Salamo 69
1 Ho an’ ny mpiventy hira. Al-shoshanim. Nataon’ i Davida. Vonjeo aho, Andriamanitra ô; fa efa mihatra amin’ ny aiko ny rano.
| למנצח על שושנים לדוד הושיעני אלהים כי באו מים עד נפש׃ |
2 Milentika amin’ ny fotaka mandrevo aho, ka tsy misy hifaharana; efa miditra amin’ ny rano lalina aho, ka mandifotra ahy ny riaka.
| טבעתי ביון מצולה ואין מעמד באתי במעמקי מים ושבלת שטפתני׃ |
3 Sasatry ny mitaraina aho, maimay ny tendako; pahina ny masoko, raha miandry an’ Andriamanitro aho.
| יגעתי בקראי נחר גרוני כלו עיני מיחל לאלהי׃ |
4 Maro noho ny volon-dohako ny isan’ izay mankahala ahy tsy ahoan-tsy ahoana; mahery izay ta-hahafaty ahy, dia ny fahavaloko tsy ahoan-tsy ahoana; mampanonitra ahy izay tsy nalaiko izy.
| רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃ |
5 Andriamanitra ô, Hianao mahalala ny hadalako; ary ny heloko tsy mba miafina aminao.
| אלהים אתה ידעת לאולתי ואשמותי ממך לא נכחדו׃ |
6 Aoka tsy ho menatra noho ny amiko izay miandry Anao, Jehovah, Tompon’ ny maro ô; aoka tsy ho very hevitra noho ny amiko izay mitady Anao, ry Andriamanitry ny Isiraely ô.
| אל יבשו בי קויך אדני יהוה צבאות אל יכלמו בי מבקשיך אלהי ישראל׃ |
7 Fa noho ny aminao no itondrako latsa; safotry ny henatra ny tavako.
| כי עליך נשאתי חרפה כסתה כלמה פני׃ |
8 Efa vahiny amin’ ny rahalahiko aho; eny, efa olon-ko azy amin’ ny zanak’ ineny aho.
| מוזר הייתי לאחי ונכרי לבני אמי׃ |
9 Fa ny firehetako ny amin’ ny tranonao no naharitra aina ahy; ary ny latsa nataon’ izay nandatsa Anao dia nihatra tamiko.
| כי קנאת ביתך אכלתני וחרפות חורפיך נפלו עלי׃ |
10 Nitomany sady nifady hanina aho, dia natao latsa ho ahy izany.
| ואבכה בצום נפשי ותהי לחרפות לי׃ |
11 Lamba fisaonana no nataoko fitafiako, dia efa ambentinteny tamin’ ireny aho.
| ואתנה לבושי שק ואהי להם למשל׃ |
12 Miresaka ahy izay mipetraka eo am-bavahady; ary ataon’ ny mpisotro toaka an-kira aho.
| ישיחו בי ישבי שער ונגינות שותי שכר׃ |
13 Fa izaho hivavaka aminao amin’ ny andro fankasitrahana, Jehovah ô, dia aminao, Andriamanitra ô noho ny haben’ ny famindram-ponao; valio aho araka ny hamarinan’ ny famonjenao.
| ואני תפלתי לך יהוה עת רצון אלהים ברב חסדך ענני באמת ישעך׃ |
14 Afaho amin’ ny fotaka aho, ka aza avela hilentika; vonjeo aho amin’ izay mankahala ahy sy amin’ ny rano lalina.
| הצילני מטיט ואל אטבעה אנצלה משנאי וממעמקי מים׃ |
15 Aza avela hanafotra ahy ny rano mandriaka, na hitelina ahy ny lalina; ary aza avela hikatom-bava amiko ny lavaka fantsakana.
| אל תשטפני שבלת מים ואל תבלעני מצולה ואל תאטר עלי באר פיה׃ |
16 Valio aho, Jehovah ô, fa tsara ny famindram-ponao; todiho aho araka ny haben’ ny fiantranao.
| ענני יהוה כי טוב חסדך כרב רחמיך פנה אלי׃ |
17 Ary aza manafina ny tavanao amin’ ny mpanomponao; fa azom-pahoriana aho, koa faingàna hamaly ahy Hianao.
| ואל תסתר פניך מעבדך כי צר לי מהר ענני׃ |
18 Hatony ny fanahiko, avoty izy; Eny, vonjeo aho noho ny ataon’ ny fahavaloko.
| קרבה אל נפשי גאלה למען איבי פדני׃ |
19 Hianao no mahalala ny latsa mihatra amiko ary ny fahamenarako sy ny fahafaham-boninahitro; Eo anatrehanao ny mpandrafy ahy rehetra.
| אתה ידעת חרפתי ובשתי וכלמתי נגדך כל צוררי׃ |
20 Ny latsa dia nanorotoro ny foko ka reraka indrindra aho; ary niandry antra aho, fa tsy nisy, sy mpanony fa tsy nahita.
| חרפה שברה לבי ואנושה ואקוה לנוד ואין ולמנחמים ולא מצאתי׃ |
21 Fa zava-mangidy no nomeny ho haniko; ary vinaingitra no natolony ahy hosotroina, raha nangetaheta aho.
| ויתנו בברותי ראש ולצמאי ישקוני חמץ׃ |
22 Aoka ho fandrika ho azy ny latabany eo anoloany; eny, ho tonta ho an’ ny tsy manana ahiahy.
| יהי שלחנם לפניהם לפח ולשלומים למוקש׃ |
23 Aoka ho jamba ny masony mba tsy hahita; ary ampangozohozoy mandrakariva ny valahany.
| תחשכנה עיניהם מראות ומתניהם תמיד המעד׃ |
24 Aidino aminy ny fahatezeranao; ary aoka hahatratra azy ny firehetan’ ny fahaviniranao.
| שפך עליהם זעמך וחרון אפך ישיגם׃ |
25 Aoka ho foana ny tobiny; aza avela hisy hitoetra ao an-dainy.
| תהי טירתם נשמה באהליהם אל יהי ישב׃ |
26 Fa izay nasianao no nenjehiny; Ary ny fahararian’ ny voatsindronao dia lazalazainy.
| כי אתה אשר הכית רדפו ואל מכאוב חלליך יספרו׃ |
27 Aoka hiampy ny helony; ary aoka tsy hiditra amin’ ny fahamarinanao izy.
| תנה עון על עונם ואל יבאו בצדקתך׃ |
28 Aoka hovonoina tsy ho eo amin’ ny bokin’ ny velona ny anarany, ary aoka tsy hosoratana eo amin’ ny marina.
| ימחו מספר חיים ועם צדיקים אל יכתבו׃ |
29 Fa izaho dia ory sy mahantra, Andriamanitra ô; aoka ny famonjenao no hanandratra ahy.
| ואני עני וכואב ישועתך אלהים תשגבני׃ |
30 Hankalaza ny anaran’ Andriamanitra amin’ ny fihirana aho, ary hidera Azy amin’ ny fisaorana.
| אהללה שם אלהים בשיר ואגדלנו בתודה׃ |
31 Fa ho sitrak’ i Jehovah Izany mihoatra noho ny vantotr’ ombilahy, izay manan-tandroka sady mivaky kitro.
| ותיטב ליהוה משור פר מקרן מפריס׃ |
32 Hahita izany ny mpandefitra ka ho faly; aoka ho velona ny fonareo, ry mpitady an’ Andriamanitra.
| ראו ענוים ישמחו דרשי אלהים ויחי לבבכם׃ |
33 Fa mihaino ny malahelo Jehovah, ary ny olony mifatotra tsy mba hamavoiny.
| כי שמע אל אביונים יהוה ואת אסיריו לא בזה׃ |
34 Aoka hidera Azy ny lanitra sy ny tany, ny ranomasina sy izay rehetra mihetsika ao aminy.
| יהללוהו שמים וארץ ימים וכל רמש בם׃ |
35 Fa Andriamanitra hamonjy an’ i Ziona sady hanangana ny tanànan’ ny Joda; ary hitoetra ao ny olony ka ho tompony;
| כי אלהים יושיע ציון ויבנה ערי יהודה וישבו שם וירשוה׃ |
36 Dia handova azy ny taranaky ny mpanompony; ary hitoetra ao izay tia ny anarany.
| וזרע עבדיו ינחלוה ואהבי שמו ישכנו בה׃ |
