Salamo 99

1 Jehovah no Mpanjaka aoka hangovitra ny firenena; Mipetraka amin’ ny kerobima Izy, aoka hihorohoro ny tany.

Yahweh reigns! Let the peoples tremble. He sits enthroned among the cherubim. Let the earth be moved.

2 Lehibe any Ziona Jehovah; Ary avo ambonin’ ny firenena rehetra Izy.

Yahweh is great in Zion. He is high above all the peoples.

3 Aoka hidera ny anaranao lehibe sy mahatahotra ireo; Fa masìna Jehovah.

Let them praise your great and awesome name. He is Holy!

4 Ny herin’ ny mpanjaka dia tia rariny; Ampitoerinao ny fahitsiana; Fitsarana sy fahamarinana no ataonao eo amin’ i Jakoba.

The King’s strength also loves justice. You establish equity. You execute justice and righteousness in Jacob.

5 Manandrata an’ i Jehovah Andriamanitsika ianareo, Ka miankohofa eo amin’ ny fitoeran-tongony; Fa masìna Izy.

Exalt Yahweh our God. Worship at his footstool. He is Holy!

6 Mosesy sy Arona tamin’ ny mpisorony, Ary Samoela tamin’ izay mpiantso ny anarany, Niantso an’ i Jehovah ireo, ary namaly: azy Izy.

Moses and Aaron were among his priests, Samuel was among those who call on his name. They called on Yahweh, and he answered them.

7 Niteny taminy tao anatin’ ny andri-rahona Izy; Nitandrina ny teni-vavolombelony izy ireo, Dia ny didy izay efa nomeny azy.

He spoke to them in the pillar of cloud. They kept his testimonies, the statute that he gave them.

8 Jehovah Andriamanitray ô, Hianao no namaly ny nataony; Andriamanitra, Mpamela ny helony, Hianao, Na dia namaly azy noho ny nataony aza.

You answered them, Yahweh our God. You are a God who forgave them, although you took vengeance for their doings.

9 Asandrato Jehovah Andriamanitsika, Ary miankohofa eo an-tendrombohiny masìna; Fa masìna Jehovah Andriamanitsika.

Exalt Yahweh, our God. Worship at his holy hill, for Yahweh, our God, is holy!