Salamo 6

1 Ho an’ ny mpiventy hira. Nampiarahina amin’ ny valiha. Al-hasheminith. Salamo nataon’ i Davida. Jehovah ô, aza ny fahatezeranao no ananaranao ahy, ary aza ny fahaviniranao no amaizanao ahy.

To the chief Musician. On stringed instruments, upon Sheminith. A Psalm of David. Jehovah, rebuke me not in thine anger, and chasten me not in thy hot displeasure.

2 Mamindrà fo amiko, Jehovah ô, fa reraka aho; sitrano aho, Jehovah ô, fa mihozohozo ny taolako.

Be gracious unto me, Jehovah, for I am withered; Jehovah, heal me, for my bones tremble.

3 Ny fanahiko koa dia mangovitra loatra; fa Hianao, Jehovah ô, mandra-pahoviana?

And my soul trembleth exceedingly: and thou, Jehovah, till how long?

4 Miverena, Jehovah ô, afaho ny fanahiko; Vonjeo aho noho ny famindram-ponao.

Return, Jehovah, free my soul; save me for thy loving-kindness' sake.

5 Fa tsy misy fahatsiarovana Anao any amin’ ny fahafatesana, any amin’ ny fiainan-tsi-hita iza no hidera Anao? (Sheol h7585)

For in death there is no remembrance of thee; in Sheol who shall give thanks unto thee? (Sheol h7585)

6 Efa sasatry ny misento aho; mampitsinkafona ny farafarako isan’ alina aho sady mahampo-dranomaso ny fandriako.

I am wearied with my groaning; all the night make I my bed to swim; I dissolve my couch with my tears.

7 Lanin’ alahelo ny masoko; efa pahina izy amin’ ny ataon’ ny mpampahory ahy rehetra.

Mine eye wasteth away through grief; it hath grown old because of all mine oppressors.

8 Mialà amiko, ianareo mpanao ratsy rehetra; fa Jehovah efa nandre ny feon’ ny fitomaniako.

Depart from me, all ye workers of iniquity; for Jehovah hath heard the voice of my weeping.

9 Jehovah efa nandre ny fangatahako; Jehovah no handray ny fivavahako.

Jehovah hath heard my supplication; Jehovah receiveth my prayer.

10 Ho menatra sy hangovitra indrindra ny fahavaloko rehetra; hihodina izy ka ho menatra tampoka.

All mine enemies shall be ashamed and tremble exceedingly; they will turn, they will be ashamed suddenly.