Salamo 86

1 Fivavak’ i Davida.

A Prayer of David. Bow down thine ear, O Jehovah, and answer me; For I am poor and needy.

2 Arovy ny fanahiko, fa masìna aho; Andriamanitro ô, vonjeo ny mpanomponao, Izay matoky Anao.

Preserve my soul; for I am godly: O thou my God, save thy servant that trusteth in thee.

3 Tompo ô, mamindrà fo amiko; Fa Hianao no itarainako mandrakariva.

Be merciful unto me, O Lord; For unto thee do I cry all the day long.

4 Ampifalio ny fanahin’ ny mpanomponao; Fa Hianao, Tompo ô, no ananganako ny fanahiko.

Rejoice the soul of thy servant; For unto thee, O Lord, do I lift up my soul.

5 Fa Hianao, Tompo ô, no tsara sady mamela heloka Ary be famindram-po amin’ izay rehetra miantso Anao.

For thou, Lord, art good, and ready to forgive, And abundant in lovingkindness unto all them that call upon thee.

6 Mandrenesa ny fivavako, Jehovah ô, Ary henoy ny feon’ ny fifonako.

Give ear, O Jehovah, unto my prayer; And hearken unto the voice of my supplications.

7 Amin’ ny andro fahoriako dia miantso Anao aho, Fa mamaly ahy Hianao.

In the day of my trouble I will call upon thee; For thou wilt answer me.

8 Tsy misy tahaka Anao, Tompo ô, amin’ ireo andriamanitra; Ary tsy misy tahaka ny asanao.

There is none like unto thee among the gods, O Lord; Neither [are there any works] like unto thy works.

9 Ny firenena rehetra nataonao dia ho avy hiankohoka eo anatrehanao, Tompo ô, Ka hanome voninahitra ny anaranao.

All nations whom thou hast made shall come and worship before thee, O Lord; And they shall glorify thy name.

10 Fa lehibe Hianao ka manao zava-mahagaga; Hianao irery ihany no Andriamanitra.

For thou art great, and doest wondrous things: Thou art God alone.

11 Ampianaro ny lalanao aho, Jehovah ô, Dia handeha amin’ ny fahamarinanao aho; Ampiraiso ny foko hatahotra ny anaranao.

Teach me thy way, O Jehovah; I will walk in thy truth: Unite my heart to fear thy name.

12 Hidera Anao amin’ ny foko rehetra aho, Andriamanitro Tompo ô Hanome voninahitra ny anaranao mandrakizay aho.

I will praise thee, O Lord my God, with my whole heart; And I will glorify thy name for evermore.

13 Fa lehibe ny famindram-ponao amiko; Ary efa novonjenao ny fanahiko tsy ho any amin’ ny fiainan-tsi-hita ambany indrindra. (Sheol h7585)

For great is thy lovingkindness toward me; And thou hast delivered my soul from the lowest Sheol. (Sheol h7585)

14 Andriamanitra ô, ny mpirehareha mitsangana hanohitra ahy, Ary ny antokon’ ny lozabe mitady ny aiko; Ary tsy mba heveriny fa eo anatrehany Hianao.

O God, the proud are risen up against me, And a company of violent men have sought after my soul, And have not set thee before them.

15 Fa Hianao, Tompo ô, dia Andriamanitra mamindrà fo sy miantra, Mahari-po sady be famindram-po sy fahamarinana.

But thou, O Lord, art a God merciful and gracious, Slow to anger, and abundant in lovingkindness and truth.

16 Todiho aho ka amindrao fo; Omeo ny herinao ny mpanomponao, Ary vonjeo ny zanaky ny ankizivavinao.

Oh turn unto me, and have mercy upon me; Give thy strength unto thy servant, And save the son of thy handmaid.

17 Anehoy famantarana ny ho soa aho, Mba ho hitan’ izay mankahala ahy, ka ho menatra izy; Fa Hianao Jehovah ô, no namonjy sy nampionona ahy.

Show me a token for good, That they who hate me may see it, and be put to shame, Because thou, Jehovah, hast helped me, and comforted me.