Salamo 52

1 Ho an’ ny mpiventy hira. Maskila nataon’ i Davida, fony tonga Doega Edomita ka nilaza tamin’ i Saoly hoe: Davida dia efa tonga ao an-tranon’ i Ahimeleka. Nahoana no mandoka tena amin’ ny haratsiana ianao, ry ilay mahery? Ny famindram-pon’ Andriamanitra maharitra mandrakariva.

Why boastest thou thyself in mischief, O mighty man? the goodness of God endureth continually.

2 Loza no heverin’ ny lelanao, tahaka ny hareza maranitra, ry mpanao fitaka.

Thy tongue deviseth mischiefs; like a sharp razor, working deceitfully.

3 Efa tia ny ratsy noho ny tsara ianao, ary ny lainga noho ny miteny ny marina. (Sela)

Thou lovest evil more than good; and lying rather than to speak righteousness. (Selah)

4 Ny teny mandripaka rehetra no tianao, ry lela mamitaka.

Thou lovest all devouring words, O thou deceitful tongue.

5 Andriamanitra kosa hanimba anao mandrakizay; hisambotra anao sy hanongotra anao hiala ao an-day Izy, ary hamongotra anao tsy ho eo amin’ ny tanin’ ny velona. (Sela)

God shall likewise destroy thee for ever, he shall take thee away, and pluck thee out of thy dwelling place, and root thee out of the land of the living. (Selah)

6 Ny marina hijery, dia hatahotra ka hihomehy azy hoe:

The righteous also shall see, and fear, and shall laugh at him:

7 Indro, ny lehilahy izay tsy nanao an’ Andriamanitra ho heriny; fa natoky ny haben’ ny hareny ka nikikitra tamin’ ny faharatsiany.

Lo, this is the man that made not God his strength; but trusted in the abundance of his riches, and strengthened himself in his wickedness.

8 Fa izaho dia tahaka ny hazo oliva maitso ao an-tranon’ Andriamanitra. Matoky ny famindram-pon’ Andriamanitra mandrakizay doria aho.

But I am like a green olive tree in the house of God: I trust in the mercy of God for ever and ever.

9 Hidera Anao mandrakizay aho, fa efa nataonao izany; ary hiandry ny anaranao eo anatrehan’ ny olonao masìna aho, fa tsara izany.

I will praise thee for ever, because thou hast done it: and I will wait on thy name; for it is good before thy saints.