Salamo 52

1 Ho an’ ny mpiventy hira. Maskila nataon’ i Davida, fony tonga Doega Edomita ka nilaza tamin’ i Saoly hoe: Davida dia efa tonga ao an-tranon’ i Ahimeleka. Nahoana no mandoka tena amin’ ny haratsiana ianao, ry ilay mahery? Ny famindram-pon’ Andriamanitra maharitra mandrakariva.

[For the Chief Musician. A contemplation by David, when Doeg the Edomite came and told Saul, "David has come to Abimelech's house."] Why do you boast of mischief, mighty man? God's loving kindness endures continually.

2 Loza no heverin’ ny lelanao, tahaka ny hareza maranitra, ry mpanao fitaka.

Your tongue plots destruction, like a sharp razor, working deceitfully.

3 Efa tia ny ratsy noho ny tsara ianao, ary ny lainga noho ny miteny ny marina. (Sela)

You love evil more than good, lying rather than speaking the truth. (Selah)

4 Ny teny mandripaka rehetra no tianao, ry lela mamitaka.

You love all devouring words, you deceitful tongue.

5 Andriamanitra kosa hanimba anao mandrakizay; hisambotra anao sy hanongotra anao hiala ao an-day Izy, ary hamongotra anao tsy ho eo amin’ ny tanin’ ny velona. (Sela)

God will likewise destroy you forever. He will take you up, and pluck you out of your tent, and root you out of the land of the living. (Selah)

6 Ny marina hijery, dia hatahotra ka hihomehy azy hoe:

The righteous also will see it, and fear, and laugh at him, saying,

7 Indro, ny lehilahy izay tsy nanao an’ Andriamanitra ho heriny; fa natoky ny haben’ ny hareny ka nikikitra tamin’ ny faharatsiany.

"Look, this is the man who did not make God his strength, but trusted in the abundance of his riches, and was confident in his desire."

8 Fa izaho dia tahaka ny hazo oliva maitso ao an-tranon’ Andriamanitra. Matoky ny famindram-pon’ Andriamanitra mandrakizay doria aho.

But as for me, I am like a green olive tree in God's house. I trust in God's loving kindness forever and ever.

9 Hidera Anao mandrakizay aho, fa efa nataonao izany; ary hiandry ny anaranao eo anatrehan’ ny olonao masìna aho, fa tsara izany.

I will give you thanks forever, because you have done it. I will hope in your name, for it is good, in the presence of your faithful ones.