Salamo 75

1 Ho an’ ny mpiventy hira. Al-tasheth. Salamo nataon’ i Asafa. Tonon-kira. Hisaoranay Hianao, Andriamanitra ô; eny, hisaoranay Hianao; fa akaiky ny anaranao; mitory ny fahagagana ataonao ny olona.

“For the leader of the music. To the tune of “Do not destroy.” A psalm of Asaph.” We give thanks to thee, O God! we give thanks to thee, and near is thy name; Men shall declare thy wondrous deeds!

2 Fa ho avy tokoa amin’ ny fotoana Aho; eny, Izaho no hitsara marina.

“When I see my time, Then will I judge with equity.

3 Mihorohoro ny tany sy ny mponina rehetra eo aminy, nefa Izaho no nanorina ny andriny. (Sela)

The earth trembleth, and all her inhabitants; But I uphold her pillars.”

4 Hoy izaho tamin’ ny mpirehareha: aza mirehareha, ary tamin’ ny ratsy fanahy: aza manandra-tandroka;

I say to the proud, Behave not proudly! To the wicked, Lift not up your horn!

5 Aza manandratra ny tandrokareo ho avo; ary aza miteny sahisahy amin’ ny fahamafian-katoka.

Lift not up your horn on high, And speak not with a stiff neck!

6 Fa tsy avy any atsinanana, na avy any andrefana, na avy any atsimo, ny fisandratana.

For promotion cometh neither from the east, nor from the west, nor from the south;

7 Fa Andriamanitra no Mpitsara; mampietry ny anankiray Izy ary manandratra ny anankiray kosa.

But it is God that judgeth; He putteth down one, and setteth up another.

8 Fa misy kapoaka eo an-tànan’ i Jehovah, feno divay mandroatra miharoharo zavatra iny, ka ampisotroany; eny, ny ratsy fanahy rehetra amin’ ny tany dia hitroka ny faikany.

For in the hand of the LORD there is a cup; The wine is foaming and full of spices, And of it he poureth out; Even to the dregs shall all the wicked of the earth drink it.

9 Fa izaho hanambara izany mandrakizay, ka hankalaza an’ Andriamanitr’ i Jakoba.

Therefore I will extol him for ever; I will sing praise to the God of Jacob.

10 Ary ny tandroky ny ratsy fanahy rehetra hotapahiko; fa ny tandroky ny marina kosa no hasandratra.

“I will bring down all the power of the wicked; But the righteous shall lift up their heads.”