Salamo 75

1 Ho an’ ny mpiventy hira. Al-tasheth. Salamo nataon’ i Asafa. Tonon-kira. Hisaoranay Hianao, Andriamanitra ô; eny, hisaoranay Hianao; fa akaiky ny anaranao; mitory ny fahagagana ataonao ny olona.

For the Chief Musician. To the tune of “Do Not Destroy.” A Psalm by Asaph. A song. We give thanks to you, God. We give thanks, for your Name is near. Men tell about your wondrous works.

2 Fa ho avy tokoa amin’ ny fotoana Aho; eny, Izaho no hitsara marina.

When I choose the appointed time, I will judge blamelessly.

3 Mihorohoro ny tany sy ny mponina rehetra eo aminy, nefa Izaho no nanorina ny andriny. (Sela)

The earth and all its inhabitants quake. I firmly hold its pillars. (Selah)

4 Hoy izaho tamin’ ny mpirehareha: aza mirehareha, ary tamin’ ny ratsy fanahy: aza manandra-tandroka;

I said to the arrogant, “Don’t boast!” I said to the wicked, “Don’t lift up the horn.

5 Aza manandratra ny tandrokareo ho avo; ary aza miteny sahisahy amin’ ny fahamafian-katoka.

Don’t lift up your horn on high. Don’t speak with a stiff neck.”

6 Fa tsy avy any atsinanana, na avy any andrefana, na avy any atsimo, ny fisandratana.

For neither from the east, nor from the west, nor yet from the south, comes exaltation.

7 Fa Andriamanitra no Mpitsara; mampietry ny anankiray Izy ary manandratra ny anankiray kosa.

But God is the judge. He puts down one, and lifts up another.

8 Fa misy kapoaka eo an-tànan’ i Jehovah, feno divay mandroatra miharoharo zavatra iny, ka ampisotroany; eny, ny ratsy fanahy rehetra amin’ ny tany dia hitroka ny faikany.

For in the LORD’s hand there is a cup, full of foaming wine mixed with spices. He pours it out. Indeed the wicked of the earth drink and drink it to its very dregs.

9 Fa izaho hanambara izany mandrakizay, ka hankalaza an’ Andriamanitr’ i Jakoba.

But I will declare this forever: I will sing praises to the God of Jacob.

10 Ary ny tandroky ny ratsy fanahy rehetra hotapahiko; fa ny tandroky ny marina kosa no hasandratra.

I will cut off all the horns of the wicked, but the horns of the righteous shall be lifted up.