Salamo 6

1 Ho an’ ny mpiventy hira. Nampiarahina amin’ ny valiha. Al-hasheminith. Salamo nataon’ i Davida. Jehovah ô, aza ny fahatezeranao no ananaranao ahy, ary aza ny fahaviniranao no amaizanao ahy.

In parts according to verses. A Psalm of David. For the octave. O Lord, do not rebuke me in your fury, nor chastise me in your anger.

2 Mamindrà fo amiko, Jehovah ô, fa reraka aho; sitrano aho, Jehovah ô, fa mihozohozo ny taolako.

Have mercy on me, Lord, for I am weak. Heal me, Lord, for my bones have become disturbed,

3 Ny fanahiko koa dia mangovitra loatra; fa Hianao, Jehovah ô, mandra-pahoviana?

and my soul has been very troubled. But as for you, Lord, when?

4 Miverena, Jehovah ô, afaho ny fanahiko; Vonjeo aho noho ny famindram-ponao.

Turn to me, Lord, and rescue my soul. Save me because of your mercy.

5 Fa tsy misy fahatsiarovana Anao any amin’ ny fahafatesana, any amin’ ny fiainan-tsi-hita iza no hidera Anao? (Sheol h7585)

For there is no one in death who would be mindful of you. And who will confess to you in Hell? (Sheol h7585)

6 Efa sasatry ny misento aho; mampitsinkafona ny farafarako isan’ alina aho sady mahampo-dranomaso ny fandriako.

I have labored in my groaning. Every night, with my tears, I will wash my bed and drench my blanket.

7 Lanin’ alahelo ny masoko; efa pahina izy amin’ ny ataon’ ny mpampahory ahy rehetra.

My eye has been troubled by rage. I have grown old among all my enemies.

8 Mialà amiko, ianareo mpanao ratsy rehetra; fa Jehovah efa nandre ny feon’ ny fitomaniako.

Scatter before me, all you who work iniquity, for the Lord has heard the voice of my weeping.

9 Jehovah efa nandre ny fangatahako; Jehovah no handray ny fivavahako.

The Lord has heard my supplication. The Lord has accepted my prayer.

10 Ho menatra sy hangovitra indrindra ny fahavaloko rehetra; hihodina izy ka ho menatra tampoka.

Let all my enemies be ashamed and together be greatly troubled. May they be converted and become ashamed very quickly.