Salamo 48
1 Tonon-kira. Salamo nataon’ ny Koraïta. Lehibe Jehovah ka mendrika hoderaina indrindra, ao an-tanànan’ Andriamanitsika, ao an-tendrombohiny masìna.
| שיר מזמור לבני קרח גדול יהוה ומהלל מאד בעיר אלהינו הר קדשו׃ |
2 Avo mahafinaritra, fifalian’ ny tany rehetra, ny tendrombohitra Ziona, eo amin’ ny ilany avaratra, tanànan’ ny Mpanjaka lehibe.
| יפה נוף משוש כל הארץ הר ציון ירכתי צפון קרית מלך רב׃ |
3 Andriamanitra ao an-tranon’ andriana ao dia nanao izay hahafantarana Azy ho fiarovana avo.
| אלהים בארמנותיה נודע למשגב׃ |
4 Fa he! niangona ny mpanjaka maro, niara-nandroso avokoa izy.
| כי הנה המלכים נועדו עברו יחדו׃ |
5 Nijery izy ka talanjona terỳ; Very hevitra izy ka nalaky nandositra;
| המה ראו כן תמהו נבהלו נחפזו׃ |
6 Hovitra no nahazo azy teo, dia tahaka ny fanaintainan’ ny vehivavy raha miteraka.
| רעדה אחזתם שם חיל כיולדה׃ |
7 Amin’ ny rivotra avy any atsinanana no namakianao ny sambon’ i Tarsisy.
| ברוח קדים תשבר אניות תרשיש׃ |
8 Araka izay efa rentsika no hitantsika, tao an-tanànan’ i Jehovah, Tompon’ ny maro, tao an-tanànan’ Andriamanitsika. Andriamanitra mampitoetra azy mandrakizay. (Sela)
| כאשר שמענו כן ראינו בעיר יהוה צבאות בעיר אלהינו אלהים יכוננה עד עולם סלה׃ |
9 Efa nieritreritra ny famindram-ponao izahay, Andriamanitra ô, tao anatin’ ny tempolinao.
| דמינו אלהים חסדך בקרב היכלך׃ |
10 Araka ny anaranao, Andriamanitra ô, no fiderana Anao hatramin’ ny faran’ ny tany; feno fahamarinana ny tananao ankavanana.
| כשמך אלהים כן תהלתך על קצוי ארץ צדק מלאה ימינך׃ |
11 Aoka hifaly ny tendrombohitra Ziona, aoka ho ravoravo ny zanaka-vavin’ Joda, noho ny fitsaranao.
| ישמח הר ציון תגלנה בנות יהודה למען משפטיך׃ |
12 Manodidina an’ i Ziona ianareo, eny, mandehana manodidina azy; isao ny tilikambony,
| סבו ציון והקיפוה ספרו מגדליה׃ |
13 Hevero tsara ny mandany, diniho ny tranon’ andrianany, mba hambaranareo amin’ ny taranaka mandimby.
| שיתו לבכם לחילה פסגו ארמנותיה למען תספרו לדור אחרון׃ |
14 Fa izany no Andriamanitra, dia Andriamanitsika mandrakizay doria; Izy no hitarika antsika na dia hatramin’ ny fahafatesana aza.
| כי זה אלהים אלהינו עולם ועד הוא ינהגנו על מות׃ |
