כל היום׃ |
4 Nanoe’e hambo’e o nofokoo naho o holikoo; sindre pinekapeka’e o taolakoo.
| בלה בשרי ועורי שבר עצמותי׃ |
5 Nanoa’e hàlañe, nañarikatoha’e afero naho haloviloviañe.
| בנה עלי ויקף ראש ותלאה׃ |
6 Nampitobohe’e an-toetse maieñe ao iraho, hoe lolo-ela.
| במחשכים הושיבני כמתי עולם׃ |
7 Narindri’e ao tsy hahafionjoñe; nanoe’e mavesatse o silisilikoo.
| גדר בעדי ולא אצא הכביד נחשתי׃ |
8 Aa naho mikoikoike hipay imba, le sikadaña’e alafe ao i halalikoy.
| גם כי אזעק ואשוע שתם תפלתי׃ |
9 Nikalaña’e am-bato vinañe o liakoo, nampikelokelofe’e o oloñolokoo.
| גדר דרכי בגזית נתיבתי עוה׃ |
10 Hoe amboa romotse mamandroñe ahy, hoe liona añ’etaketak’ ao.
| דב ארב הוא לי אריה במסתרים׃ |
11 Natsile’e iaby o fombàkoo, naho nirimidrimite’e ty sandriko; nanoe’e babangoañe.
| דרכי סורר ויפשחני שמני שמם׃ |
12 Fa nabitso’e ty fale’e, le nohara’e amako ty ana-pale.
| דרך קשתו ויציבני כמטרא לחץ׃ |
13 Nampitrofahe’e ambaniako ao o ana-tsotsòke boak’ an-trañon’ ana-pale’eo.
| הביא בכליותי בני אשפתו׃ |
14 Fa injè’ondatikoo iraho, bekobekoa’ iareo lomoñandro.
| הייתי שחק לכל עמי נגינתם כל היום׃ |
15 Finaha’e hafairañe vaho natsafe’e vahon-tsoy.
| השביעני במרורים הרוני לענה׃ |
16 Finoifoi’e am-bato o nifekoo; nalembe’e an-davenok’ ao iraho.
| ויגרס בחצץ שני הכפישני באפר׃ |
17 Nampihankàñe’o lavi-panintsiñañe ty haveloko; nihaliñoko ze o hasoa zao.
| ותזנח משלום נפשי נשיתי טובה׃ |
18 Le hoe iraho, Fa modo ty haozarako, ty fitamàko am’ Iehovà.
| ואמר אבד נצחי ותוחלתי מיהוה׃ |
19 Tiahio ty haloviloviako naho ty hasotriako, ty vahon-tsoy naho afero.
| זכר עניי ומרודי לענה וראש׃ |
20 Toe tiahi’ ty fiaiko, vaho mibotrek’ amako ao.
| זכור תזכור ותשיח עלי נפשי׃ |
21 Ty hoe ty apotam-pitsakoreako, mampitamà ahiko, te
| זאת אשיב אל לבי על כן אוחיל׃ |
22 le lia’e tsy mijihetse ty fiferenaiña’ Iehovà tsy mb’ia hilesa o fiferenaiña’eo.
| חסדי יהוה כי לא תמנו כי לא כלו רחמיו׃ |
23 Vao boak’andro; ra’elahy ty figahiña’o.
| חדשים לבקרים רבה אמונתך׃ |
24 Iehovà ty anjarako, hoe ty troko, aa le ie ty fitamàko.
| חלקי יהוה אמרה נפשי על כן אוחיל לו׃ |
25 Soa t’Iehovà amo mahaliñe azeo; amy arofo mipay Azey.
| טוב יהוה לקוו לנפש תדרשנו׃ |
26 Mahasoa ondatio te mitama, t’ie handiñe am-pianjiñañe ty fandrombaha’ Iehovà.
| טוב ויחיל ודומם לתשועת יהוה׃ |
27 Hasoa am’ondatio ty mivave ty jokan-katora’e.
| טוב לגבר כי ישא על בנעוריו׃ |
28 Angao re hiambesatse am-bangiñe ao, hianjiñe, amy te ie ty nandafik’ aze.
| ישב בדד וידם כי נטל עליו׃ |
29 Hatoho’e an-debok’ ao ty falie’e, hera ama’e ty fitamañe.
| יתן בעפר פיהו אולי יש תקוה׃ |
30 Soa re te hatolo’e amy mandrara- tehak’ azey ty fiambina’e; angao ampiliporeñ’ inje.
| יתן למכהו לחי ישבע בחרפה׃ |
31 Fa tsy hañito nainai’e t’i Talè.
| כי לא יזנח לעולם אדני׃ |
32 Aa ndra t’ie ty mampioremeñe, mbe hiferenaiña’e amy hafatraram-pikokoa’ey.
| כי אם הוגה ורחם כרב חסדו׃ |
33 Tsy mora ama’e ty mandafa, ndra ty mandilo o ana’ondatio;
| כי לא ענה מלבו ויגה בני איש׃ |
34 Ie ampidemoheñe am-pandia, ze mpirohi’ ty tane toy;
| לדכא תחת רגליו כל אסירי ארץ׃ |
35 ie tsy omen-to ondatio añatrefa’ i Andindimoneñey,
| להטות משפט גבר נגד פני עליון׃ |
36 ie ampikeloheñe ty enta’ ondatio— tsy arofoana’ i Talè hao?
| לעות אדם בריבו אדני לא ראה׃ |
37 Ia ty nitaroñe naho nahafetsake zao, naho tsy i Talè ty nametse?
| מי זה אמר ותהי אדני לא צוה׃ |
38 Tsy boak’am-palie’ i Abo Tiañey hao ty hankàñe naho ty soa?
| מפי עליון לא תצא הרעות והטוב׃ |
39 Akore ty itoreova’ondaty veloñeo, o lahilahio ty amo tahi’eo?
| מה יתאונן אדם חי גבר על חטאו׃ |
40 Antao hañotsohotso hitsoke o lalan-tikañeo, vaho himpoly mb’am’ Iehovà mb’eo.
| נחפשה דרכינו ונחקרה ונשובה עד יהוה׃ |
41 Antao hañonjoñ’ arofo am-pitàñe mb’aman’Añahare an-digiligy añe.
| נשא לבבנו אל כפים אל אל בשמים׃ |
42 Toe nandilatse zahay naho niola; toly ndra tsy napo’o.
| נחנו פשענו ומרינו אתה לא סלחת׃ |
43 Nikolopok’ an-kaviñeran-drehe te nañoridañe anay; tsy niferenaiña’o t’ie nanjamañe.
| סכתה באף ותרדפנו הרגת לא חמלת׃ |
44 Nisaron-drahon-dRehe, tsy himoahan-kalaly.
| סכותה בענן לך מעבור תפלה׃ |
45 Nanoe’o romoromo’e naho forompotse zahay añivo’ o kilakila’ndatio.
| סחי ומאוס תשימנו בקרב העמים׃ |
46 Songa midañadaña falie ama’ay o malaiñ’anaio.
| פצו עלינו פיהם כל איבינו׃ |
47 Fa nifetsak’ ama’ay ty hebakebake naho i koboñey, ty famongorañe naho fandrotsahañe.
| פחד ופחת היה לנו השאת והשבר׃ |
48 Mitsiritsioke rano o masokoo, amy fandrotsahañe i anak’ampela’ ondatikoy.
| פלגי מים תרד עיני על שבר בת עמי׃ |
49 Midoandoañe mañambane o masokoo, vaho tsy mijihetse, tsy mitroatse,
| עיני נגרה ולא תדמה מאין הפגות׃ |
50 Ampara’ te mivazoho mañambane t’Iehovà, mitalake boak’ an-dikerañe añe.
| עד ישקיף וירא יהוה משמים׃ |
51 Mampihontoke ty troko o masokoo ty amo hene anak’ampelan-drovakoo.
| עיני עוללה לנפשי מכל בנות עירי׃ |
52 Fa nikehe ahy hoe kibo, tsy amam-poto’e o malaiñ’ahio.
| צוד צדוני כצפור איבי חנם׃ |
53 Naitoa’ iareo an-koboñe ao ty fiaiko, vaho nandretsa-bato amako.
| צמתו בבור חיי וידו אבן בי׃ |
54 Nandipotse ty lohako o ranoo vaho nanoeko ty hoe: Opo iraho!
| צפו מים על ראשי אמרתי נגזרתי׃ |
55 Kinanjiko ty tahina’o ry Iehovà, boak’ an-koboñe loho lalek’ ao.
| קראתי שמך יהוה מבור תחתיות׃ |
56 Jinanji’o ty feoko; ko aeta’o amy ravembia’oy i fitoreokoy hahafikofohako.
| קולי שמעת אל תעלם אזנך לרוחתי לשועתי׃ |
57 Nitotok’ ahy irehe amy andro nikanjiako azoy; le hoe irehe: Ko hemban-drehe.
| קרבת ביום אקראך אמרת אל תירא׃ |
58 Ry Talè, nañalañalañe’o o entan’ aikoo; fa jineba’o ty fiaiko.
| רבת אדני ריבי נפשי גאלת חיי׃ |
59 Ry Iehovà, fa nivazoho’o ty nasarañ’ ahy; ehe izakao.
| ראיתה יהוה עותתי שפטה משפטי׃ |
60 Fa nioni’o ty fitrotrofiaha’ iareo naho ty fikitroha’ iareo amako.
| ראיתה כל נקמתם כל מחשבתם לי׃ |
61 Fa jinanji’o ty inje’ iareo, ry Iehovà, naho o fikililia’ iareo ahy iabio,
| שמעת חרפתם יהוה כל מחשבתם עלי׃ |
62 Ty fivimbi’ o nitroatse amakoo, ty fikinià’ iareo ahy lomoñandro,
| שפתי קמי והגיונם עלי כל היום׃ |
63 Vazohò iereo te miambesatse, naho t’ie miongake; izaho bekobekoa’ iareo.
| שבתם וקימתם הביטה אני מנגינתם׃ |
64 Mbe hondroha’o, ry Iehovà, ty amo satam-pità’ iareoo.
| תשיב להם גמול יהוה כמעשה ידיהם׃ |
65 Kolopofo ty arofo’ iareo, ametsaho fatse!
| תתן להם מגנת לב תאלתך להם׃ |
66 Horidaño an-kaviñerañe vaho mongoro ambanen-dikera’ Iehovà eo.
| תרדף באף ותשמידם מתחת שמי יהוה׃ |
