Joba 36
1 Natovo’ i Eliho ty hoe:
| ויסף אליהוא ויאמר׃ |
2 Iheveo hey iraho le hitoroako te mbe aman-ko volañeñe hañonjonañe an’Andrianañahare.
| כתר לי זעיר ואחוך כי עוד לאלוה מלים׃ |
3 Hitoha hilala tsietoitane añe iraho, tolorako havantañañe i Mpitsene ahiy.
| אשא דעי למרחוק ולפעלי אתן צדק׃ |
4 Toe aman-kila o entakoo; vaho ama’o i aman-kilala fonitsey.
| כי אמנם לא שקר מלי תמים דעות עמך׃ |
5 Inao maozatse t’i Andrianañahare, naho tsy mirihy; ie fatratse an-kaozaram-paharofoanañe.
| הן אל כביר ולא ימאס כביר כח לב׃ |
6 Tsy tana’e ho veloñe o tsereheñeo, fe omei’e to ty tso-troke.
| לא יחיה רשע ומשפט עניים יתן׃ |
7 Tsy asita’e amo vantañeo o fihaino’eo; fa ampiambesare’e ho nainai’e amo mpanjaka am-piambesa’eo, vaho onjone’e.
| לא יגרע מצדיק עיניו ואת מלכים לכסא וישיבם לנצח ויגבהו׃ |
8 Aa ie mirohy an-tsilisily, naho nivahoran-kasotriañe,
| ואם אסורים בזקים ילכדון בחבלי עני׃ |
9 le itaroña’e o sata’ iareoo naho o fiolà’ iareoo, te mitakeboke.
| ויגד להם פעלם ופשעיהם כי יתגברו׃ |
10 Sokafe’e hianatse o ravembiao, vaho lilie’e te hiambohoa’ iareo o tsy havokarañeo.
| ויגל אזנם למוסר ויאמר כי ישבון מאון׃ |
11 Ie mañaoñe naho mitoroñ’aze, le amam-bokatse ty higadoña’ o andro’eo vaho am-pierañerañañe o tao’eo.
| אם ישמעו ויעבדו יכלו ימיהם בטוב ושניהם בנעימים׃ |
12 F’ie tsy mañaoñe, le ho zamanem-pibara, hiantantiritse tsy aman-kilala,
| ואם לא ישמעו בשלח יעברו ויגועו בבלי דעת׃ |
13 ie mañaja si-manty, tsy aman-Kàke an-troke; tsy mikaike olotse te rohiza’e.
| וחנפי לב ישימו אף לא ישועו כי אסרם׃ |
14 Robak’ an-katora’e ty sandri’iareo, ty fiai’ iareo an-karapiloan-do.
| תמת בנער נפשם וחיתם בקדשים׃ |
15 Haha’e am-pisotria’e ty misotry; anokafa’e ravembia i forekekeñey.
| יחלץ עני בעניו ויגל בלחץ אזנם׃ |
16 Eka, tinao’e boak’ an-jitse irehe mb’an-tameañe tsy aman-tindry; naho lifo-tsafo’e ty hazotso am-pandambaña’o eo.
| ואף הסיתך מפי צר רחב לא מוצק תחתיה ונחת שלחנך מלא דשן׃ |
17 F’ie nañeneke ty fizakañe o rati-tserekeo; fiihine’ ty zaka naho ty hatò.
| ודין רשע מלאת דין ומשפט יתמכו׃ |
18 Itaò tsy hanigìk’ azo hañivañiva ty habosehañe, vaho apoho tsy hampitsile azo ty habeim-bokàñe.
| כי חמה פן יסיתך בספק ורב כפר אל יטך׃ |
19 Hahatohañ’azo tsy ho am-poheke hao o vara’oo? ndra ze hene hafatraran-kaozara’o?
| היערך שועך לא בצר וכל מאמצי כח׃ |
20 Ko salalaeñe ty haleñe, ie aitoañe an-toe’e ondatio.
| אל תשאף הלילה לעלות עמים תחתם׃ |
21 Miambena, tsy hitoliha’o ty haratiañe; toe ie ty nijoboñe’o, fa tsy hasotriañe.
| השמר אל תפן אל און כי על זה בחרת מעני׃ |
22 Inao! onjoñe’ ty haozara’e t’i Andrianañahare Ia ty mpañoke mañirinkiriñe Aze?
| הן אל ישגיב בכחו מי כמהו מורה׃ |
23 Ia ty nanendre ty lala homb’e? Ia ty mahafivolañe ty hoe: Tsy soa o nanoe’oo?
| מי פקד עליו דרכו ומי אמר פעלת עולה׃ |
24 Tiahio hey ty hañonjonañe o fitoloña’eo, o fisaboa’ ondatio.
| זכר כי תשגיא פעלו אשר שררו אנשים׃ |
25 Hene nahaisake ondatio; talakesa’ ondaty an-tsietoitaneo
| כל אדם חזו בו אנוש יביט מרחוק׃ |
26 Inao! jabahinake t’i Andrianañahare, tsy taka’ ty hilalan-tika; tsy hay volilieñe ty ia’ o tao’eo.
| הן אל שגיא ולא נדע מספר שניו ולא חקר׃ |
27 Aonjo’e o pilipiton-dranoo; ampanjaria’e orañe i evoñey;
| כי יגרע נטפי מים יזקו מטר לאדו׃ |
28 Le ampikojojoahe’ o rahoñeo, hitsopatsopake, hañerek’ am’ondatio.
| אשר יזלו שחקים ירעפו עלי אדם רב׃ |
29 Hete! Ia ty maharofoanañe ty fiboelea’ o rahoñeo? ty fangotroha’ i sokemitraha’ey?
| אף אם יבין מפרשי עב תשאות סכתו׃ |
30 Oniño te ampivarakaihe’e ama’e o fitsipela’eo vaho ampoa’e ty vaha’ i riakey.
| הן פרש עליו אורו ושרשי הים כסה׃ |
31 Ie ro izaka’e ondatio; naho añeneña’e mahakama.
| כי בם ידין עמים יתן אכל למכביר׃ |
32 Safora’e helatse o fità’eo, naho lilie’e hitomboke.
| על כפים כסה אור ויצו עליה במפגיע׃ |
33 Mitalily aze i ampi’ey, amo añombeo t’ie ho avy.
| יגיד עליו רעו מקנה אף על עולה׃ |
