Salamo 64

1 Ho an’ ny mpiventy hira. Salamo nataon’ i Davida. Henoy ny feoko, raha mitaraina aho, Andriamanitra ô; arovy ny aiko amin’ ny tahotro ny fahavalo.

To the chief music-maker. A Psalm. Of David. O God, let the voice of my grief come to your ear: keep my life from the fear of those who are against me.

2 Afeno aho tsy ho azon’ ny firaisan-tetiky ny ratsy fanahy, sy ny fitabataban’ ny mpanao ratsy,

Keep me safe from the secret purpose of wrongdoers; from the band of the workers of evil;

3 Izay mandranitra ny lelany ho tahaka ny sabatra, ka mikendry handefa ny zana-tsipìkany, dia teny mangidy.

Who make their tongues sharp like a sword, and whose arrows are pointed, even bitter words;

4 Mba hitifitra mangingina ny mahitsy; mitifitra azy tampoka izy ka tsy matahotra.

So that in secret they may let loose their arrows at the upright, suddenly and unseen.

5 Hamafiny ny hevi-dratsiny; mifampitaona hanao fandri-totofana izy ka manao hoe: iza no hahita izany?

They make themselves strong in an evil purpose; they make holes for secret nets; they say, Who will see it,

6 Manao saim-petsy izy; omaniny tsara ny sain-dalina voaheviny; lalina ny ao anatin’ ny olombelona, dia ny fony.

Or make discovery of our secret purpose? The design is framed with care; and the inner thought of a man, and his heart, is deep.

7 Mitifitra azy Andriamanitra; tampoka toy ny fiantefan’ ny zana-tsipìka no fahavoazany.

But God sends out an arrow against them; suddenly they are wounded.

8 Apotrany izy ka voasingotra ny lelany ihany; mandositra izay rehetra mahita azy.

The evil of their tongues is the cause of their fall; all those who see them are shaking their heads at them.

9 Dia matahotra ny olona rehetra ka manambara ny ataon’ Andriamanitra sady mandinika tsara ny asany.

And in fear men make public the works of God; and giving thought to his acts they get wisdom.

10 Mifaly amin’ i Jehovah ny marina ka mialoka aminy; eny, mifaly tena ny mahitsy fo rehetra.

The upright will be glad in the Lord and have hope in him; and all the lovers of righteousness will give him glory.