Salamo 61

1 Ho an’ ny mpiventy hira. Hampiarahina amin’ ny valiha. Nataon’ i Davida. Henoy ny fitarainako, Andriamanitra ô; tandremo ny fivavako.

“For the leader of the music. To be sung upon stringed instruments. A psalm of David.” Hear my cry, O God! Attend to my prayer!

2 Any am-paran’ ny tany no hiantsoako Anao raha reraka ny foko; ento aho ho any amin’ ny vatolampy izay avo ka tsy tratro;

From the extremity of the land I cry unto thee in deep sorrow of heart; Lead me to the rock that is high above me!

3 Fa aroko Hianao sy tilikambo mafy handosirako ny fahavalo.

For thou art my refuge, My strong tower against the enemy.

4 Aoka hitoetra ao an-tranonao mandrakizay aho; aoka hialoka ao ambanin’ ny fanomban’ ny elatrao aho,

I shall dwell in thy tabernacle for ever; I will seek refuge under the covert of thy wings.

5 Fa Hianao, Andriamanitra ô efa nandre ny voadiko; efa nomenao ahy ny lovan’ izay matahotra ny anaranao.

For thou, O God! wilt hear my vows, And give me the inheritance of those who fear thy name.

6 Halavao ny andron’ ny mpanjaka; aoka ny taonany hahatratra ny taranaka maro.

O prolong the life of the king! May his years extend through many generations!

7 Aoka hitoetra eo anatrehan’ Andriamanitra mandrakizay izy; famindram-po sy fahamarinana no tendreo hiaro azy;

May he reign for ever before God! Grant that mercy and truth may preserve him!

8 Ka dia izany no hankalazako ny anaranao mandrakizay, mba hanefako isan’ andro ny voadiko.

So will I sing praise to thy name for ever; I will daily perform my vows.